གང་ལ་སེར་སྣ་རྣམ་ཆགས་པ། །

རྣམ་འཇོམས་དྲི་མ་མེད་མཛད་ཅིང༌། །

ཐུགས་ཞི་གནོད་པ་མི་མངའ་དེས། །

ཁྱེད་ལ་བདེ་ལེགས་མཛད་པར་གྱུར། །

འདྲེན་པ་གང་ཞིག་འགྲོ་བ་རྣམས། །

ཐར་བའི་ལམ་དུ་འཛུད་མཛད་ཅིང༌། །

ཆོས་རྣམས་ཐམས་ཅད་སྟོན་པ་དེས། །

ཁྱེད་ལX། །

 སྟོན་པ་འགྲོ་བ་རྣམས་ཀྱི་རྟེན། །

སེམས་ཅན་ཀུན་གྱི་དོན་གྱི་ཕྱིར། །

གང་ཞིག་བདེ་བར་མངའ་མཛད་དེས། །

ཁྱེད་ལX། །

སྐྱོབ་པ་གང་ཞིག་བྱམས་པ་ཡི། །

ཐུགས་ཀྱིས་འགྲོ་བ་འདི་དག་ཀུན། །

བུ་གཅིག་བཞིན་དུ་རྟག་བསྐྱངས་དེས། །

ཁྱེད་ལX། །

གང་ཞིག་འཁོར་བར་འགྲོ་བ་ཡི། །

སེམས་ཅན་ཀུན་གྱི་རྟེན་གྱུར་ཅིང༌། །

གླིང་དང་དཔུང་གཉེན་གྱུར་པ་དེས། །

ཁྱེད་ལX། །

གང་ཞིག་ཆོས་རྣམས་མངོན་སུམ་གྱུར། །

གཙང་ཞིང་བསླུ་བ་མི་མངའ་བ། །

གསུང་གཙང་གཙང་མར་མཛད་པ་དེས། །

ཁྱེད་ལX། །

དཔའ་བོ་ཆེན་པོ་གང་སྐྱེས་པས། །

ཕུན་སུམ་ཚོགས་དོན་འབྱོར་གྱུར་ཅིང༌། །

དོན་གྲུབ་ཆོས་ཀྱང་གྲུབ་པ་ དེས། །

ཁྱེད་ལX། །

གང་ཞིག་སྐྱེས་པས་ས་རྣམས་ནི། །

ནགས་ཚལ་བཅས་པ་རབ་གཡོས་ཤིང༌། །

སེམས་ཅན་ཐམས་ཅད་རབ་དགའ་དེས། །

ཁྱེད་ལX། །

བྱང་ཆུབ་སྙིང་བོར་གཤེགས་པ་ན། །

ས་དག་རྣམ་དྲུག་གཡོས་གྱུར་ཅིང༌། །

བདུད་ཡིད་མི་བདེར་གྱུར་བ་དེས། །

ཁྱེད་ལX། །

ཆོས་ཀྱི་འཁོར་ལོ་བསྐོར་བ་ན། །

འཕགས་པའི་བདེན་པ་རྣམས་གསུངས་ཤིང༌། །

ཐུབ་པའི་སྙན་པ་གང་བྱུང་དེས། །

ཁྱེད་ལX། །

ཡིད་འཕྲོག་གང་གིས་མུ་སྟེགས་བྱེད། །

ཐམས་ཅད་ཆོས་ཀྱིས་ཕམ་མཛད་དེ། །

ཚོགས་ཀུན་དབང་དུ་མཛད་པ་དེས། །

ཁྱེད་ལX། །

སངས་རྒྱས་ཁྱེད་ལ་བདེ་ལེགས་མཛད། །

བརྒྱ་བྱིན་ཚངས་པའི་ལྷ་རྣམས་དང༌། །

འབྱུང་བོ་ཀུན་གྱི་བདེ་ལེགས་ནི། །

ཁྱེད་ལ་རྟག་ཏུ་སྦྱིན་གྱུར་ཅིག །

སངས་རྒྱས་བསོད་ནམས་མཐུ་དག་དང༌། །

ལྷ་རྣམས་ཀུན་གྱི་བསམ་པ་ཡིས། །

ཁྱེད་ཀྱི་འདོད་དོན་གང་ཡིན་པ། །

དོན་དེ་དེ་རིང་གྲུབ་གྱུར་ཅིག །

རྐང་གཉིས་ཁྱེད་ཅག་བདེ་ལེགས་གྱུར། །

རྐང་བཞི་ཁྱེད་ཅག་བདེ་ལེགས་གྱུར། །

ཁྱེད་ཅག་ལམ་བགྲོད་བདེ་གྱུར་ཅིག །

ཕྱིར་འོང་དག་ཀྱང་བདེ་ལེགས་ཤོག །

ཉིན་མོ་བདེ་ལེགས་མཚན་བདེ་ལེགས། །

ཉི་མའི་གུང་ཡང་བདེ་ལེགས་ཤིང༌། །

ཉིན་མཚན་རྟག་ཏུ་བདེ་ལེགས་པས། །

ཁྱེད་ཅག་སྡིག་པར་མ་གྱུར་ཅིག །

རྩོམ་སྒྲིག་པ།ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།ལྷག་པར་འཕྲིན་སྟེགས་དག་གིས་འགོད་དུས原创བྱས་ཏེ་འགོད་མི་ཆོག

དྲ་བའི་སྦྲེལ་ཐགhttp://www.tb1025.cn