རྗེའི་བླ་མའི་གསོལ་འདེབས་ཤིས་བརྗོད་ཐོར་བུའི་སྐོར་འདི་རྗེའི་བསྟོད་ཚོགས་ཆེན་མོར་ཚན་པ་ཞིག་གི་ཆེད་དུ་སྡུད་བཞིན་ཡོད་པས་ཁྱོད་ཀྱིས་རང་གིས་མཐོང་ཐོས་བྱུང་བའི་མཁས་པ་དག་ལས་རྗེ་བླ་མར་གསོལ་འདེབས་ཤིས་བརྗོད་་ཐོར་བུ་ཡོད་པ་དག་འདིར་བསྐུར་རོགས་ཞུ་དང་།བདག་གིས་མ་འོངས་པར་ཁྱེད་རྣམ་པའི་གཟིགས་མོར་འགྲེམ་པའི་རྗེའི་བསྟོད་ཚོགས་ཆེན་མོར་འགོད་ངེས་ཡིན།

ཤེས་རབ་བསྟན་དར་གྱིས་ཕུལ།

སྲས་ཀྱི་མཆོག་གྱུར་བློ་བཟང་གྲགས་པའི་དཔལ། །མང་ཐོས་མཆོག་གྱུར་བློ་བཟང་གྲགས་པའི་དཔལ། །འདུལ་འཛིན་མཆོག་གྱུར་བློ་བཟང་གྲགས་པའི་དཔལ། །འཕྲིན་ལས་མཆོག་གྱུར་བློ་བཟང་གྲགས་པའི་དཔལ། །

----རེད་མདའ་བ་ཆེན་པའི་རྣམ་ཐར་ལས་བཤུས།

སྡེ་སྣོད་གསུམ་དང་རྒྱུད་སྡེ་རྣམ་པ་བཞི། །གདམས་པའི་མཆོག་ཏུ་གཟིཊ་པའི་བཤད་སྒྲུབ་ཀྱིས། །ཐུབ་བསྟན་ཕྱོགས་དུས་ཀུན་ཏུ་རྒྱས་མཛད་པ། །བློ་བཟང་གྲགས་པའི་དཔལ་གྱི་བཀྲ་ཤིས་ཤོག །

____གྲུབ་ཆེན་འདུལ་ནག་པ་དཔལ་ལྡན་བཟང་པོ།

སྐྱེ་ཞིང་སྐྱེ་བར་དམ་ཆོས་མཐའ་དག་དང་།།ཟབ་མོ་ལྟ་དང་ཉེར་འབྲེལ་སྔགས་ཀྱི་ལམ།།ལུས་དང་སྲོག་ལ་མི་ལྟ་འཛིན་པ་ལ།།མི་ཕམ་འཇམ་དབྱངས་ཙོང་ཁ་བ་བཞིན་ཤོག།

----- དབལ་མང་དཀོན་མཆོག་རྒྱལ་མཚན་གྱིས་མཛད།

དུས་གསུམ་དགེ་བའི་ཚེ་རབས་ཐམས་ཅད་དུ།།ཐེག་མཆོག་བཤེས་གཉེན་འཇམ་མགོན་མཁྱེན་པའི་གཏེར།།བློ་བཟང་གྲགས་པ་བདག་སོགས་འགྲོ་རྣམས་ཀྱི།།སྙིང་དབུས་བཞུགས་ནས་ཐུགས་ཀྱིས་རྗེས་འཛིན་ཤོག།

-----མཁན་ཆེན་ལེགས་པ་དོན་འགྲུབ་ཀྱིས་མཛད།

སྡེ་སྣོད་གསུམ་དང་རྒྱུད་སྡེ་རྣམ་པ་བཞི། །གདམས་པའི་མཆོག་ཏུ་གཟིཊ་པའི་བཤད་སྒྲུབ་ཀྱིས། །ཐུབ་བསྟན་ཕྱོགས་དུས་ཀུན་ཏུ་རྒྱས་མཛད་པ། །བློ་བཟང་གྲགས་པའི་དཔལ་གྱི་བཀྲ་ཤིས་ཤོག །

____ཞེས་གྲུབ་ཆེན་འདུལ་ནག་པ་དཔལ་ལྡན་བཟང་པོས།

（རྩོམ་ཡིག་སྐུར་མཁན།རྫོང་དཀར་བློ་བཟང་དར་རྒྱས། མང་རའི་འཇམ་དབྱངས་ཆོས་འཕེལ། ཀླུ་ཚང་འཇམ་དབྱངས་ཤེས་རབ། རྐང་ཚའི་འཇིགས་མེད་རྒྱ་མཚོ།ཅོ་ནེ་བློ་བཟང་རྒྱལ་མཚན། ཤཱཀྱའི་དགེ་ཕྲུག །སྒོམ་སྡེ་སྦྱིན་པ།རྨེ་བ་ཤེས་རབ་མཐའ་ཡས།ནག་བཟའ་བརྩོན་འགྲུས་རྒྱ་མཚོ།རོང་བོ་བློ་གྲོས་བརྟན་པ།དྲང་བདེན་བོད་པ།བྱ་མདོ་སྐལ་བཟང་རྒྱལ་མཚན།འབྱུང་གནས། 琼尼 གཙོས་ཤེས་རབ་རྒྱ་མཚོ་བཅས་ཡིན།）

འདི་འཕྲིན་སྟེགས་དག་གིས་འགོད་དུས་མ་ཁུངས་དང་སྦྲེལ་ཐག་དང་བཅས་འགོད་རོགས། ཞིབ་འཇུག་སློབ་མ་ལ་ལ་དང་།འཕྲིན་སྟེགས་ལ་ལས་ངེད་དྲ་བས་བསྒྲིགས་པ་དག་རང་རྩོམ་ཡིན་ཁུལ་གྱིས་འགོད་པ་ཁྲེལ་དང་ངོ་ཚ་མེད་པའི་སྤྱོད་པ་ཞིག་ཡིན་པས་ཐུགས་མཉམ་འཇོག་པར་ཞུ།

རྩོམ་སྐུར་སའི་ཡིག་སྒམ།524125673@163.

རྩོམ་སྒྲིག་པ།ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།ལྷག་པར་འཕྲིན་སྟེགས་དག་གིས་འགོད་དུས原创བྱས་ཏེ་འགོད་མི་ཆོག

དྲ་བའི་སྦྲེལ་ཐགhttp://www.tb1025.cn 

༢༠༢༤ - ༧ - ༢༨ཉིན་བཤུས།