ཆོས་ཀྱི་རྒྱལ་པོ་ཙོང་ཁ་པ་ཆེན་པོ་ལ་བསྟོད་པ་དྲི་བསུང་འཐུལ་བའི་སྤོས་ཀྱི་རྫིང་བུ།
༄༅། །ཆོས་ཀྱི་རྒྱལ་པོ་ཙོང་ཁ་པ་ཆེན་པོ་ལ་བསྟོད་ཅིང་གསོལ་བ་འདེབས་པའི་ཚིགས་སུ་བཅད་པ་དད་པའི་དྲི་བསུང་འཐུལ་བའི་སྤོས་ཀྱི་རྫིང་བུ་ཞེས་བྱ་བ་བཞུགས་སོ། །
祈祷至尊法王宗喀巴大师之偈颂信仰溢香之妙池
རྡོ་སྦིས་དགེ་བཤེས་ཤེས་རབ་རྒྱ་མཚོས་མཛད།
道帏·格西喜饶嘉措大师撰
རྡོ་སྦིས་འཇམ་དབྱངས་གྲགས་པས་རྒྱ་ཡིག་ཏུ་བསྒྱུར།
道帏·嘉样智华译为汉文
༧ རྗེ་བཙུན་འཇམ་དཔལ་དབྱངས་དང་གཉིས་སུ་མ་མཆིས་པའི་བླ་མ་དམ་པ་ཁམས་གསུམ་ཆོས་ཀྱི་རྒྱལ་པོ་ཤར་ཙོང་ཁ་པ་བློ་བཟང་གྲགས་པའི་ཞབས་ཀྱི་པདྨོ་དྲི་མ་མེད་པ་ལ་གུས་པ་ཆེན་པོས་ཕྱག་འཚལ་ཞིང་སྐྱབས་སུ་མཆིའོ། །ཚེ་རབས་ཐམས་ཅད་དུ་རྗེས་སུ་གཟུང་དུ་གསོལ།
虔诚顶礼皈依与至尊文殊师利菩萨无二无别之贤师——三界法王宗喀巴洛桑扎巴之无垢莲足，愿生生世世皆摄受！
ཕན་བདེ་གཟུགས་འཆར་དངུལ་དཀར་མེ་ལོང་ལ།།
དག་གཙང་ཙམ་གྱིས་ཉིན་མཚན་ཁ་སྦྱོར་ཞིང་།
མངོན་ཤེས་རྫུ་འཕྲུལ་སྦ་བའི་ཐུགས་དམ་ཅན།།
སྐྱབས་གཅིག་དྲིན་ཅན་བླ་མ་བློ་བཟང་གྲགས།
显明利乐之影银镜面，
仅以净行昼夜以修持。
隐修通慧神变之正行，
唯一怙主恩师洛桑扎！
བདེ་སྐྱོང་སྣོད་དང་ཕུར་བུའི་ཆེ་བ་མེད།།
ཆང་དང་བུད་མེད་སྤྱོད་པའི་འཕྲུལ་མཛངས་མེད།།
སྐལ་ངན་རྨོངས་པ་སླུ་བའི་སྙིང་སྟོབས་མེད།།
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ།།
未恃维乐颅器与橛尊，
未受酒与女色之幻行。
未有欺瞒愚众之大勇，
吾顶礼那卓日①之修善！
རང་ཤར་རང་གྲོལ་རྫིག་པོའི་རྟོགས་པ་མེད། །
དུས་གསུམ་གཟིགས་པའི་ཉམས་དང་ལུང་བསྟན་མེད། །
ཕ་རོལ་གསོད་པའི་མཐུ་དང་ནུས་པ་མེད། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
未有自证自觉之证量，
未有照见三时之授记。
未有扼杀他人之威力，
吾顶礼那卓日之修善！
རང་བཟོའི་བརྡ་ཆད་སྤེལ་བའི་གཞུང་འགྲེལ་མེད། །
འགལ་འདུའི་སྟོང་གསོབ་ཚིག་བཀྲའི་ཝུ་བ་མེད། །
མ་རེག་ཐུག་པའི་རྒྱུས་གཏམ་ཁ་ཕོ་མེད། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
未散自造词语之经注，
未有自驳空乏丽词沫。
未有未经证实之断言，
吾顶礼那卓日之修善！
གྲུབ་རྟགས་སྤྱི་བོར་སྤུངས་པའི་རལ་བ་མེད། །
ལུས་ཕྲའི་འཁོར་དང་ཤ་ཆང་ལོངས་སྤྱོད་མེད། །
དྭངས་མ་འདོད་རྒུར་འཇོ་བའི་བདེ་ཆེན་མེད། །
འབྲོག་རིའི་དགེ་སྦྱོང་དེ་བདག་ཕྱག་འཚལ། །
未有成就竖顶之发束，
未有女眷众与酒肉财。
未有尽情遗精之大乐，
吾顶礼那卓日之修善！
ལྷ་མཐོང་འདྲེ་མཐོང་སྤྱན་དང་མངོན་ཤེས་མེད། །
བླུན་དད་འདྲེན་པའི་ལྟས་དང་བརྟག་དཔྱད་མེད། །
རྙེད་བཀུར་ཟབ་ལམ་སྒྲུབ་པའི་འདག་སྦྱར་མེད། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
未有面神见鬼之天眼，
未有诱导愚众之预判，
未有近恭深邃之禅关，
吾顶礼那卓日之修善！
དབེན་གཞིས་སྟོང་པའི་སྐུ་ཡི་ཏིང་འཛིན་མེད། །
འབྲུ་གསུམ་མ་དམིགས་ངག་གི་ཏིང་འཛིན་མེད། །
ངེས་ཤེས་བྲལ་བའི་ཐུགས་ཀྱི་ཏིང་འཛིན་མེད། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
未有空见修持身三昧，
未有不观三字语三昧，
未有脱离灼见意三昧，
吾顶礼那卓日之修善！
རང་ཉམས་ཁུངས་མེད་འདོམས་པའི་སྤོབས་པ་མེད། །
རྒྱལ་བའི་བཀའ་ལས་འགོངས་པའི་སྙིང་སྟོབས་མེད།།
ས་རྡོ་རྨི་ལམ་ལུང་གི་ཆོས་གཏེར་མེད། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ།།
未有宣明无源之证量，
未有逾越佛经之胆量，
未有土岩梦取之伏藏，
吾顶礼那卓日之修善！
འདུལ་བའི་ཁྲིམས་ཀྱིས་མ་གོས་ལུས་གཙང་མེད། །
དམ་པ་སྒྲོལ་བའི་ཕཊ་དང་ཧཱུཾ་སྒྲ་མེད།།
སོར་རྟོག་དཔྱད་སྒོམ་སྤོང་བའི་ཐོམ་ཡོར་མེད། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
未有不依律仪之戒体，
未有杀度圣者之猛咒。
未有离思弃辩之迷乱，
吾顶礼那卓日之修善！
མདོ་སྔགས་ཉམས་ལེན་གདན་གོས་སོ་སོར་མེད། །
ཕན་ཚུན་སྤོང་བའི་རྭ་དང་མཆེ་བ་མེད། །
བཤད་སྲོལ་མཐའ་དག་འདྲེས་པའི་ཁྲུས་རྫིང་མེད། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
未有分持显密之衣垫，
未有互相摈弃之齿角。
亦无杂揉诸见之浴池，
吾顶礼那卓日之修善！
ལག་རྗེས་རྐང་པས་བསུབ་པའི་སུག་བཞི་མེད། །
དཔྱད་ན་གཏད་སོ་བྲལ་བའི་འཇའ་རིས་མེད། །
རྨོངས་ཡུས་བརྗིད་པོར་ཆགས་པའི་སྤྲིན་ཕུང་མེད།
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
未有足抹手迹之四足，
未有辨却虚无之虹霓，
未有无明沉积之浮云，
吾顶礼那卓日之修善！
ཚད་ལྡན་མཁས་པ་སྨོད་པའི་ལྕེ་རྩལ་མེད། །
ཆོས་མཐུན་རྒོལ་བའི་ཐོག་གིས་འཇིགས་པ་མེད། །
སྡོམ་གསུམ་དྲི་ཡིས་ཁོར་ཡུག་བཏང་བ་མེད། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
未有诋毁智者之巧舌，
未有驳击同修之危言，
未有脱离戒香之松弛，
吾顶礼那卓日之修善！
མ་སྦྱངས་མཁས་པའི་རང་བྱུང་འབྲས་བུ་མེད། །
མ་བསྒོམས་གྲོལ་བའི་རྟོགས་པ་ཀློང་རྡོལ་མེད། །
མ་བཤིག་ཞིག་པའི་སྒྲིབ་པ་རང་ལོག་མེད། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
未有不学自成之成就，
未有不修自证之彻悟，
未有不破二障之归真。
吾顶礼那卓日之修善！
རང་ཉིད་མ་གྲོལ་གཞན་སྒྲོལ་གདམས་པ་མེད། །
རང་ཉིད་མི་ཤེས་གཞན་སློབ་འཆད་རྩོམ་མེད། །
རང་ཚོད་མ་རྟོགས་དུས་གསུམ་རིག་པ་མེད། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
未有未证度人之诀窍，
未有自误误人之讲授，
未有不明明时之明慧，
吾顶礼那卓日之修善！
རྟག་ཆད་མཐའ་རུ་གོལ་བའི་ལྟ་བ་མིན། །
བྱིང་ཕྲའི་ཀློང་དུ་འབྱམས་པའི་སྒོམ་པ་མིན། །
བག་མེད་གླང་ཆེན་མྱོས་པའི་སྤྱོད་པ་མིན། །
འབྲོག་རིའི་དགེ་སྦྱོང་དེ་ལ་བདག་ཕྱག་འཚལ། །
非为误解常断之知见，
非为混解粗微之禅师。
非为散漫狂象之行仪，
吾顶礼那卓日之修善！
གནག་རྫིས་ཕྱུགས་ངོ་བགྲང་བའི་འཆད་པ་མིན། །
དམུས་ལོང་གཟུགས་ལ་རྟོག་པའི་རྩོད་པ་མིན། །
བྱིས་པས་བྱེ་མ་སྤུངས་པའི་རྩོམ་པ་མིན། །
འབྲོག་རིའི་བླ་མ་མཆོག་ལ་བདག་ཕྱག་འཚལ། །
非为牧人点畜式讲学，
非为盲人评色式辩论，
非为小儿堆沙式著书，
卓日上师尊前吾顶礼！
མ་སྦྱངས་རི་ནས་བརྡོལ་བའི་མཁས་པ་མིན།།
རྐུན་པོ་ནོར་ལ་འཇབ་པའི་བཙུན་པ་མིན། །
རང་སྲོག་གཅོད་ལ་མཛའ་བའི་བཟང་པོ་མིན།
འབྲོག་རིའི་བླ་མ་མཆོག་ལ་བདག་ཕྱག་འཚལ། །
非为未学顿悟之智者，
非为窥探财物之尊者，
非为喜断自命之善者，
卓日上师尊前吾顶礼！
འཁྲུལ་བ་རང་ཞིག་རལ་བའི་རྟོགས་ལྡན་མིན། །
སྨན་ཤར་མཁའ་འགྲོས་དབང་བསྐུར་སློབ་མ་མིན། །
སྦྱོར་སྒྲོལ་ཨ་ཏི་གསང་བའི་རིག་འཛིན་མིན། །
འབྲོག་རིའི་བླ་མ་མཆོག་ལ་བདག་ཕྱག་འཚལ། །
非为迷幻自灭之证士，
非为曼妙空行灌顶徒，
非为修证瑜伽持明者，
卓日上师尊前吾顶礼！
རིག་པའི་སྣང་བ་མ་མཐོང་མིག་སེར་མིན། །
ཟེར་སྒྲོས་མ་ཎི་འདོན་པའི་མཆུ་དམར་མིན། །
འགལ་འདུའི་ཚིག་ཉམས་བཀྲ་བའི་མདོངས་མཐའ་མིན། །
འབྲོག་རིའི་བླ་མ་མཆོག་ལ་བདག་ཕྱག་འཚལ། །
非为未见明光猫头鹰，
非为讹传真言红嘴鹦，
非为炫耀错词之孔雀，
卓日上师尊前吾顶礼！
མ་རྟོགས་ཁུང་བུར་ཉལ་བའི་སྦྲུལ་ནག་མིན། །
ལོག་རྟོག་ལྗོན་རྩེར་འཁྱུག་པའི་སྤྲེའུ་མིན། །
སོམ་ཉིའི་འབུ་སྲིན་ཟ་བའི་བྱེའུ་མིན། །
འབྲོག་རིའི་བླ་མ་མཆོག་ལ་བདག་ཕྱག་འཚལ། །
非为卧于无知洞黑蛇，
非为攀于邪见树顶猴，
非为口噬疑蛆之飞禽，
卓日上师尊前吾顶礼！
འཇིག་རྟེན་ཕ་རོལ་འཇོམས་པའི་དགྲ་སྟ་མིན། །
འདི་སྣང་བདེ་ལ་རྒྱས་པའི་པདྨ་མིན། །
མཐོང་ཚད་བདེན་པར་འཛིན་པའི་ལྕགས་ཀྱུ་མིན། །
འབྲོག་རིའི་བླ་མ་མཆོག་ལ་བདག་ཕྱག་འཚལ། །
非为断绝出世之敌斧，
非为此念向乐之莲花。
非为悉见执实之铁钩，
卓日上师尊前吾顶礼！
དམ་པ་སྨོད་ལ་མི་འཇིགས་རྡོ་རྗེ་མིན། །
བླུན་པོའི་འཁོར་མང་སྡུད་པའི་ཞགས་པ་མིན། །
ཕན་བདེའི་བྲག་རི་གསིལ་བའི་ཐོག་མདའ་མིན། །
འབྲོག་རིའི་བླ་མ་མཆོག་ལ་བདག་ཕྱག་འཚལ། །
非为诽大德之无惧杵，
非为招愚眷众之绢索，
非为摧利乐岩之雷箭，
卓日上师尊前吾顶礼！
མང་དུ་ཐོས་པའི་ལུས་རྩལ་ཞུམ་པ་མིན། །
དྲི་མེད་རིགས་པའི་མཆེ་སྡེར་རྟུལ་བ་མིན། །
ལེགས་པར་བཤད་པའི་གཡུ་རལ་གཟི་ཆུང་མིན། །
འབྲོག་རིའི་སེང་ཆེན་དེ་ལ་བདག་ཕྱག་འཚལ། །
非为多闻健体已虚弱，
非为正理爪牙已迟钝，
非为妙言碧发已减威，
吾顶礼那卓日之雄狮！
མདོ་རྒྱུད་ཆུ་གཏེར་ཆེ་ལ་འཇིགས་པ་མིན། །
ཡང་དག་ཐབས་ཀྱི་སྣ་ཞགས་ཐུང་བ་མིན། །
སྐྱེས་སྦྱངས་ཤེས་རབ་སོ་རྣོན་བྲུལ་བ་མིན། །
འབྲོག་རིའི་གླང་པོ་དེ་ལ་བདག་ཕྱག་འཚལ། །
非为惧怕显密之汪洋，
非为善巧钩鼻已短缺。
非为俱生慧牙已散落，
吾顶礼那卓日之巨象！
བཤད་སྲོལ་གཤེགས་པའི་བཤུལ་ལམ་གཡང་ས་མིན། །
སྨྲ་ངན་ཝ་མོས་དབྱི་བའི་དོགས་གནས་མིན། །
རྗེས་འབྲང་འཇིགས་པས་བ་སྤུ་གཡོ་བ་མིན། །
འབྲོག་རིའི་ཁྱུ་མཆོག་དེ་ལ་བདག་ཕྱག་འཚལ། །
非为所承言路具险境，
非为邪说狐魅迷乱所。
非使后学恐惧寒毛竖，
吾顶礼那卓日诸首尊！
ཕྲག་དོག་རྨོངས་པའི་ས་ཡིས་གནོན་ནུས་མིན། །
སྤངས་རྟོགས་ཡལ་འདབ་ར་བར་ཤོང་བ་མིན། །
ལེགས་བཤད་དྲི་བཟང་ཕྱོགས་རེར་འཐུལ་བ་མིན། །
འབྲོག་རིའི་དཔག་བསམ་དེ་ལ་བདག་ཕྱག་འཚལ། །
非为嫉妒之土能埋没，
非为证觉枝丫能圈禁。
亦非善言芬芳有偏溢，
吾顶礼那卓日如意树！
མཐའ་བྲལ་གནམ་འཕང་གཅོད་ལ་ཞུམ་པ་མིན། །
ཀུན་མཁྱེན་དག་གསལ་གསེར་མིག་ལྡོངས་པ་མིན། །
གཞུང་ངན་གདུག་སྦྲུལ་ཡན་པོར་གཏོང་བ་མིན། །
འབྲོག་རིའི་མཁའ་ལྡིང་དེ་ལ་བདག་ཕྱག་འཚལ། །
非惧遨游无际正理空，
非缺遍知一切之金眼。
非使邪说毒蛇逍遥行，
吾顶礼那卓日鲲鹏尊！
རང་བྱུང་ཚངས་པས་རི་མོར་སྤེལ་བ་མིན། །
བླུན་པོའི་བསྟོད་བསྔགས་རྟ་ཡིས་དྲངས་པ་མིན། །
མཁས་རློམ་ཆུ་རྒྱན་སྨྲ་བའི་གོ་སྐབས་མིན། །
འབྲོག་རིའི་ཟླ་བ་དེ་ལ་བདག་ཕྱག་འཚལ། །
非为梵天描绘之丽卷，
非为愚赞之马所牵绊。
亦非伪学称赞之时机，
吾顶礼那卓日明月轮！
འཇམ་དབྱངས་མཁྱེན་རབ་རལ་གྲི་ཆག་པ་མིན། །
གསང་དབང་མཐུ་ནུས་རྡོ་རྗེ་འཐོར་བ་མིན། །
འཕགས་མཆོག་བརྩེ་ཆེན་མེ་ཏོག་ཟུམ་པ་མིན། །
རིགས་གསུམ་གཅིག་བསྡུས་བླ་མ་བློ་བཟང་གྲགས། །
非为文殊慧剑亦折断，
非为密藏主杵已掉落。
非为观音悲莲已凋谢，
三怙一体上师洛桑扎！
སྙིང་ནས་དྲན་པའི་གསོལ་འདེབས་གླིང་བུའི་གདངས། །
དད་གུས་སོར་རྩེས་ལྡེམ་པོར་བསྒྱུར་བ་ནི། །
ངོ་མཚར་དཔག་ཡས་ཡིད་དགའ་ཆོས་འཛིན་ནས། །
ཡབ་གཅིག་འཇམ་དཔལ་སྙིང་པོས་གསན་དུ་གསོལ།།
心念所启祈愿之笛韵，
显为虔诚指尖之弹姿。
安住无量兜率宫中之，
唯父文殊心尊愿聆听。
འཇམ་དབྱངས་མཁྱེན་རབ་ཉི་མ་ཞུ་བའི་ངོགས།
རྒྱལ་ཀུན་དགོངས་པའི་པདྨ་རྣམ་རྒྱས་པ།།
ད་དུང་སྨྲ་མཁས་དབྱངས་ཅན་བྱེ་བས་བཟུང་། །
དགྱེས་འཛུམ་གསར་བའི་ཐིགས་ཕྲེང་སྤྲོ་བར་མཛོད།།
文殊慧日倾溶之池心，
诸佛欣怡妙莲正盛艳，
还请善说妙音永摄受，
愿绽新露妙颜之容光。
བརྩེ་ཆེན་བྱིན་རླབས་དྲི་བཟང་འཛིན་པའི་དཔལ། །
རྣམ་དཔྱོད་དལ་གྱིས་འཁྱིལ་བའི་ལང་ཚོ་ནི། །
ཁྱོད་ཀྱི་ལེགས་བཤད་མཚོ་ལས་མི་འཕོ་ཞིང་། །
ཟབ་གསང་དོག་པ་མངར་བོས་སྙེམས་པར་མཛོད། །
大悲恒具加持之芳韵，
智慧久漫旋成之华年。
不离您之善言教诲海，
愿结深密香果骄果园。
དབང་པོ་སྙིགས་མའི་ཡང་མཐར་ལྷུང་བ་ཡི། །
རྨོངས་པ་རྣམས་ཀྱི་རོལ་རྩེད་འདི་དགོངས་ལ། །
མཁྱེན་བརྩེ་མི་ཟད་གསང་བའི་འཕྲུལ་འཁོར་གྱིས། །
ཡང་དག་རྡོ་རྗེའི་མིག་གི་སྣང་བ་སྩོལ། །
有情已坠浊世之边际，
还请关照无明众嬉戏，
无尽智慧深秘妙幻轮，
还请赐予正见金刚目。
རྨོངས་ཞེན་འཁྲུལ་བའི་དྲི་མ་བསལ་དུ་གསོལ། །
ཟབ་དོན་དག་པའི་རི་མོ་མཇལ་དུ་གསོལ། །
ངེས་ལེགས་བདུད་རྩིའི་རོ་མཆོག་མྱོང་དུ་གསོལ། །
མཁའ་མཉམ་ལུས་ཅན་བདེ་ལ་སྦྱོར་དུ་གསོལ། །
请除错幻愚执之污垢，
请遇密明正理之丽图，
请赐值享至善甘露味，
请使无量众生得安乐。
དེང་སང་སྐྱེ་བོ་ཕལ་ཆེར་བློ་མིག་ལྡོངས། །
ལེགས་བཤད་ཉེས་བཤད་འབྱེད་པའི་མཐུ་རྩལ་ཆུང་། །
ཇི་ལྟར་བྱས་ཀྱང་དོན་དུ་འགྱུར་དཀའ་བ། །
བརྩེ་བས་དགོངས་ལ་མྱུར་དུ་བསྐྱབ་ཏུ་གསོལ། །
今世诸众心智多蒙蔽，
擅分正邪之力已微弱。
如何教化亦难使事成，
祈请慈悲依怙速救度。
དེ་ཕྱིར་རྨོངས་ཞེན་གྲགས་པའི་རྗེས་སུ་འབྲང་། །
ཡིན་ལུགས་བརྡ་ཡིས་སྦྲན་ན་ཚུར་ལ་བསྡོ། །
ལས་ངན་མགོ་བསྐོར་ཁྲམ་པའི་སྤྱོད་ལ་རངས། །
བརྩེ་བས་དགོངས་ལ་མྱུར་དུ་བསྐྱབ་ཏུ་གསོལ། །
因此喜随愚昧追名者，
开示正理反造恶诋毁。
恶人多喜欺唆之行事，
祈请慈悲依怙速救度。
དུས་གསུམ་མཁས་མཆོག་ཀུན་གྱི་བགྲོད་གཅིག་ལམ། །
རྨོངས་པའི་འཁྲི་ཤིང་གཅོད་པའི་རལ་གྲི་ཆེ། །
གཞུང་དོན་ཐང་མར་བརྡལ་བ་སྐྱོན་དུ་སེམས། །
བརྩེ་བས་དགོངས་ལ་མྱུར་དུ་བསྐྱབ་ཏུ་གསོལ། །
三世智者所经唯一径，
斩断无明树之慧剑锋。
正解经轮反诬之心迷，
祈请慈悲依怙速救度。
སྒོ་ངའི་མཐིལ་ནས་ནམ་མཁའི་ལོ་རྒྱུས་སྨྲ། །
མཁས་པའི་དྲི་གཏུགས་འགོག་པའི་གཡོ་ཟོལ་བྲིན། །
བླུན་སྒོམ་ལྷ་མཐོང་འདྲེ་མཐོང་མཆོག་ཏུ་འཛིན། །
བརྩེ་བས་དགོངས་ལ་མྱུར་དུ་བསྐྱབ་ཏུ་གསོལ། །
坐蛋壳底炫游空经历，
智者之问难应诡计穷。
多敬愚修面神见鬼者，
祈请慈悲依怙速救度。
ཕྱི་ཡི་སྤྱོད་ཚུལ་གནས་བརྟན་ཨུ་པ་ལི། །
ནང་གི་རྣལ་འབྱོར་དཔལ་ལྡན་ས་ར་ཧ། །
གསང་བ་འཆད་རྩོད་རྩོམ་པ་འཇམ་དཔལ་དབྱངས། །
མགོན་པོ་ཁྱོད་ཀྱི་རྣམ་ཐར་ཟིན་པར་ཤོག །
外行犹如优婆离尊者，
内修瑜伽堪比萨热哈。
密证讲辨著如文殊尊，
愿吾承现怙主般圣行。
ཉི་མའི་གཉེན་གྱི་གསུང་རབ་མ་ལུས་པ། །
གདུལ་བྱ་གཅིག་གི་གདམས་པར་འགལ་མེད་འཆད། །
ཕྲ་ཞིབ་ལུང་རིགས་ཐིག་ལས་འཛུར་བ་མེད། །
མགོན་པོ་ཁྱོད་ཀྱི་རྣམ་ཐར་ཟིན་པར་ཤོག །
世尊所授一切之经续，
竟被一人无误所宣讲。
不离经释点滴之科判，
愿吾承现怙主般圣行。
ཡང་དག་ལྟ་དང་གསང་ཆེན་བིད་ཀ་ར། །
གངས་ཅན་མཁས་རློམ་ཆུ་གཏེར་ཀློང་བྱིང་ཚེ། །
གསར་བཤད་གསེར་མིག་གཟུགས་ཀྱིས་འདོན་མཁས་པ།
མགོན་པོ་ཁྱོད་ཀྱི་རྣམ་ཐར་ཟིན་པར་ཤོག །
真见和那密理绿茵洲，
雪域伪学海底皆经时。
以那金眼之形喧新理，
愿吾承现怙主般圣行。
གཞན་སྟོང་བདེན་གྲུབ་ཡོད་མིན་མེད་མིན་སོགས། །
སྨྲ་བ་ངན་པའི་རུ་ཚོགས་འཁྲུགས་པའི་ཚེ།།
རིགས་ལམ་རྩེ་བརྒྱ་འབར་བས་གཞོམ་མཛད་པ། །
མགོན་པོ་ཁྱོད་ཀྱི་རྣམ་ཐར་ཟིན་པར་ཤོག །
他空实有非有非无等，
邪说诸群纷繁迷乱时。
妙慧百峰腾起彻肃清，
愿吾承现怙主般圣行。
མདོ་དང་སྔགས་ཀྱི་ཆོས་ཚུལ་གང་ལའང་། །
རྗེ་བཙུན་མཁྱེན་པའི་གཏེར་དང་རང་རང་གི །
གདམས་པའི་ཆུ་མགོར་སྒྲོ་འདོགས་ལྷག་མེད་བཅད། །
མགོན་པོ་ཁྱོད་ཀྱི་རྣམ་ཐར་ཟིན་པར་ཤོག།
对于显宗密宗诸法要，
依从文殊尊和自宗之。
教诫之源正本清无余，
愿吾承现怙主般圣行。
རང་བཞིན་མེད་དང་མེད་པ་དོན་གཅིག་དང་། །
ཆོས་ཉིད་དཔྱད་བཟོད་སྨྲ་བའི་ཐལ་འགྱུར་སྲོལ། །
བྱུང་ཚེ་ལེགས་བཤད་སྣང་བ་འབུམ་ཕྲག་སྤྲོས། །
མགོན་པོ་ཁྱོད་ཀྱི་རྣམ་ཐར་ཟིན་པར་ཤོག །
自性空与空无同一义，
究悉法性之竟应成见。
显时散发万缕善言光，
愿吾承现怙主般圣行。
གང་སྣང་དགག་བྱ་མཉམ་བཞག་ཡུལ་མེད་སོགས། །
ཆེན་པོ་རྣམས་ཀྱང་རྒྱ་ལ་ཐིམ་པའི་ཚེ། །
མཁྱེན་རབ་གྲི་སོ་རྣོན་པོས་དུམ་བརྒྱར་གྲོལ། །
མགོན་པོ་ཁྱོད་ཀྱི་རྣམ་ཐར་ཟིན་པར་ཤོག །
对于现象定中无境等，
诸大智等亦堕迷笼时。
运用锋利慧剑斩百截，
愿吾承现怙主般圣行。
རྒྱལ་ཀུན་དགོངས་པ་ཟད་སར་བསྐྱལ་བའི་མཐུས། །
ཟབ་དོན་དགྲོལ་བའི་གསུང་ཟུར་ཕྲ་མོས་ཀྱང་། །
རྒོལ་ངན་གླང་པོ་འབུམ་སྡེ་གཅིག་ཅར་འཇིག།
མགོན་པོ་ཁྱོད་ཀྱི་རྣམ་ཐར་ཟིན་པར་ཤོག །
已将诸佛教义览无余，
即便阐释奥义微妙句。
竟使千万驳象群丧胆，
愿吾承现怙主般圣行。
དེ་ཚེ་འདོད་ཡོན་ཆང་གིས་མྱོས་པ་འགའ། །
སུན་འབྱིན་ལྟར་སྣང་གློག་དམར་འཕེན་ལ་བརྩོན། །
བ་སྤུའི་རྩེ་ཡང་མི་གཡོ་རི་ཡི་དབང་། །
མགོན་པོ་ཁྱོད་ཀྱི་རྣམ་ཐར་ཟིན་པར་ཤོག །
那时欲望之酒所迷乱，
发出非理责难之雷霆。
末能撼动丝毫如须弥，
愿吾承现怙主般圣行。
མ་འོངས་སྲིད་པའི་སྐྱེ་ཕྲེང་ཐམས་ཅད་དུ། །
བློ་བཟང་རྒྱལ་བའི་བསྟན་དང་མི་འབྲལ་ཞིང་། །
ཚང་ལ་མ་ནོར་དགེ་ལྡན་བཀའ་བརྒྱུད་ཀྱི། །
གདམས་པས་འགྲོ་བའི་མགོན་པོ་མྱུར་ཐོབ་ཤོག །
祈愿来生一切生世中，
不离宗喀佛陀之圣教。
继承无误甘丹言教之，
法教愿成众生之怙主！
二O二二年农历十月二十三日敬译于拉卜楞寺
注释：① “卓日”为藏语，拉萨市达孜县境内一山名，即宗喀巴大师创建的格鲁派祖寺甘丹寺所在之山。
格西喜饶嘉措（1884年至1968年），青海循化县道帏人。幼年出家古雷寺，先后在拉卜楞寺、哲蚌寺求学，考取藏传佛教拉然巴格西学位。曾主持编订出版藏文《布敦全集》和《甘珠尔》校勘工作。民国期间，担任国立中央大学、北京大学、清华大学、中山大学和武汉大学西藏文化讲座讲师。新中国成立后，先后任青海省人民政府副主席、西北军政委员会委员、西北民族事务委员会副主任，全国政协常委、中国佛教协会会长、中国佛学院院长等职。
རྩོམ་སྒྲིག་པ།བྱ་མདོ་གུར་ཀུམ།
གསལ་འདེབས།
རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།
དྲ་བའི་སྦྲེལ་ཐགhttp://www.tb1025.cn
བརྒྱུད་འགོད།
