འཇུག་པ་རྩ་འགྲེལ་དུ་བཀོད་པའི་ཕྱོགས་སྔ་སེམས་ཙམ་པ་ཞིག་ངོས་བཟུང་བ།
ཡོང་ཁུངས། ངེད་དགེ་ལུགས་པའི་དྲ་བ། སྤེལ་དུས། 2026-09-27 08:46:25
རྩོམ་པ་པོ། སྒར་བ་འཕྲིན་ལས་རྒྱ་མཚོ ཀློག་ཐེངས།
ངས་ནི་ལོ་འདི་དག་གི་རིང་ལ། དཔལ་ལྡན་ཟླ་བའི་འཇུག་པ་རྩ་འགྲེལ་དང་རྗེ་བླ་མའི་འཇུག་འགྲེལ་དགོངས་པ་རབ་གསལ། དེ་ལས་གཞན། ཁ་ཆེ་པཎ་ཆེན་ཛ་ཡ་ཨ་ནནྡ། རྗེ་བཙུན་རེད་མདའ་བ་དང་། རོང་སྟོན་ཤེས་བྱ་ཀུན་གཟིགས། ལོ་ཆེན་སྐྱབས་མཆོག་དཔལ། ཀུན་མཁྱེན་བློ་གྲོས་རིན་ཆེན་སེང་གེ། ཀརྨ་མི་བསྐྱོད་རྡོ་རྗེ། ཀུན་མཁྱེན་གོ་རམས་པ་བསོད་ནམས་སེང་གེ། སེ་ར་རྗེ་བཙུན་པ། ཀུན་མཁྱེན་འཇམ་དབྱངས་བཞད་པ་སོགས་ཀྱིས་མཛད་པའི་དབུ་མ་འཇུག་པའི་འགྲེལ་བ་དང་ཡང་འགྲེལ། ཚིག་འགྲེལ་དང་། སྤྱི་དོན། མཐའ་དཔྱོད་སོགས་དུ་མར་མཇལ་བའི་གོ་སྐབས་བྱུང་བ་ལ་སེམས་ནས་དགའ་ཞིང་སྤྲོ་ཡོད།
ཐེངས་འདིར་ལྟས་དབང་ཞིག་གིས་འཇུག་པ་རང་འགྲེལ་དུ་བཀོད་པའི་རྨི་ལམ་དུ་ཁང་ཆུང་གཅིག་ལ་གླང་བོ་ཆེ་ཁྱུར་འཁྲིགས་པའི་དཔེ་དེ་རྒྱ་ནག་སྐད་དུ་བཞུགས་པའི་སློབ་དཔོན་ཆོས་སྐྱོང་གི་སེམས་ཙམ་ཉི་ཤུ་བའི་འགྲེལ་བའི་ནང་བཀོད་པ་མཐོང་ཚེ། རང་ནུས་གང་ལྕོགས་ཀྱི་ངང་ནས་འགྲེལ་བ་དེ་ཉིད་བོད་འགྱུར་ཞུས་ཤིང་། ད་ལྟ་ཞུ་དག་གི་སྐབས་ལ་སླེབས་པ་ན། དེའི་ནང་དུ། འཇུག་པ་རང་འགྲེལ་ལས་ཕྱོགས་སྔར་བཀོད་པ་མང་བོ་ཞིག་དང་མཇལ་བྱུང་།
སྔོན་ཆད་ཅིག་ལ་འཇུག་པ་རང་འགྲེལ་གྱི་ཕྱོགས་སྔ་ཞིག་བོད་སྔ་མ་རྣམས་ཀྱིས་སློབ་དཔོན་བློ་བརྟན་ཡིན་པར་བཤད་པ་དེ། རྗེ་བླ་མས་དབུ་མ་དགོངས་པ་རབ་གསལ་དུ། སློབ་དཔོན་ཟླ་གྲགས་ཀྱིས་དབུ་མ་བཞི་བརྒྱ་བའི་འགྲེལ་བར། སློབ་དཔོན་ཆོས་སྐྱོང་གིས་བཞི་བརྒྱ་བ་སེམས་ཙམ་གྱི་ལུགས་སུ་བཀྲལ་བར་གསུངས་པ་སོགས་གུང་བསྒྲིགས་ནས། ཕྱོགས་སྔ་དེར་སློབ་དཔོན་ཆོས་ཆོས་བཞག་ན་འོས་པ་ནི། དབུ་མ་དགོངས་པ་རབ་གསལ་ལས། འདིར་སློབ་དཔོན་གྱིས་ཁ་ཅིག་འཕགས་པའི་ཞལ་སྔ་ནས། བདག་ལས་མ་ཡིན་གཞན་ལས་མིན། །ཞེས་སོགས་ཀྱི་གཞུང་གིས་སྐྱེ་བ་སོགས་བཀག་པ་ནི། གཟུང་འཛིན་རྫས་ཐ་དད་པའི་ཀུན་བཏགས་ཀྱིས་སྐྱེ་བ་སོགས་བཀག་པ་ཡིན་གྱི། གཞན་དབང་བདེན་པ་བཀག་པ་མིན་པར་འདོད་པ་འདི་ཡང་། དེ་ལྟར་འགྲེལ་པའི་གཏན་ཚིགས་མེད་པར་མི་འགྲུབ་པས། དེ་སྐད་དུ་སྨྲ་བ་ལ་ནི་བརྒལ་ཞིང་བརྟག་པར་བྱ་བ་ཁོ་ནའོ། །ཞེས་བཤད་པའི་ཕྱོགས་སྔ་སྨྲ་བ་ནི། སྔར་རབས་པ་ཁ་ཅིག་སློབ་དཔོན་བློ་བརྟན་ལ་སོགས་པ་ཡིན་པར་སྨྲ་མོད་ཀྱང་། དེའི་གཞུང་ན་དེ་ལྟར་བཤད་པ་མི་སྣང་ངོ་། །བཞི་བརྒྱ་པའི་འགྲེལ་པར་སློབ་དཔོན་ཆོས་སྐྱོང་གིས་བཞི་བརྒྱ་པའི་ལྟ་བ་སེམས་ཙམ་དུ་བཀྲལ་བར་བཤད་པས་དེ་ལ་སྦྱར་ན་འགྲིག་གོ །ཞེས་བྱུང་བར་བརྟེན། རྒྱ་ནག་གི་སྐད་དུ་བཞུགས་པའི་སློབ་དཔོན་བློ་བརྟན་གྱི་དབུ་མ་རྩ་བའི་འགྲེལ་བ་དང་། སློབ་དཔོན་ཆོས་སྐྱོང་གི་བཞི་བརྒྱ་བའི་འགྲེལ་བ་གཉིས་སུ་བཙལ་བའི་ཚེ། ཕྱི་མའི་ནང་ནས་རྙེད་བྱུང་།
དེ་ནས་བཟུང་སློབ་དཔོན་ཆོས་སྐྱོང་གི་གཞུང་རྒྱའི་སྐད་དུ་འགྱུར་བ་རྣམས་ལ་ཉམས་འཇོག་ཁུལ་བྱས།
ཐེངས་འདིར། འཇུག་པ་རང་འགྲེལ་ལས། རྨི་ལམ་ཇི་བཞིན་ཞེ་ན། ཁང་མིག་ཤིན་ཏུ་ཆུང་ངུའི་ནང་དུ་ཉལ་ཤིང་གཉིད་ཀྱིས་ལོག་པས་ཁང་པའི་ནང་དུ་གླང་པོ་ཆེ་མྱོས་པའི་ཁྱུ་རྨིས་པ་ནི་ཇི་ཞིག་ལྟར་ཡང་ཡོད་པ་མ་ཡིན་ཏེ། དེའི་ཕྱིར་ཕྱི་རོལ་གྱི་ཡུལ་མེད་བཞིན་དུ་གདོན་མི་ཟ་བར་རྣམ་པར་ཤེས་པ་འདི་ཁས་བླང་བར་བྱའོ། །ཞེས་པའི་ཕྱོགས་སྔ་ནི་སློབ་དཔོན་ཆོས་སྐྱོང་ཡིན་པ་ཁོང་གི་སེམས་ཙམ་ཉི་ཤུ་བའི་འགྲེལ་བཤད་ནང་དུ་རྙེད།
དེ་ནས་རིམ་པར་མཇལ་བ་ན། སློབ་དཔོན་ཟླ་བ་གྲགས་པས་འཇུག་པ་རྩ་འགྲེལ་དུ། སེམས་ཙམ་པའི་ལུགས་བྱེ་བྲག་ཏུ་འགོག་པའི་སྐབས་ཀྱི་ཕྱོགས་སྔར་བཀོད་པ་མང་བོ་ཞིག་དེ་ནས་རྙེད། ཐེངས་འདིར་རེ་རེར་བཀོད་ན་ཉོག་འགྲོ་བར་དོགས་ལ། གོ་སྐབས་བྱུང་ན་ཕྱིས་སུ་སློབ་དཔོན་ཁོང་གི་འགྲེལ་བ་ཁོ་བོས་བོད་འགྱུར་བྱས་ཡོད་པ་དེ་རྣམ་པ་ཚོ་ལ་སྤྱན་འབེབས་ཞུ་རྩིས་ཡོད།
དེ་རིང་འདི་ནས་མཚོན་པ་ཙམ་རེ་བཀོད་ན།
༡ རྨི་ལམ་གྱི་དཔེས་ཕྱི་རོལ་མེད་ཀྱང་ཤེས་པ་རང་བཞིན་གྱིས་ཡོད་པ་འགྲུབ་པ།
སློབ་དཔོན་ཆོས་སྐྱོང་གིས་མཛད་པའི་སེམས་ཙམ་ཉི་ཤུ་བའི་འགྲེལ་བཤད་ལས། རྨི་ལམ་ན་ཕྱི་རོལ་གྱི་ཡུལ་མེད་ཀྱང་། གནོད་པའི་བྱེད་པ་ཡོད་པ་ནི། རིགས་པས་འགྲུབ་པར་འགྱུར་ཏེ། རྨི་ལམ་གྱི་ནང་དུ་སྐྱེས་པ་དང་བུད་མེད་གཉིས་ཕན་ཚུན་འདུས་པ་ན། རང་རང་གི་དབང་པོས་ཕན་ཚུན་རེག་པར་བྱེད་པས། ཕྱི་རོལ་གྱི་རེག་བྱ་མེད་ཀྱང་བྱེད་པ་ཡོད་པས་ཁུ་བ་མི་གཙང་བ་འབྱུང་བར་སྣང་བ་ནི། རྣམ་པར་ཤེས་པའི་རྣམ་པ་ཉིད་རང་དང་འདུས་ཏེ་བྱ་བ་བྱེད་པ་ཙམ་མོ། །ཞེས་བྱུང་།
༢ རྨི་ལམ་དུ་ཁང་ཆུང་གཅིག་གི་ནང་གླང་བོ་ཆེ་ཁྱུ་འཁྲིགས་པར་སྣང་བའི་དཔེ།
སློབ་དཔོན་ཆོས་སྐྱོང་གིས་མཛད་པའི་སེམས་ཙམ་ཉི་ཤུ་བའི་འགྲེལ་བཤད་ལས། རྨི་ལམ་ལ་སེམས་བསྒྲིབས་པའི་ནུས་པ་ཡོད་པའི་ཕྱིར། དངོས་པོ་གཞན་དག་རེ་ཞིག་གི་ཚེ་སྐྱེ་ལ། རྣམ་པར་ཤེས་པའི་ངོ་བོ་དྭངས་ཤིང་ཐོགས་པ་མེད་པར་མངོན་དུ་གྱུར་བ་ནི། ཞེས་པ་ནས། ཁང་མིག་ཤིན་ཏུ་ཆུང་ངུའི་ནང་དུ་རྨི་ལམ་གྱིས་གླང་པོ་ཆེའི་ཁྱུ་དང་། གཞན་ཡང་དངོས་པོ་སྣ་ཚོགས་པ་རྣམས་སྣང་བ་ལྟ་བུའོ། །ཞེས་བྱུང་། འདི་ལས་གཞན་པའི་སེམས་ཙམ་པའི་གཞུང་དུ། རྨི་ལམ་དཔེར་བཀོད་པ་ཡོད་མོད། ཁང་ཆུང་གཅིག་གི་ནང་གླང་བོ་ཆེའི་ཁྱུ་འཁྲིགས་པར་བཀོད་པ་ནི་ད་སྔ་མཐོང་མ་ཐུབ། སློབ་དཔོན་ཟླ་གྲགས་ཀྱིས་འཇུག་པ་རང་འགྲེལ་དུ། དེ་ཁོ་ན་ཉིད་མ་རྟོགས་པའི་མཁས་པ་རྣམས་ཀྱི་མཚན་འགོད་པའི་ཚེ་སློབ་དཔོན་ཆོས་སྐྱོང་གི་མཚན་དངོས་སུ་ཐོན་པ་གཅིག བཞི་བརྒྱ་བའི་ཟླ་འགྲེལ་སྐབས་སུ། སློབ་དཔོན་འདི་ཉིད་ཕྱོགས་སྔར་བཀོད་པ་དང་གཉིས། གོང་དུ་རང་འགྲེལ་ལས་བཀོད་པའི་ཕྱོགས་སྔའི་འདོད་པ་དེ། སློབ་དཔོན་ཆོས་སྐྱོང་གི་བཞི་བརྒྱ་བའི་འགྲེལ་བ་ལས་རྙེད་པ་དང་གསུམ། འདི་ལས་དཔེ་ལ་རྨི་ལམ་དུ་ཁང་ཆུང་ནང་གླང་བོ་ཆེའི་ཁྱུ་སྣང་བ་བཀོད་པ་དང་འགོད་པའི་རྒྱུ་མཚན་སོགས་རང་འགྲེལ་ལ་མཐུན་པ་དང་བཞི། ད་དུང་རྒྱུ་མཚན་གཞན་དུ་ཞིག་ལ་བལྟས་ན། སློབ་དཔོན་འདི་གཉིས་སྐུ་འཚོ་བའི་དུས་ཤིན་ཏུ་ཉེ་བར་མ་ཟད། རྩོད་པ་རྩོད་ལན་དང་བཅས་པ་ཞིག་གནང་ཡོད་པའི་ཚོད་དུ་འདུག
༣ སྐྲ་ཤད་མཐོང་བའི་དཔེས་ཕྱི་དོན་མེད་པར་སྒྲུབ་པ།
འཇུག་པ་རང་འགྲེལ། འོ་ན་རབ་རིབ་ཅན་གྱིས་ཡོད་པ་མ་ཡིན་པའི་སྐྲ་ཤད་ལ་སོགས་པ་དམིགས་པའི་ཕྱིར་ཕྱི་རོལ་མེད་ཀྱང་རྣམ་པར་ཤེས་པ་ཡོད་པ་ཡིན་ནོ་ཞེ་ན། ཞེས་ཕྱོགས་སྔའི་འདོད་པ་བཀོད་ཡོད་ལ།
སློབ་དཔོན་ཆོས་སྐྱོང་གི་འགྲེལ་བཤད་དུ། གཟུགས་སོགས་ལ་དམིགས་པའི་རྣམ་པར་ཤེས་པས་ཕྱི་རོལ་གྱི་ཡུལ་མི་འཛིན་ཏེ། དཔེར་ན་རབ་རིབ་ཅན་གྱིས་སྐྲ་ཤད་དང་སྦྲང་བུ་ལ་སོགས་པ་མཐོང་བ་བཞིན་དུ། ཕྱི་རོལ་གྱི་ཡུལ་འདི་དག་སྟོང་ཞིང་རྣམ་པར་ཤེས་པ་ཙམ་དུ་ཟད་པ་ནི་འདིའི་གྲུབ་པའི་མཐའ་ཡིན་ནོ། །ཞེས་ཕྱི་དོན་མེད་ཀྱང་རྣམ་པར་ཤེས་པ་ཙམ་ཡོད་པའི་ཚུལ་གསལ་བར་གསུངས།
༤ བག་ཆགས་ཀྱི་ནུས་པ་ལས་དོན་གྱིས་སྟོང་བའི་ཤེས་པ་སྐྱེ་བར་སྒྲུབ་པ།
འཇུག་པ་རང་འགྲེལ་ལས། གལ་ཏེ་ནུས་པ་ཡོད་པར་འགྱུར་ན་ནི། རྣམ་པར་ཤེས་པ་འབྱུང་བར་འགྱུར་བ་ཉིད་དུ་འགྱུར་བ་ཞིག་ན། ཞེས་ཕྱོགས་སྔ་བཀོད་པ་ལྟར།
སློབ་དཔོན་ཆོས་སྐྱོང་གི་འགྲེལ་བཤད་དུ། དེས་ན་འདི་ལྟར་ཤེས་པར་བྱ་སྟེ། རྣམ་པར་རིག་པ་ཙམ་ཉིད་ལ་བག་ཆགས་ཀྱི་ནུས་པ་དེ་མངོན་དུ་གྱུར་པའི་ཚེ། མཚན་མ་སྣ་ཚོགས་པའི་ཆ་རྣམས་སེམས་ལ་གསལ་བར་སྣང་བ་དེ་ནི་རིགས་པས་འཐད་པ་ཡིན་ནོ། །ཞེས་ཕྱི་དོན་མེད་ཀྱང་བག་ཆགས་ཀྱི་ནུས་པ་ལ་བརྟེན་ནས་རྣམ་པར་ཤེས་པ་འབྱུང་བར་བསྟན་པ་ལྟ་བུ་ཤིན་ཏུ་མང་།
འཇུག་པའི་འགྲེལ་བཤད་ལས། ཁང་མིག་ཤིན་ཏུ་ཆུང་བའི་ནང་དུ་ཉལ་ཞིང་ཞེས་བྱ་བ་ནི་ཞེས་འགྲེལ་བཤད་ཅུང་ཟད་གནང་བ་ལས། དེ་དག་ནི་སློབ་དཔོན་སུ་ཞིག་གི་དགོངས་པ་ཡིན་པ་དང་། ཕྱོགས་སྔའི་མཚན་སོགས་གསལ་བོར་གནང་མེད་པ་ལ་བལྟས་ན། པཎ་ཆེན་ཁོང་འཕགས་ཡུལ་དུ་བཞུགས་དུས། སློབ་དཔོན་གྱི་འགྲེལ་བཤད་འདིའི་བསྟན་པ་ནུབ་སོང་བ་ཡིན་མིན་སོགས་ལ་ཡང་དཔྱད་དུ་ཡོད་མོད། རེ་ཞིག་བཏང་སྙོམས་སུ་བཞག་ཡོད།
ཞར་ལ་དེ་དང་ཕྱོགས་མཚུངས་པའི་སེམས་ཙམ་པའི་སློབ་དཔོན་འགའི་འདོད་པ་འགོད་པ།
སྤྱིར་བཏང་འདི་དག་གི་སྐབས་སུ་སློབ་དཔོན་ཐོགས་མེད་སྐུ་མཆེད་དང་། བཙུན་པ་ངོ་བོ་ཉིད་མེད་པ། སློབ་དཔོན་ཕྱོགས་གླང་དང་དུལ་བ་ལྷ་སོགས་མང་ཡང་། སློབ་དཔོན་འདི་དགོངས་པ་ཕྱོགས་མཐུན་ལ། བོད་ཡུལ་དུ་ཆེས་ཆེར་མ་གྲགས་པའི་སློབ་དཔོན་འགའི་བསྟན་བཅོས་ལས་བྱུང་ཚུལ་བཀོད་ན།
༡ རྣམ་རིག་ཙམ་དུ་གྲུབ་པའི་བསྟན་བཅོས་ལས། བདག་དང་ཆོས་ཀྱི་མཚན་མ་འདི་ནི་ནང་གི་རྣམ་པར་ཤེས་པ་ལ་གནས་ཀྱང་རྣམ་པར་རྟོག་པ་ལ་བརྟེན་ནས་ཕྱི་རོལ་གྱི་དོན་ལྟ་བུར་སྣང་ངོ་། །སེམས་ཅན་རྣམས་ནི་ཐོག་མ་མེད་པའི་དུས་ནས་འདི་ལ་དམིགས་ནས་བདག་དང་ཆོས་རྫས་སུ་འཛིན་ལ། སྐྲ་ཤད་དང་རྨི་ལམ་ལྟ་བུ་ནི་དང་རབ་རིབ་དང་གཉིད་ཀྱི་སྟོབས་ཀྱིས་ཡིན་པའི་ཕྱིར་ན་སེམས་ཕྱི་རོལ་གྱི་མཚན་མ་སྣ་ཚོགས་པ་ལྟར་སྣང་བ་ན། འདི་ལ་དམིགས་ནས་ཕྱི་རོལ་གྱི་དོན་རྫས་ཡོད་དུ་འཛིན་ནོ། །ཞེས་༼ བསྟན་བཅོས་འདི་ཁོ་བོས་བོད་འགྱུར་བྱས་ཡོད། ༽དང་།
༢ རྒྱ་ནག་འགྲེལ་ཆེན་ལས། གཉིས་པ་ནི་ཆ་རྣམ་པ་གཉིས་ཀྱིས་དོན་བསྟན་ཏེ། ལྟ་བའི་རྣམ་པ་ནི་རྣམ་པར་རིག་པ་ཞེས་བྱའོ། །
རྒྱུ་མཚན་གྱི་རྣམ་པ་ནི་རྒྱུ་མཚན་ཞེས་བྱ་སྟེ། དེའི་ཕྱིར་རྣམ་པར་རིག་པ་ཙམ་དུ་གྲུབ་པའི་བསྟན་བཅོས་ལས་ནང་གི་རྣམ་པར་ཤེས་པ་ཉིད་ཕྱི་རོལ་གྱི་ཡུལ་ལྟ་བུར་གྱུར་པར་སྣང་ངོ་ཞེས་བཤད་དོ། །འདི་ལས་བྱུང་བ་ནི། རྣམ་རིག་ཙམ་དུ་གྲུབ་པའི་བསྟན་བཅོས་ཁུངས་སུ་དྲངས་ནས། ཕྱི་དོན་མེད་པར་རྣམ་པར་ཤེས་པ་ཙམ་དུ་གྲུབ་པར་བསྒྲུབས་ཡོད།
ཉེ་བའི་ཆར། རྒྱའི་སློབ་དཔོན་དྲི་མེད་ཀྱིས་སེམས་ཙམ་ཉི་ཤུ་བའི་བཀའ་ཁྲིད་དུ། གདོད་མ་ནས་མ་གྲུབ་པའི་སྡུག་བསྔལ་དེ་ལས་ངེས་པར་ཐར་བར་ནུས་ཏེ། དཔེར་ན་ང་རང་ཚོས་རྨི་ལམ་རྨི་བ་དང་མཚུངས། གལ་ཏེ་རྨི་ལམ་གྱི་སྣང་བ་དེ་དངོས་གནས་པ་ཞིག་ཡིན་ན། ཁྱོད་རང་དེ་ལས་སད་པར་འདོད་དམ། དེས་ནི་ནམ་ཡང་སད་པར་མི་སྟེར་རོ། ། འོན་ཀྱང་རྨི་ལམ་གྱི་སྣང་བ་འདི་ནི་རྫུན་པ་ཡིན་ལ། ཁྱོད་རང་གི་སེམས་ཀྱི་གཟུགས་བརྙན་ཕྱིར་འཕྲོས་པ་ཡིན་པས། ཅུང་ཟད་སྒུལ་བ་ཙམ་གྱིས། ཁྱོད་རང་སད་ཐུབ་ལ། རྨི་ལམ་དེ་ཡང་མེད་པར་འགྱུར་བ་ཡིན་ནོ། །ཞེས་པ་སོགས་གང་ལ་བལྟས་ཀྱང་། སེམས་ཙམ་པས་རྨི་ལམ་གྱི་དཔེ་ནི་ཕྱི་དོན་མེད་པར་སྒྲུབ་བྱེད་ཀྱི་གཙོ་བོ་ཞིག་ཏུ་བཟུང་བ་ཤེས་ནུས།
བདག་ལ་མཐུན་རྐྱེན་གྱིས་ཡོང་ན། གངས་ཅན་གྱི་མཁས་པ་རྣམས་ཀྱི་སྤྱན་སྔར་སེམས་ཙམ་གྱི་བསྟན་བཅོས་སོགས་གང་རྙེད་ཅིག་གི་མཆོད་སྤྲིན་བྱ་ངེས་ཡིན།
སྒར་བ་འཕྲིན་ལས་རྒྱ་མཚོས་སློབ་དཔོན་ཆོས་སྐྱོང་གི་སེམས་ཙམ་ཉི་ཤུ་བའི་འགྲེལ་བཤད་བསྒྱུར་ཟིན་པ་དང་། སློབ་དཔོན་བློ་བརྟན་དང་རྒྱ་ནག་གི་སློབ་དཔོན་ཁུའུ་ཅེས་ཀྱིས་མཛད་པའི་རྣམ་རིག་ཙམ་དུ་གྲུབ་པའི་བསྟན་བཅོས་ཀྱི་བརྗེད་བྱང་ཆེན་པོ་བོད་འགྱུར་བྱེད་པའི་བར་གསེང་ནས་༢༠༢༦་སྤྱི་ཟླ་༠༩་ཚེས་༣༥ཉིན།
སྔོན་ཆད་ཅིག་ལ་འཇུག་པ་རང་འགྲེལ་གྱི་ཕྱོགས་སྔ་ཞིག་བོད་སྔ་མ་རྣམས་ཀྱིས་སློབ་དཔོན་བློ་བརྟན་ཡིན་པར་བཤད་པ་དེ། རྗེ་བླ་མས་དབུ་མ་དགོངས་པ་རབ་གསལ་དུ། སློབ་དཔོན་ཟླ་གྲགས་ཀྱིས་དབུ་མ་བཞི་བརྒྱ་བའི་འགྲེལ་བར། སློབ་དཔོན་ཆོས་སྐྱོང་གིས་བཞི་བརྒྱ་བ་སེམས་ཙམ་གྱི་ལུགས་སུ་བཀྲལ་བར་གསུངས་པ་སོགས་གུང་བསྒྲིགས་ནས། ཕྱོགས་སྔ་དེར་སློབ་དཔོན་ཆོས་ཆོས་བཞག་ན་འོས་པ་ནི། དབུ་མ་དགོངས་པ་རབ་གསལ་ལས། འདིར་སློབ་དཔོན་གྱིས་ཁ་ཅིག་འཕགས་པའི་ཞལ་སྔ་ནས། བདག་ལས་མ་ཡིན་གཞན་ལས་མིན། །ཞེས་སོགས་ཀྱི་གཞུང་གིས་སྐྱེ་བ་སོགས་བཀག་པ་ནི། གཟུང་འཛིན་རྫས་ཐ་དད་པའི་ཀུན་བཏགས་ཀྱིས་སྐྱེ་བ་སོགས་བཀག་པ་ཡིན་གྱི། གཞན་དབང་བདེན་པ་བཀག་པ་མིན་པར་འདོད་པ་འདི་ཡང་། དེ་ལྟར་འགྲེལ་པའི་གཏན་ཚིགས་མེད་པར་མི་འགྲུབ་པས། དེ་སྐད་དུ་སྨྲ་བ་ལ་ནི་བརྒལ་ཞིང་བརྟག་པར་བྱ་བ་ཁོ་ནའོ། །ཞེས་བཤད་པའི་ཕྱོགས་སྔ་སྨྲ་བ་ནི། སྔར་རབས་པ་ཁ་ཅིག་སློབ་དཔོན་བློ་བརྟན་ལ་སོགས་པ་ཡིན་པར་སྨྲ་མོད་ཀྱང་། དེའི་གཞུང་ན་དེ་ལྟར་བཤད་པ་མི་སྣང་ངོ་། །བཞི་བརྒྱ་པའི་འགྲེལ་པར་སློབ་དཔོན་ཆོས་སྐྱོང་གིས་བཞི་བརྒྱ་པའི་ལྟ་བ་སེམས་ཙམ་དུ་བཀྲལ་བར་བཤད་པས་དེ་ལ་སྦྱར་ན་འགྲིག་གོ །ཞེས་བྱུང་བར་བརྟེན། རྒྱ་ནག་གི་སྐད་དུ་བཞུགས་པའི་སློབ་དཔོན་བློ་བརྟན་གྱི་དབུ་མ་རྩ་བའི་འགྲེལ་བ་དང་། སློབ་དཔོན་ཆོས་སྐྱོང་གི་བཞི་བརྒྱ་བའི་འགྲེལ་བ་གཉིས་སུ་བཙལ་བའི་ཚེ། ཕྱི་མའི་ནང་ནས་རྙེད་བྱུང་།
དེ་ནས་བཟུང་སློབ་དཔོན་ཆོས་སྐྱོང་གི་གཞུང་རྒྱའི་སྐད་དུ་འགྱུར་བ་རྣམས་ལ་ཉམས་འཇོག་ཁུལ་བྱས།
ཐེངས་འདིར། འཇུག་པ་རང་འགྲེལ་ལས། རྨི་ལམ་ཇི་བཞིན་ཞེ་ན། ཁང་མིག་ཤིན་ཏུ་ཆུང་ངུའི་ནང་དུ་ཉལ་ཤིང་གཉིད་ཀྱིས་ལོག་པས་ཁང་པའི་ནང་དུ་གླང་པོ་ཆེ་མྱོས་པའི་ཁྱུ་རྨིས་པ་ནི་ཇི་ཞིག་ལྟར་ཡང་ཡོད་པ་མ་ཡིན་ཏེ། དེའི་ཕྱིར་ཕྱི་རོལ་གྱི་ཡུལ་མེད་བཞིན་དུ་གདོན་མི་ཟ་བར་རྣམ་པར་ཤེས་པ་འདི་ཁས་བླང་བར་བྱའོ། །ཞེས་པའི་ཕྱོགས་སྔ་ནི་སློབ་དཔོན་ཆོས་སྐྱོང་ཡིན་པ་ཁོང་གི་སེམས་ཙམ་ཉི་ཤུ་བའི་འགྲེལ་བཤད་ནང་དུ་རྙེད།
དེ་ནས་རིམ་པར་མཇལ་བ་ན། སློབ་དཔོན་ཟླ་བ་གྲགས་པས་འཇུག་པ་རྩ་འགྲེལ་དུ། སེམས་ཙམ་པའི་ལུགས་བྱེ་བྲག་ཏུ་འགོག་པའི་སྐབས་ཀྱི་ཕྱོགས་སྔར་བཀོད་པ་མང་བོ་ཞིག་དེ་ནས་རྙེད། ཐེངས་འདིར་རེ་རེར་བཀོད་ན་ཉོག་འགྲོ་བར་དོགས་ལ། གོ་སྐབས་བྱུང་ན་ཕྱིས་སུ་སློབ་དཔོན་ཁོང་གི་འགྲེལ་བ་ཁོ་བོས་བོད་འགྱུར་བྱས་ཡོད་པ་དེ་རྣམ་པ་ཚོ་ལ་སྤྱན་འབེབས་ཞུ་རྩིས་ཡོད།
དེ་རིང་འདི་ནས་མཚོན་པ་ཙམ་རེ་བཀོད་ན།
༡ རྨི་ལམ་གྱི་དཔེས་ཕྱི་རོལ་མེད་ཀྱང་ཤེས་པ་རང་བཞིན་གྱིས་ཡོད་པ་འགྲུབ་པ།
སློབ་དཔོན་ཆོས་སྐྱོང་གིས་མཛད་པའི་སེམས་ཙམ་ཉི་ཤུ་བའི་འགྲེལ་བཤད་ལས། རྨི་ལམ་ན་ཕྱི་རོལ་གྱི་ཡུལ་མེད་ཀྱང་། གནོད་པའི་བྱེད་པ་ཡོད་པ་ནི། རིགས་པས་འགྲུབ་པར་འགྱུར་ཏེ། རྨི་ལམ་གྱི་ནང་དུ་སྐྱེས་པ་དང་བུད་མེད་གཉིས་ཕན་ཚུན་འདུས་པ་ན། རང་རང་གི་དབང་པོས་ཕན་ཚུན་རེག་པར་བྱེད་པས། ཕྱི་རོལ་གྱི་རེག་བྱ་མེད་ཀྱང་བྱེད་པ་ཡོད་པས་ཁུ་བ་མི་གཙང་བ་འབྱུང་བར་སྣང་བ་ནི། རྣམ་པར་ཤེས་པའི་རྣམ་པ་ཉིད་རང་དང་འདུས་ཏེ་བྱ་བ་བྱེད་པ་ཙམ་མོ། །ཞེས་བྱུང་།
༢ རྨི་ལམ་དུ་ཁང་ཆུང་གཅིག་གི་ནང་གླང་བོ་ཆེ་ཁྱུ་འཁྲིགས་པར་སྣང་བའི་དཔེ།
སློབ་དཔོན་ཆོས་སྐྱོང་གིས་མཛད་པའི་སེམས་ཙམ་ཉི་ཤུ་བའི་འགྲེལ་བཤད་ལས། རྨི་ལམ་ལ་སེམས་བསྒྲིབས་པའི་ནུས་པ་ཡོད་པའི་ཕྱིར། དངོས་པོ་གཞན་དག་རེ་ཞིག་གི་ཚེ་སྐྱེ་ལ། རྣམ་པར་ཤེས་པའི་ངོ་བོ་དྭངས་ཤིང་ཐོགས་པ་མེད་པར་མངོན་དུ་གྱུར་བ་ནི། ཞེས་པ་ནས། ཁང་མིག་ཤིན་ཏུ་ཆུང་ངུའི་ནང་དུ་རྨི་ལམ་གྱིས་གླང་པོ་ཆེའི་ཁྱུ་དང་། གཞན་ཡང་དངོས་པོ་སྣ་ཚོགས་པ་རྣམས་སྣང་བ་ལྟ་བུའོ། །ཞེས་བྱུང་། འདི་ལས་གཞན་པའི་སེམས་ཙམ་པའི་གཞུང་དུ། རྨི་ལམ་དཔེར་བཀོད་པ་ཡོད་མོད། ཁང་ཆུང་གཅིག་གི་ནང་གླང་བོ་ཆེའི་ཁྱུ་འཁྲིགས་པར་བཀོད་པ་ནི་ད་སྔ་མཐོང་མ་ཐུབ། སློབ་དཔོན་ཟླ་གྲགས་ཀྱིས་འཇུག་པ་རང་འགྲེལ་དུ། དེ་ཁོ་ན་ཉིད་མ་རྟོགས་པའི་མཁས་པ་རྣམས་ཀྱི་མཚན་འགོད་པའི་ཚེ་སློབ་དཔོན་ཆོས་སྐྱོང་གི་མཚན་དངོས་སུ་ཐོན་པ་གཅིག བཞི་བརྒྱ་བའི་ཟླ་འགྲེལ་སྐབས་སུ། སློབ་དཔོན་འདི་ཉིད་ཕྱོགས་སྔར་བཀོད་པ་དང་གཉིས། གོང་དུ་རང་འགྲེལ་ལས་བཀོད་པའི་ཕྱོགས་སྔའི་འདོད་པ་དེ། སློབ་དཔོན་ཆོས་སྐྱོང་གི་བཞི་བརྒྱ་བའི་འགྲེལ་བ་ལས་རྙེད་པ་དང་གསུམ། འདི་ལས་དཔེ་ལ་རྨི་ལམ་དུ་ཁང་ཆུང་ནང་གླང་བོ་ཆེའི་ཁྱུ་སྣང་བ་བཀོད་པ་དང་འགོད་པའི་རྒྱུ་མཚན་སོགས་རང་འགྲེལ་ལ་མཐུན་པ་དང་བཞི། ད་དུང་རྒྱུ་མཚན་གཞན་དུ་ཞིག་ལ་བལྟས་ན། སློབ་དཔོན་འདི་གཉིས་སྐུ་འཚོ་བའི་དུས་ཤིན་ཏུ་ཉེ་བར་མ་ཟད། རྩོད་པ་རྩོད་ལན་དང་བཅས་པ་ཞིག་གནང་ཡོད་པའི་ཚོད་དུ་འདུག
༣ སྐྲ་ཤད་མཐོང་བའི་དཔེས་ཕྱི་དོན་མེད་པར་སྒྲུབ་པ།
འཇུག་པ་རང་འགྲེལ། འོ་ན་རབ་རིབ་ཅན་གྱིས་ཡོད་པ་མ་ཡིན་པའི་སྐྲ་ཤད་ལ་སོགས་པ་དམིགས་པའི་ཕྱིར་ཕྱི་རོལ་མེད་ཀྱང་རྣམ་པར་ཤེས་པ་ཡོད་པ་ཡིན་ནོ་ཞེ་ན། ཞེས་ཕྱོགས་སྔའི་འདོད་པ་བཀོད་ཡོད་ལ།
སློབ་དཔོན་ཆོས་སྐྱོང་གི་འགྲེལ་བཤད་དུ། གཟུགས་སོགས་ལ་དམིགས་པའི་རྣམ་པར་ཤེས་པས་ཕྱི་རོལ་གྱི་ཡུལ་མི་འཛིན་ཏེ། དཔེར་ན་རབ་རིབ་ཅན་གྱིས་སྐྲ་ཤད་དང་སྦྲང་བུ་ལ་སོགས་པ་མཐོང་བ་བཞིན་དུ། ཕྱི་རོལ་གྱི་ཡུལ་འདི་དག་སྟོང་ཞིང་རྣམ་པར་ཤེས་པ་ཙམ་དུ་ཟད་པ་ནི་འདིའི་གྲུབ་པའི་མཐའ་ཡིན་ནོ། །ཞེས་ཕྱི་དོན་མེད་ཀྱང་རྣམ་པར་ཤེས་པ་ཙམ་ཡོད་པའི་ཚུལ་གསལ་བར་གསུངས།
༤ བག་ཆགས་ཀྱི་ནུས་པ་ལས་དོན་གྱིས་སྟོང་བའི་ཤེས་པ་སྐྱེ་བར་སྒྲུབ་པ།
འཇུག་པ་རང་འགྲེལ་ལས། གལ་ཏེ་ནུས་པ་ཡོད་པར་འགྱུར་ན་ནི། རྣམ་པར་ཤེས་པ་འབྱུང་བར་འགྱུར་བ་ཉིད་དུ་འགྱུར་བ་ཞིག་ན། ཞེས་ཕྱོགས་སྔ་བཀོད་པ་ལྟར།
སློབ་དཔོན་ཆོས་སྐྱོང་གི་འགྲེལ་བཤད་དུ། དེས་ན་འདི་ལྟར་ཤེས་པར་བྱ་སྟེ། རྣམ་པར་རིག་པ་ཙམ་ཉིད་ལ་བག་ཆགས་ཀྱི་ནུས་པ་དེ་མངོན་དུ་གྱུར་པའི་ཚེ། མཚན་མ་སྣ་ཚོགས་པའི་ཆ་རྣམས་སེམས་ལ་གསལ་བར་སྣང་བ་དེ་ནི་རིགས་པས་འཐད་པ་ཡིན་ནོ། །ཞེས་ཕྱི་དོན་མེད་ཀྱང་བག་ཆགས་ཀྱི་ནུས་པ་ལ་བརྟེན་ནས་རྣམ་པར་ཤེས་པ་འབྱུང་བར་བསྟན་པ་ལྟ་བུ་ཤིན་ཏུ་མང་།
འཇུག་པའི་འགྲེལ་བཤད་ལས། ཁང་མིག་ཤིན་ཏུ་ཆུང་བའི་ནང་དུ་ཉལ་ཞིང་ཞེས་བྱ་བ་ནི་ཞེས་འགྲེལ་བཤད་ཅུང་ཟད་གནང་བ་ལས། དེ་དག་ནི་སློབ་དཔོན་སུ་ཞིག་གི་དགོངས་པ་ཡིན་པ་དང་། ཕྱོགས་སྔའི་མཚན་སོགས་གསལ་བོར་གནང་མེད་པ་ལ་བལྟས་ན། པཎ་ཆེན་ཁོང་འཕགས་ཡུལ་དུ་བཞུགས་དུས། སློབ་དཔོན་གྱི་འགྲེལ་བཤད་འདིའི་བསྟན་པ་ནུབ་སོང་བ་ཡིན་མིན་སོགས་ལ་ཡང་དཔྱད་དུ་ཡོད་མོད། རེ་ཞིག་བཏང་སྙོམས་སུ་བཞག་ཡོད།
ཞར་ལ་དེ་དང་ཕྱོགས་མཚུངས་པའི་སེམས་ཙམ་པའི་སློབ་དཔོན་འགའི་འདོད་པ་འགོད་པ།
སྤྱིར་བཏང་འདི་དག་གི་སྐབས་སུ་སློབ་དཔོན་ཐོགས་མེད་སྐུ་མཆེད་དང་། བཙུན་པ་ངོ་བོ་ཉིད་མེད་པ། སློབ་དཔོན་ཕྱོགས་གླང་དང་དུལ་བ་ལྷ་སོགས་མང་ཡང་། སློབ་དཔོན་འདི་དགོངས་པ་ཕྱོགས་མཐུན་ལ། བོད་ཡུལ་དུ་ཆེས་ཆེར་མ་གྲགས་པའི་སློབ་དཔོན་འགའི་བསྟན་བཅོས་ལས་བྱུང་ཚུལ་བཀོད་ན།
༡ རྣམ་རིག་ཙམ་དུ་གྲུབ་པའི་བསྟན་བཅོས་ལས། བདག་དང་ཆོས་ཀྱི་མཚན་མ་འདི་ནི་ནང་གི་རྣམ་པར་ཤེས་པ་ལ་གནས་ཀྱང་རྣམ་པར་རྟོག་པ་ལ་བརྟེན་ནས་ཕྱི་རོལ་གྱི་དོན་ལྟ་བུར་སྣང་ངོ་། །སེམས་ཅན་རྣམས་ནི་ཐོག་མ་མེད་པའི་དུས་ནས་འདི་ལ་དམིགས་ནས་བདག་དང་ཆོས་རྫས་སུ་འཛིན་ལ། སྐྲ་ཤད་དང་རྨི་ལམ་ལྟ་བུ་ནི་དང་རབ་རིབ་དང་གཉིད་ཀྱི་སྟོབས་ཀྱིས་ཡིན་པའི་ཕྱིར་ན་སེམས་ཕྱི་རོལ་གྱི་མཚན་མ་སྣ་ཚོགས་པ་ལྟར་སྣང་བ་ན། འདི་ལ་དམིགས་ནས་ཕྱི་རོལ་གྱི་དོན་རྫས་ཡོད་དུ་འཛིན་ནོ། །ཞེས་༼ བསྟན་བཅོས་འདི་ཁོ་བོས་བོད་འགྱུར་བྱས་ཡོད། ༽དང་།
༢ རྒྱ་ནག་འགྲེལ་ཆེན་ལས། གཉིས་པ་ནི་ཆ་རྣམ་པ་གཉིས་ཀྱིས་དོན་བསྟན་ཏེ། ལྟ་བའི་རྣམ་པ་ནི་རྣམ་པར་རིག་པ་ཞེས་བྱའོ། །
རྒྱུ་མཚན་གྱི་རྣམ་པ་ནི་རྒྱུ་མཚན་ཞེས་བྱ་སྟེ། དེའི་ཕྱིར་རྣམ་པར་རིག་པ་ཙམ་དུ་གྲུབ་པའི་བསྟན་བཅོས་ལས་ནང་གི་རྣམ་པར་ཤེས་པ་ཉིད་ཕྱི་རོལ་གྱི་ཡུལ་ལྟ་བུར་གྱུར་པར་སྣང་ངོ་ཞེས་བཤད་དོ། །འདི་ལས་བྱུང་བ་ནི། རྣམ་རིག་ཙམ་དུ་གྲུབ་པའི་བསྟན་བཅོས་ཁུངས་སུ་དྲངས་ནས། ཕྱི་དོན་མེད་པར་རྣམ་པར་ཤེས་པ་ཙམ་དུ་གྲུབ་པར་བསྒྲུབས་ཡོད།
ཉེ་བའི་ཆར། རྒྱའི་སློབ་དཔོན་དྲི་མེད་ཀྱིས་སེམས་ཙམ་ཉི་ཤུ་བའི་བཀའ་ཁྲིད་དུ། གདོད་མ་ནས་མ་གྲུབ་པའི་སྡུག་བསྔལ་དེ་ལས་ངེས་པར་ཐར་བར་ནུས་ཏེ། དཔེར་ན་ང་རང་ཚོས་རྨི་ལམ་རྨི་བ་དང་མཚུངས། གལ་ཏེ་རྨི་ལམ་གྱི་སྣང་བ་དེ་དངོས་གནས་པ་ཞིག་ཡིན་ན། ཁྱོད་རང་དེ་ལས་སད་པར་འདོད་དམ། དེས་ནི་ནམ་ཡང་སད་པར་མི་སྟེར་རོ། ། འོན་ཀྱང་རྨི་ལམ་གྱི་སྣང་བ་འདི་ནི་རྫུན་པ་ཡིན་ལ། ཁྱོད་རང་གི་སེམས་ཀྱི་གཟུགས་བརྙན་ཕྱིར་འཕྲོས་པ་ཡིན་པས། ཅུང་ཟད་སྒུལ་བ་ཙམ་གྱིས། ཁྱོད་རང་སད་ཐུབ་ལ། རྨི་ལམ་དེ་ཡང་མེད་པར་འགྱུར་བ་ཡིན་ནོ། །ཞེས་པ་སོགས་གང་ལ་བལྟས་ཀྱང་། སེམས་ཙམ་པས་རྨི་ལམ་གྱི་དཔེ་ནི་ཕྱི་དོན་མེད་པར་སྒྲུབ་བྱེད་ཀྱི་གཙོ་བོ་ཞིག་ཏུ་བཟུང་བ་ཤེས་ནུས།
བདག་ལ་མཐུན་རྐྱེན་གྱིས་ཡོང་ན། གངས་ཅན་གྱི་མཁས་པ་རྣམས་ཀྱི་སྤྱན་སྔར་སེམས་ཙམ་གྱི་བསྟན་བཅོས་སོགས་གང་རྙེད་ཅིག་གི་མཆོད་སྤྲིན་བྱ་ངེས་ཡིན།
སྒར་བ་འཕྲིན་ལས་རྒྱ་མཚོས་སློབ་དཔོན་ཆོས་སྐྱོང་གི་སེམས་ཙམ་ཉི་ཤུ་བའི་འགྲེལ་བཤད་བསྒྱུར་ཟིན་པ་དང་། སློབ་དཔོན་བློ་བརྟན་དང་རྒྱ་ནག་གི་སློབ་དཔོན་ཁུའུ་ཅེས་ཀྱིས་མཛད་པའི་རྣམ་རིག་ཙམ་དུ་གྲུབ་པའི་བསྟན་བཅོས་ཀྱི་བརྗེད་བྱང་ཆེན་པོ་བོད་འགྱུར་བྱེད་པའི་བར་གསེང་ནས་༢༠༢༦་སྤྱི་ཟླ་༠༩་ཚེས་༣༥ཉིན།
བརྒྱུད་འགོད།
