༄༅།།ལམ་གཙོ་རྣམ་གསུམ་བཞུགས་སོ།།   道之三要

                རྗེ་བདག་ཉིད་ཆེན་པོས་མཛད།宗喀巴大师   著

                དཔའ་རིས་བློ་བཟང་རྒྱ་མཚོས་བསྒྱུར། 华锐罗桑    敬译

༄༅། །རྗེ་བཙུན་བླ་མ་རྣམས་ལ་ཕྱག་འཚལ་ལོ། །

རྒྱལ་བའི་གསུང་རབ་ཀུན་གྱི་སྙིང་བོའི་དོན། །

རྒྱལ་སྲས་དམ་པ་རྣམས་ཀྱིས་བསྔགས་པའི་ལམ། །

སྐལ་ལྡན་ཐར་འདོད་རྣམས་ཀྱི་འཇུག་ངོགས་དེ། །

ཇི་ལྟར་ནུས་བཞིན་བདག་གིས་བཤད་པར་བྱ། །

顶礼一切至尊上师！

佛陀所有经典精要义，

神圣一切菩萨所赞道，

有缘欲求解脱之口岸，

我乃尽力如实做解说。

གང་དག་སྲིད་པའི་བདེ་ལ་མ་ཆགས་ཤིང༌། །

དལ་འབྱོར་དོན་ཡོད་བྱ་ཕྱིར་བརྩོན་པ་ཡིས། །

རྒྱལ་བ་དགྱེས་པའི་ལམ་ལ་ཡིད་རྟོན་པའི། །

སྐལ་ལྡན་དེ་དག་དང་བའི་ཡིད་ཀྱིས་ཉོན། །

那些不贪世间微安乐，

为了暇满有义而精进，

志心向往佛陀欢喜道，

具缘行者诚心希谛听：

རྣམ་དག་ངེས་འབྱུང་མེད་པར་སྲིད་མཚོ་ཡི། །

བདེ་འབྲས་དོན་གཉེར་ཞི་བའི་ཐབས་མེད་ལ། །

སྲིད་ལ་བརྐམ་པ་ཡིས་ཀྱང་ལུས་ཅན་རྣམས། །

ཀུན་ནས་འཆིང་ཕྱིར་ཐོག་མར་ངེས་འབྱུང་བཙལ། །

若无正确出离心则求，

世海乐果无法得寂静，

贪爱轮回系缚诸有情，

因此首先求发出离心。

དལ་འབྱོར་རྙེད་དཀའ་ཚེ་ལ་ལོང་མེད་པ། །

ཡིད་ལ་གོམས་པས་ཚེ་འདིའི་སྣང་ཤས་ལྡོག །

ལས་འབྲས་མི་བསླུ་འཁོར་བའི་སྡུག་བསྔལ་རྣམས། །

ཡང་ཡང་བསམས་པས་ཕྱི་མའི་སྣང་ཤས་ལྡོག །

暇满极为难得寿无暇，

心中熏修除掉这世欲，

业果不虚轮回诸痛苦，

屡屡思维遣除后世欲。

དེ་ལྟར་གོམས་པས་འཁོར་བའི་ཕུན་ཚོགས་ལ། །

ཡིད་སྨོན་སྐད་ཅིག་ཙམ་ཡང་མི་སྐྱེ་ཞིང༌། །

ཉིན་མཚན་ཀུན་ཏུ་ཐར་བ་དོན་གཉེར་བློ། །

བྱུང་ན་དེ་ཚེ་ངེས་འབྱུང་སྐྱེས་པ་ལགས། །

如是熏故轮回之盛事，

心中不生刹那之希望，

凡是昼夜产生求解脱，

这时才算生起出离心。

ངེས་འབྱུང་དེ་ཡང་རྣམ་དག་སེམས་བསྐྱེད་ཀྱིས། །

ཟིན་པ་མེད་ན་བླ་མེད་བྱང་ཆུབ་ཀྱི། །

ཕུན་ཚོགས་བདེ་བའི་རྒྱུ་རུ་མི་འགྱུར་བས། །

བློ་ལྡན་རྣམས་ཀྱིས་བྱང་ཆུབ་སེམས་མཆོག་བསྐྱེད། །

出离心乃若无正发心，

不作摄受则也不能成，

无上菩提圆满之乐因，

故应智者发殊菩提心。

ཤུགས་དྲག་ཆུ་བོ་བཞི་ཡི་རྒྱུན་གྱིས་ཁྱེར། །

བཟློག་དཀའ་ལས་ཀྱི་འཆིང་བ་དམ་པོས་བསྡམས། །

བདག་འཛིན་ལྕགས་ཀྱི་དྲ་བའི་སྦུབས་སུ་ཚུད། །

མ་རིག་མུན་པའི་སྨག་ཆེན་ཀུན་ནས་འཐིབས། །

四条滚滚瀑流常冲击，

难阻业力绳索紧系缚，

身陷难脱我执之铁笼，

漆黑无明之暗遍笼罩，

མུ་མེད་སྲིད་པར་སྐྱེ་ཞིང་སྐྱེ་བ་རུ། །

སྡུག་བསྔལ་གསུམ་གྱིས་རྒྱུན་ཆད་མེད་པར་མནར། །

གནས་སྐབས་འདི་འདྲར་གྱུར་པའི་མ་རྣམས་ཀྱི། །

ངང་ཚུལ་བསམ་ནས་སེམས་མཆོག་བསྐྱེད་པར་མཛོད། །

无边轮回之中生又生，

常被三种痛苦所折磨，

思维暂成如是诸母境，

祈求力发殊胜菩提心！

གནས་ལུགས་རྟོགས་པའི་ཤེས་རབ་མི་ལྡན་ན། །

ངེས་འབྱུང་བྱང་ཆུབ་སེམས་ལ་གོམས་བྱས་ཀྱང༌། །

སྲིད་པའི་རྩ་བ་གཅད་པར་མི་ནུས་པས། །

དེ་ཕྱིར་རྟེན་འབྲེལ་རྟོགས་པའི་ཐབས་ལ་འབད། །

若不具备通达真理慧，

虽然熏修出离菩提心，

仍然不能斩断轮回根，

故应勤修通达缘起法。

གང་ཞིག་འཁོར་འདས་ཆོས་རྣམས་ཐམས་ཅད་ཀྱི། །

རྒྱུ་འབྲས་ནམ་ཡང་བསླུ་བ་མེད་མཐོང་ཞིང༌། །

དམིགས་པའི་གཏད་སོ་གང་ཡིན་ཀུན་ཞིག་པ། །

དེ་ནི་སངས་རྒྱས་དགྱེས་པའི་ལམ་ལ་ཞུགས། །

认识世出世间一切法，

因果法则始终不虚妄，

所执之境一一消失后，

彼乃进入佛陀所喜道。

སྣང་བ་རྟེན་འབྲེལ་བསླུ་བ་མེད་པ་དང༌། །

སྟོང་བ་ཁས་ལེན་བྲལ་བའི་གོ་བ་གཉིས། །

ཇི་སྲིད་སོ་སོར་སྣང་བ་དེ་སྲིད་དུ། །

ད་དུང་ཐུབ་པའི་དགོངས་པ་རྟོགས་པ་མེད། །

承认缘起现象不虚妄，

以及远离空性二理解，

何时仍然看作各个现，

尚未通达能仁之密意。

ནམ་ཞིག་རེས་འཇོག་མེད་པར་ཅིག་ཅར་དུ། །

རྟེན་འབྲེལ་མི་བསླུར་མཐོང་བ་ཙམ་ཉིད་ནས། །

ངེས་ཤེས་ཡིད་ཀྱི་འཛིན་སྟངས་ཀུན་འཇིག་ན། །

དེ་ཚེ་ལྟ་བའི་དཔྱད་པ་རྫོགས་པ་ལགས། །

何时消除轮番而同时，

看到缘起诸法不虚妄，

破除一切定解实执境，

这时正见观察尚圆满。

གཞན་ཡང་སྣང་བས་ཡོད་མཐའ་སེལ་བ་དང༌། །

སྟོང་བས་མེད་མཐའ་སེལ་ཞིང་སྟོང་བ་ཉིད། །

རྒྱུ་དང་འབྲས་བུར་འཆར་བའི་ཚུལ་ཤེས་ན། །

མཐར་འཛིན་ལྟ་བས་འཕྲོག་པར་མི་འགྱུར་རོ། །

又以现象消除实有边，

由自性空消除虚无边，

了知依赖因中生果理，

不会边执恶见被夺走。

དེ་ལྟར་ལམ་གྱི་གཙོ་བོ་རྣམ་གསུམ་གྱི། །

གནད་རྣམས་རང་གིས་ཇི་བཞིན་རྟོགས་པའི་ཚེ། །

དབེན་པ་བསྟེན་ཏེ་བརྩོན་འགྲུས་སྟོབས་བསྐྱེད་ནས། །

གཏན་གྱི་མདུན་མ་མྱུར་དུ་སྒྲུབས་ཤིག་བུ། །

ཞེས་པ་འདི་ནི་མང་དུ་ཐོས་པའི་དགེ་སློང་བློ་བཟང་གྲགས་པའི་དཔལ་གྱིས། ཚ་ཁོའི་དཔོན་པོ་ངག་དབང་གྲགས་པ་ལ་གདམས་པའོ། །

如是道之三种主要义，

自己完全如实领悟时，

当以静处发起精进力，

子应究竟愿事速修持！

 གསལ་འདེབས། 
            རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ། 
              དྲ་བའི་སྦྲེལ་ཐགhttp://www.tb1025.cn