ན་མ་སྭ་ར་སྭ་སྟྱཻ། དྭངས་ཤེལ་ནང་དུ་གཟུགས་ཀུན་བཞིན། །ཇི་ལྟ་ཇི་སྙེད་ཐམས་ཅད་དང༌། །གནས་ལྔ་རིག་པ་སྡེབ་སྦྱོར་བཅས། །གསལ་བར་ད་སྟེན་དབྱངས་ཅན་ཀྱེ། །འདི་ཡི་ཕྲེང་གཅིག་ལན་བཞིར་བཟླས། །མཉམ་པའི་བྲྀཏྟར་མཁས་པས་རྟོགས། །གཟུགས་དང་རྩེ་མོ་ཕྲེང་གཅིག་བྱས། །མིག་དང་རིག་བྱེད་ཕྲེང་གཞན་གྱིས། །བཅིང་བ་ཕྱེད་མཉམ་བྲྀཏྟར་འདོད། །རྐང་བ་བཞི་ནི་ཕྲེང་རེ་བྱས། །མི་མཉམ་བྲྀཏྟར་ཁོ་བོ་འདོད། །སྡེབ་སྦྱོར་དྲུག་སོགས་གྲངས་དག་གི །གཅིག་པ་རྟོགས་ཕྱིར་དྲུག་བདུན་བརྒྱད། །དགུ་སོགས་ཀུན་གྱི་དང་པོ་ལྕི། །གཅིག་པ་ཤེས་པའི་མིག་ཡིན་བཤད། །གཅིག་ཡང་གཞན་ལྕི་གཉིས་པ་དང༌། །གཉིས་པ་ཡང་ལ་གཞན་ཀུན་ལྕི། །གསུམ་པ་ལྟ་བའི་འདྲེན་བྱེད་ཡིན། །དང་པོ་གཉིས་ཡང་གཞན་ཀུན་ལྕི། །བྲྀཏྟ་བཞི་པའི་གྲངས་སུ་རྟོགས། །གསུམ་ཡང་གཞན་ལྕི་ཕུང་པོར་འདོད། །འདི་ཡིས་མཉམ་ཀུན་ཤེས་པར་བྱ། །ཕྱེད་མཉམ་རྐང་དང་ཀུན་ལྕི་བ། །ཟླ་བ་ལྟ་བའི་འདྲེན་བྱེད་ཡིན། །རྐང་ཐོག་གཅིག་ཡང་གཞན་ཀུན་ལྕི། །དབྱངས་སྒྲོགས་རེ་བཞིའི་ནང་ཚན་མིག །རྐང་ཐོག་མིག་ཡང་གཞན་ཀུན་ལྕི། །སྭ་ར་རེ་བཞིའི་ནང་གི་རྩེ། །རྐང་པའི་ཐོག་དབུས་ཕྲ་མའི་དང་པོ་མིག །ཡང་ལ་ལྷག་ལྕི་རེ་བཞིའི་ལས། །མི་མཉམ་ཀུན་ལའང་དེ་རིགས་གྱིས། །

སརྦ་མངྒ་ལཾ། །

                                                                                                                         རྩོམ་སྒྲིག་པ། མང་ར་བ།

         གསལ་འདེབས། 
                   རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།
                   དྲ་བའི་སྦྲེལ་ཐགhttp://www.tb1025.cn