༄༅།། བཅོམ་ལྡན་འདས་ཀྱིས་གསུངས་པའི་མི་རྟག་པ་སྟོན་པའི་ཚིགས་སུ་བཅད་པ་ཞེས་བྱ་བ།

ཐང་གུར་གྱི་སྡེ་སྣོད་གསུམ་པ་སློབ་དཔོན་དོན་ཞིས་ལེགས་སྦྱར་ནས་རྒྱ་ཡིག་ཏུ་བསྒྱུར།

ཤཱཀྱའི་དགེ་སློང་བཛྲ་ཚུལ་ཁྲིམས་རྒྱ་མཚོས་རྒྱ་ཡིག་ནས་བོད་ཡིག་ཏུ་བསྒྱུར།

སྐྱེ་བ་ཐམས་ཅད་འཆི་བར་འགྱུར། །

བྱད་བཞིན་ཡོངས་སུ་ཉམས་པར་འགྱུར། །

སྟོབས་ཤུགས་ནད་ཀྱིས་འཇོམས་པར་བྱེད། །

སུ་ཡང་འདི་ལས་གཡོལ་མི་འགྱུར། །

མཆོག་ཏུ་མཐོ་བའི་ལྷུན་པོ་ཡང་། །

བསྐལ་བའི་མཐའ་ལ་འཇིག་པར་འགྱུར། །

གཏིང་མཐའ་མེད་པའི་རྒྱ་མཚོ་ཡང་། །

དེ་བཞིན་ཡོངས་སུ་བསྐམ་པར་འགྱུར། །

ས་ཆེན་ཉི་མ་ཟླ་བ་ཡང་། །

དུས་སུ་སླེབས་ན་ཡོངས་འཛད་འགྱུར། །

དངོས་པོ་གཅིག་ཀྱང་མི་རྟག་པས། །

མིད་པར་མི་འགྱུར་ཡོད་མ་ཡིན། །

མཐོ་བ་འདུ་ཤེས་མེད་མིན་དང་། །

དམའ་བ་འཁོར་ལོས་སྒྱུར་རྒྱལ་རྣམས། །

རིན་ཆེན་བདུན་གྱིས་ལུས་སྤྲས་ཤིང་། །

སྟོང་ཕྲག་བུ་ཡིས་རྟག་བསྐོར་ཡང་། །

ནམ་ཞིག་ཚེ་སྲོག་ཟད་པ་ན། །

སྐད་ཅིག་སྡོད་པར་མི་འགྱུར་ཞིང་། །

ད་དུང་འཁོར་བའི་རྒྱ་མཚོ་རུ། །

ལས་བཞིན་སྡུག་བསྔལ་མྱོང་བར་འགྱུར། །

ཇི་ལྟར་ཟོ་འཆུན་འཁོར་ལོ་བཞིན། །

ཁམས་གསུམ་དུ་ནི་བསྟུད་མར་འཁོར། །

ཇི་ལྟར་དར་འབུས་དར་བསྐྱུགས་ནས། །

རང་ཉིད་བཅིངས་བཞིན་འཆིང་བར་བྱེད། །

བླ་མེད་སངས་རྒྱས་རྣམས་དང་ནི། །

རང་རྒྱལ་དང་ནི་ཉན་ཐོས་རྣམས། །

མི་རྟག་ལུས་འདི་འདོར་ངེས་ན། །

སྐྱེ་བོ་ཕལ་བ་སྨོས་ཅི་དགོས། །

ཕ་མ་བུ་དང་ཆུང་མ་དང་། །

སྤུན་མཆེད་ཉེ་དུ་འཁོར་བཅས་རྣམས། །

སྐྱེ་འཆིས་འབྲལ་བ་འདི་མཐོང་ན། །

ཅི་ཕྱིར་སྐྱོ་བས་གདུང་མི་འགྱུར། །

དེ་ཕྱིར་བདེན་པ་དམ་པའི་ཆོས། །

རབ་ཏུ་ཉན་ཅིང་མི་རྟག་གནས། །

ཡོངས་སུ་སྤངས་ཏེ་འཆི་མེད་སྒོ། །

བསྒྲུབ་པར་བྱ་ཞེས་གདམས་པ་ཡིན། །

དམ་ཆོས་བདུད་རྩི་ཉིད་དང་མཚུངས། །

གདུང་བ་སེལ་ཞིང་བསིལ་བ་སྟེར། །

རྩེ་གཅིག་སེམས་ཀྱིས་ལེགས་ཉན་ན། །

ཉོན་མོངས་རྣམས་ནི་ཞི་བར་འགྱུར། །

    བདག་དང་སྐལ་མཉམ་རྣམས་ལ་ཅུང་ཟད་ཙམ་རེ་ཕན་པར་སྲིད་དམ་སྙམ་ནས་བོད་ཡིག་ཏུ་བསྒྱུར་བ་ཡིན་ལ།རྒྱ་བོད་ཤན་སྦྱར་གྱི་ཚིག་མཛོད་སོགས་གང་ལ་ཡང་ལྟ་ལོང་མ་བྱུང་བར་ཐད་ཀར་འཕྲལ་དུ་བསྒྱུར་བ་ཡིན་པས་འགྱུར་མ་ཐོན་པ་དང་འགྱུར་ལོག་སོགས་ནོངས་པ་ཅི་མཆིས་གཟུར་གནས་མཁས་པའི་སྤྱར་སྔར་སྙིང་ནས་འཆགས་སོ།།

《佛说无常经》

大唐三藏法师义静奉制译

生者皆归死　容颜尽变衰

强力病所侵　无能免斯者

假使妙高山　劫尽皆坏散

大海深无底　亦复皆枯竭

大地及日月　时至皆归尽

未曾有一事　不被无常吞

上至非想处　下至转轮王

七宝镇随身　千子常围绕

如其寿命尽　须臾不暂停

还漂死海中　随缘受众苦

循环三界内　犹如汲井轮

亦如蚕作茧　吐丝还自缠

无上诸世尊　独觉声闻众

尚舍无常身　何况于凡夫

父母及妻子　兄弟并眷属

目观生死隔　云何不愁叹

是故劝诸人　谛听真实法

共舍无常处　当行不死门

佛法如甘露　除热得清凉

一心应善听　能灭诸烦恼

བཛྲ་ཚུལ་ཁྲིམས་རྒྱ་མཚོའི་འཕྲིན་སྟེགས་ལས་བཤུས།