ན་མོ་གུ་རུ་མཉྫུ་གྷོཥཱ་ཡ། སྡེ་པ་ གཞན་ལ་མི་འཇིགས་མཆོག་བརྙེས་པས། །ཁྱུ་མཆོག་བཞིན་དུ་ཞལ་གྱིས་འཆེས་པ་མཆོག །འཁོར་མང་དབུས་ན་སེང་གེའི་སྒྲ་ཆེན་སྒྲོགས། །བླ་མེད་འཁོར་ལོ་ལེགས་པར་བསྐོར་ལ་འདུད། །ཁྱོད་ཀྱིས་དཔལ་ཡས་བསྐལ་པ་རུ། །ཟབ་དང་རྒྱ་ཆེའི་ཆོས་ཀུན་ལ། །ལེགས་པར་སྦྱངས་པས་ཤེས་བྱ་ཀུན། །ཇི་བཞིན་མངོན་དུ་བྱས་སོ་ཞེས། །རྨད་བྱུང་མཁས་པའི་འཁོར་ནང་ན། །ཚངས་པའི་དབྱངས་ཀྱིས་བསྒྲོགས་པ་ན། །ཕས་ཀྱི་རྒོལ་བ་ཐམས་ཅད་ཀྱི། །སྤོབས་པ་འཕྲོག་ལ་ཕྱག་འཚལ་ལོ། །དེ་བཞིན་བཅད་དཀའི་འཆིང་བཅད་ཅིང་། །འདི་ནི་ལམ་ཡིན་འདི་དག་ནི། །བར་དུ་གཅོད་པའི་ཆོས་ཡིན་ཞེས། །ཀུན་ལ་ཞལ་གྱིས་འཆེས་པ་ན། །དོན་དང་ལྡན་པའི་རྩོད་སྨྲ་བ། །འགའ་ཡང་འདི་ན་མ་གཟིགས་པས། །གང་གིས་རེ་བའི་མཆོག་བརྙེས་པ། །འཇམ་དབྱངས་དེ་ལ་གུས་ཕྱག་འཚལ། །དེ་ལྟར་ཡང་དག་དམ་བཅའ་བཞིས། །ཕས་རྒོལ་ཀུན་ལས་ལེགས་རྒྱལ་བར། །བསྟོད་པས་ལུས་ཅན་ཐམས་ཅད་ནི། །འཇིགས་པ་མེད་པའི་གནས་ཐོབ་ཤོག །ཅེས་རྗེ་བཙུན་འཇམ་པའི་དབྱངས་ལ་བསྟོད་པའི་ཚིགས་སུ་བཅད་པ་འདི་ནི། ཤཱཀྱའི་དགེ་སློང་བློ་བཟང་གྲགས་པའི་དཔལ་གྱིས་ཏའུ་ར་ཞེས་བྱ་བའི་གནས་མཆོག་ཏུ་སྦྱར་བའོ། །

                                                 རྩོམ་སྒྲིག་པ། ནོར་བཟང་རྒྱ་མཚོ།
     གསལ་འདེབས།། 
         རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།
    དྲ་བའི་སྦྲེལ་ཐགhttp://www.tb1025.cn