༄༅།།སྐབས་གསུམ་པ་བཞུགས་སོ།།          释迦牟尼佛赞

          རྗེ་བཙུན་ཙོང་ཁ་བ་ཆེན་མོས་མཛད།宗喀巴大师 著

          དཔའ་རིས་ལོ་ཆུང་བློ་བཟང་རྒྱ་མཚོས་བསྒྱུར།  华锐·罗桑嘉措 译

 ན་མཿ་ཤྲཱི་གུ་རུ་མཉྫུ་གྷོ་ཥཱ་ཡ།

སྐབས་གསུམ་པ་དང་དབང་པོའི་དགྲ། །

དྲི་ཟ་གདེངས་ཅན་གྲུབ་པའི་གཙོ། །

ཀུན་གྱི་གཙུག་རྒྱན་ནོར་བུ་ཡིས། །

གང་གི་ཞབས་པད་མཛེས་བྱས་པ། ། 

南无希日格日曼孜高喀雅

 梵天帝释非天帝，

极喜龙王仙人主，

悉众首饰之珍宝，

令尊足莲妙庄严。

 གསེར་འོད་འཁྱུག་པའི་དཔལ་གྱིས་བརྗིད་པའི་སྐུ། །

དྲི་ཟའི་དབྱངས་ཀྱིས་བསྒྲུན་དུ་མེད་པའི་གསུང་། །

ཉི་མ་བྱེ་བའི་མདངས་ལས་གསལ་བའི་ཐུགས། །

མཐའ་ཡས་འགྲོ་བའི་འདྲེན་མཆོག་ཤཱཀྱའི་ཏོག །

金光闪耀相瑞威严身，

乾达婆音难以媲美语，

比那俱胝日光更明意，

无量众生导师释迦尊。

དག་པའི་མཁའ་ལ་ཤར་བའི་གཟའ་སྐར་རྣམས། །

ཆུ་གཏེར་དབུས་ན་ཡོངས་སུ་གསལ་བ་བཞིན། །

དང་བའི་ཡིད་མཚོར་ཁྱོད་ཀྱི་ཡོན་ཏན་གྱི། །

གཟུགས་བརྙན་མ་འདྲེས་གསལ་བར་རབ་བཀོད་ནས། །

犹如晴朗空中所出现，

繁星照映海央极澈明。

虔诚意海之中您功德，

影像未混极明而作赞。

ཟླ་ཟེར་ཕོག་པའི་ཆུ་སྐྱེས་གཞོན་ནུ་བཞིན། །

ལག་པའི་སོར་མོ་སྙིང་གའི་ངོས་སུ་ཟུམ། །

རྩེ་གཅིག་ཡིད་ཀྱིས་ཁྱོད་སྐུར་མངོན་ཕྱོགས་ཏེ། །

ཅུང་ཟད་བསྟོད་ལ་ཐུགས་རྗེ་ཅན་ཁྱོད་དགོངས། །

犹如月光映射水莲苞，

双手十指合掌于心间，

专心一境为尊身向往，

于少许赞悲尊您垂念：

སྐར་མའི་ཚོགས་ཀྱིས་མཁའ་ལ་ཟླ་བ་བཞིན། །

རྒྱལ་སྲས་དཔའ་བོ་རྣམས་ཀྱིས་ཀུན་ནས་བསྐོར། །

བ་ལང་ཁྱུ་ཡི་ཐོག་མར་ཁྱུ་མཆོག་བཞིན། །

དགྲ་བཅོམ་འཁོར་གྱི་ཚོགས་ཀྱིས་མདུན་དུ་བདར། །

宛如空中群星拱抱月，

诸多佛子勇士悉围绕，

好似牛群之中牛王行，

而由罗汉眷属前排列。

ནམ་མཁའི་ཁྱོན་ཀུན་འགེངས་པའི་འོད་ཟེར་གྱི། །

དྲ་བ་སྟོང་གིས་ཡོངས་སུ་དཀྲིགས་པའི་སྐུ། །

ནམ་མཁའི་ལམ་ནས་ཆོ་འཕྲུལ་དུ་མ་ཡིས། །

དང་བའི་རྒྱལ་པོ་བཞིན་དུ་ལྡིང་ཞིང་གཤེགས། །

遍满整个虚空范围光，

被千辐网所绕之身体，

从虚空路种种神变使，

犹如鹅王一样旋而行。

 དེ་ཚེ་རིང་ནས་བསྐྲུན་པའི་བཟང་པོའི་ལས། །

ཡོངས་སུ་སད་པའི་ལྷ་མི་སྟོང་ཕྲག་བརྒྱ། །

ཁྱོད་ཞལ་མཐོང་བའི་མོད་ལ་མི་བསྲུན་ཡིད། །

ཉེས་བརྒྱའི་འཆིང་བ་ཀུན་ནས་ལྷོད་པར་གྱུར། །

那时昔久修持贤善业，

遍异果熟千百人天众，

仅睹尊颜之际暴恶心，

整个诸恶枷锁便松开。

 དཔའ་བོ་ཁྱོད་ཀྱིས་བྱང་ཆུབ་ཤིང་དྲུང་དུ། །

མཁྱེན་བརྩེའི་དཔུང་གིས་ཡིད་སྲུབས་བདག་པོའི་སྡེ། །

མ་ལུས་ཟིལ་གྱིས་གནོན་པའི་མཛད་པ་ནི། །

དྲག་པོའི་རླུང་དང་ཉེ་བའི་སྤྲིན་ནག་བཞིན། །

勇士您在菩提树座前，

能以慧慈大军全镇伏，

扰乱心魔他化自在军，

犹如狂风大作扫乌云。

 མདའ་མཚོན་གོ་ཆ་མ་བཟུང་བར། །

རང་ཉིད་གཅིག་པུས་བྱེ་བའི་བདུད། །

མ་ལུས་ཕམ་མཛད་གཡུལ་གྱི་ལས། །

ཁྱོད་ལས་གཞན་པ་སུ་ཡིས་ཤེས། །

没有着持甲箭器，

独自一人全战胜，

万千魔军阵地事，

除您之外有谁能。

དེ་ལྟར་ཁྱོད་ཀྱི་བྱམས་པའི་མེས། །

འདོད་ལྷའི་སྙིང་ནི་རབ་གདུངས་ཀྱང་། །

བརྩེ་བའི་གཏེར་ཁྱོད་ལུས་ཅན་ལ། །

རིས་སུ་ཆད་པར་གྱུར་པ་མེད། །

如是您之仁慈火，

欲天心虽极煎熬，

然慈海尊对有情，

偏颇之心永不存。

ཁྱོད་ནི་འགྲོ་བའི་དོན་གྱི་སླད། །

ཅུང་ཟད་ཙམ་ཡང་མི་ངལ་ཞིང་། །

འགྲོ་བ་རྣམས་ཀྱང་ཁྱོད་ཀྱི་ནི། །

ཡོན་ཏན་བརྗོད་ལ་ངལ་མ་གྱུར། ། 

世尊为利众生事，

即使丝毫也无倦，

众生也对您功德，

诵持赞颂也无倦。

རྒྱ་མཚོའི་ཀློང་ལྟར་རབ་ཏུ་ཟབ་པའི་ཐུགས། །

ལྷ་ཡི་རྔ་བཞིན་ལེགས་པར་འདོམས་པའི་གསུང་། །

ལྷུན་པོའི་སྤོ་ལྟར་མངོན་པར་འཕགས་པའི་སྐུ། །

མཐོང་ཐོས་དྲན་པ་དོན་ལྡན་མཛད་པ་ཁྱོད། །

犹如大海中央极深意，

似天鼓声善于教导语，

像须弥峰巍巍雄伟身，

见闻忆念具义事业尊。

 འཇིག་རྟེན་ཀུན་གྱི་སེམས་ཅན་ཐམས་ཅད་ཀྱིས། །

དུས་གཅིག་ཉིད་དུ་ཐེ་ཚོམ་དོན་ཞུས་ཀྱང་། །

དེ་དག་རེ་རེའི་མདུན་དུའང་དེ་སྙེད་ཀྱི། །

སྐུ་དང་གསུང་གི་བཀོད་པ་དུས་གཅིག་ཏུ། །

མཛད་པ་མཛད་ཀྱང་རྟོག་པ་ཉེར་ཞི་བ། །

一切世界所有有情众，

在一时中即使禀疑义，

也能随彼各个之前面，

同时示现等数身及语，

行此事业意妄极息灭。

 ཁྱོད་ཀྱི་སྐུ་གསུང་ཐུགས་ཀྱི་གསང་བ་ཡི། །

ཚུལ་འདི་རྒྱལ་སྲས་རང་རྒྱལ་ཉན་ཐོས་ཀྱིས། །

ཇི་ཙམ་བརྟགས་ཀྱང་བློ་ཡི་ཡུལ་མིན་ན། །

ཚངས་དང་དབང་པོ་སོགས་ཀྱིས་སྨོས་ཅི་འཚལ། །

您之身语意之密功德，

此理就连佛子及缘觉，

以及声闻任究非心境，

梵天帝释天等更何说！

 མཁའ་ལྡིང་དབང་པོས་མཁའ་ལ་བགྲོད་བགྲོད་ནས། །

ནམ་ཞིག་རང་སྟོབས་བྲི་བས་ལྡོག་འགྱུར་གྱི། །

ནམ་མཁའ་ཟད་པས་ལྡོག་པར་མི་འགྱུར་བཞིན། །

ཁྱོད་ཀྱི་ཡོན་ཏན་བརྗོད་པའང་དེ་ལྟར་ལགས། །

大鹏金翅鸟王行虚空，

犹终自力减弱故折返，

并非虚空界尽故而返，

赞颂您之功德亦如是。

 གཤོག་རྩལ་རབ་ཏུ་རྫོགས་པའི་མཁའ་ལྡིང་གིས། །

བགྲོད་པའི་ལམ་དུ་བྱེའུས་རྩོལ་བ་ལྟར། །

སྟོབས་བཅུ་མངའ་བ་གང་དུ་གཤེགས་པ་ཡི། །

ལམ་མཆོག་དེར་ནི་འཇུག་པར་འདོད་པ་བདག །

双翼极健大鹏金翅鸟，

飞行道中犹如雀强飞，

具足十力世尊所行处，

即胜道中心想趋者我，

གནས་ལུགས་དོན་ལ་ལྟ་བའི་བློ་མིག་ཉམས། །

ངེས་འབྱུང་བྱང་ཆུབ་སེམས་ཀྱི་འབྱོར་བས་དབུལ། །

སྟོབས་ལྡན་ཉོན་མོངས་དགྲ་བོས་རྒྱུན་དུ་གཙེས། །

བདག་འཛིན་གཅོང་རོང་ཟབ་མོའི་སྦུབས་སུ་ལྷུང་། །

观看真理实相明眼衰，

缺乏出离菩提心方便，

强大烦恼怨敌常侵扰，

堕于可怕我执深渊坑，

འདི་འདྲའི་ཉམ་ཐག་གནས་སུ་གྱུར་ལགས་པ། །

བརྩེ་ཆེན་ཁྱོད་ཀྱིས་ཡལ་བར་འདོར་ལགས་ན། །

དམན་པ་རྣམས་ལ་ཆེས་ཆེར་བརྩེ་བའི་མགོན། །

ཁྱོད་ལས་གཞན་པ་གང་ལ་སྐྱབས་སུ་བཟུང་། །

身陷此等困境之处者，

若大慈您随意抛弃时，

于诸卑众最优慈怙主，

除您之外何者堪依怙？

 སྙིགས་མ་ལྔ་ཡིས་ཧ་ཅང་སྦགས་པ་ཡི། །

ཞིང་འདི་གཞན་གྱིས་སྤངས་དུས་མགོན་ཁྱོད་ཀྱིས། །

ཡོངས་སུ་བཟུང་སྟེ་རྒྱལ་བ་སྲས་བཅས་ཀྱིས། །

པད་དཀར་ལྟ་བུར་བསྔགས་པའི་དགོས་པའང་ཅི། །

五浊十分横流之此刹，

其他怙弃时却依怙您，

摄护之时佛及诸佛子，

赞如白莲之事有何义？

 འོན་ཀྱང་ཁྱོད་ཀྱི་འཕྲིན་ལས་གདུལ་བྱ་ལ། །

མ་བརྟགས་བཏང་སྙོམས་ཅུང་ཟད་མི་མངའ་བས། །

སྐལ་ངན་བདག་གི་ཉེས་པ་ཁོ་ནར་ཟད། །

དེ་ཕྱིར་ཁྱོད་ལ་སྐྱོན་གྱི་སྐབས་མེད་པས། །

然而您之事业对化众，

不察放置少许不曾有，

全因恶缘自罪所导致，

所以尊您无过之时罅，

དེང་ནས་བྱང་ཆུབ་སྙིང་པོར་བདུད་སྡེ་ལས། །

ཇི་སྲིད་རྒྱལ་བར་མ་གྱུར་དེ་སྲིད་དུ། །

སྐྱེ་ཞིང་སྐྱེ་བར་ཁྱོད་ཀྱིས་རྗེས་བཟུང་ནས། །

གསུང་གི་བདུད་རྩིས་ངོམས་པ་མེད་པར་ཤོག །

故从今起菩提树座前，

未能战胜魔军之期间，

生生世世尊您随摄后，

愿被法语甘露不知足！

དེ་བཞིན་གཤེགས་པ་ཁྱེད་སྐུ་ཇི་འདྲ་དང་། །

འཁོར་དང་སྐུ་ཚེའི་ཚད་དང་ཞིང་ཁམས་སོགས།།

ཁྱེད་ཀྱི་མཚན་མཆོག་བཟང་པོ་ཇི་འདྲ་བ།།

དེ་འདྲ་ཁོ་ནར་བདག་སོགས་འགྱུར་བར་ཤོག།

如来佛陀您身是如何，

以及眷属身寿量刹土，

世尊殊胜相好是如何，

愿我等众唯应亦如是！

ཁྱེད་ལ་བསྟོད་ཅིང་གསོལ་བ་བཏབ་པའི་མཐུས།།

བདག་སོགས་གང་དུ་གནས་པའི་ས་ཕྱོགས་དེར།།

ནད་དང་དབུལ་ཕོངས་འཐབ་རྩོད་ཞི་བ་དང་།།

ཆོས་དང་བཀྲ་ཤིས་འཕེལ་བར་མཛད་དུ་གསོལ།  །

赞颂您及祈祷威力使，

我等众生所住之方域，

疾病贫穷争斗皆息灭，

正法以及吉祥愿俱增！

སྟོན་པ་འཇིག་རྟེན་ཁམས་སུ་བྱོན་པ་དང་།།

བསྟན་པ་ཉི་འོད་བཞིན་དུ་གསལ་བ་དང་།།

བསྟན་འཛིན་བུ་སློབ་བཞིན་དུ་མཐུན་པ་ཡིས།།

བསྟན་པ་ཡུན་རིང་གནས་པའི་བཀྲ་ཤིས་ཤོག།

祈愿导师佛陀降世间，

圣教明耀犹如太阳光，

持教师徒亲睦讲修事，

佛教长久住世吉祥临！

  ཅེས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ་ལྷ་དང་མི་རྣམས་ཀྱི་སྟོན་པ་ཤཱཀྱ་ཐུབ་པ་ལ་བསྟོད་པ་བྱིན་རླབས་ཉེར་འཇུག་ཅེས་བྱ་བ་འདི་ནི། སྡེ་སྣོད་འཛིན་པ་འཇམ་དཔལ་རྒྱ་མཚོ་ཞེས་བྱ་བ་རང་གི་སློབ་མས་གསོལ་བ་བཏབ་པའི་དོན་དུ། མང་དུ་ཐོས་པའི་རྒྱལ་ཁམས་པ་བློ་བཟང་གྲགས་པའི་དཔལ་གྱིས་གངས་ཅན་ཁྲོད་ཀྱི་གངས་རིའི་དབང་པོ་འོ་དེ་གུང་རྒྱལ་གྱི་ལྷ་ཞོལ་དུ་སྦྱར་བའི་ཡི་གེ་པ་ནི་སྡེ་སྣོད་འཛིན་པ་བྷ་དྲ་པཱ་ལའོ། །
                                            རྩོམ་སྒྲིག་པ།  ཤེས་རབ་རལ་གྲི།

གསལ་འདེབས།

                  རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།

                    དྲ་བའི་སྦྲེལ་ཐགhttp://www.tb1025.cn