དམ་ཚིག་རྡོ་རྗེའི་སྒོམ་བཟླས།

ཡོང་ཁུངས།   ངེད་དགེ་ལུགས་པའི་དྲ་བ།     སྤེལ་དུས།  2016-10-13 16:48:55     རྩོམ་པ་པོ།   མི་གསལ།    ཀློག་ཐེངས།  

034.JPG

       སངས་རྒྱས་ཆོས་དང་ཚོགས་ཀྱི་མཆོག་རྣམས་ལ།།བྱང་ཆུབ་བར་དུ་བདག་ནི་སྐྱབས་སུ་མཆི།།བདག་གིས་སྦྱིན་སོགས་བགྱིས་པའི་ཚོགས་རྣམསཀྱིས།།འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག།ལན་གསུམ་བརྗོད།རང་ཡི་དམ་དུ་གསལ་བའི་ཐུགས་ཀར་སྣ་ཚོགས་པདྨ་དང་ཟླ་བའི་དཀྱིལ་འཁོར་གྱི་སྟེང་དུ།ཧ་ལས་རལ་གྲིའི་འཆང་བཟུང་ལ་ཧས་མཚན་པ།དེ་ཡོངས་སུ་གྱུར་པ་ལས་དམ་ཚིག་རྡོ་རྗེ་སྐུ་མདོག་ལྗང་གུ་ལྗང་ནག་དཀར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་རང་འདྲའི་ཡུལ་ལ་འཁྱུད་ཅིང༌།ལྷག་མ་གཡས་གཉིས་རྡོ་རྗེ་དང་རལ་གྲི།གཡོན་གཉིས་དྲིལ་བུ་དང་པདྨ་འཛིན་པ།ཡབ་ཡུམ་གཉིས་ཀའང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པ།དེའི་སྤྱི་བོར་ཨོཾ།མགྲིན་པར་ཨཱཿཐུགས་ཀར་ཧཱུཾ།ཐུགས་ཀའི་ཧཱུཾ་ལས་འོད་ཟེར་འཕྲོས་པས་རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་སྤྱན་དྲངས།ཛཿཧཱུཾ་བཾ་ཧོཿགཉིས་སུ་མེད་པར་གྱུར།སླར་ཡང་ཐུགས་ཀའི་ཧཱུཾ་ལས་འོད་ཟེར་འཕྲོས་པས།རིགས་ལྔ་འཁོར་དང་བཅས་པ་སྤྱན་དྲངས།མཆོད་པས་མཆོད།དེ་བཞིན་གཤེགས་པ་རྣམས་ཀྱིས་འདི་ལ་མངོན་པར་དབང་བསྐུར་དུ་གསོལ།ཞེས་གསོལ་བ་བཏབ་པས་དེ་རྣམས་ཀྱིས་ཡེ་ཤེས་ཀྱི་བདུད་རྩིས་གང་བའི་བུམ་པས།ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ།ཞེས་རང་གི་སྤྱི་བོ་ནས་དབང་བསྐུར་བས།དམ་ཚིག་རྡོ་རྗེའི་ལུས་ཐམས་ཅད་གང༌།བདེ་བ་ཆེན་པོ་མྱོང༌།དྲི་མ་ཐམས་ཅད་དགཆུའི་ལྷག་མ་སྤྱི་བོར་གནས་པ་ཡོངས་སུ་གྱུར་པ་ལས་ཡབ་ལ་མི་བསྐྱོད་པ་དང་ཡུམ་ལ་དོན་གྲུབ་ཀྱིས་དབུ་བརྒྱན།དེའི་ཐུགས་ཀར་ཟླ་བའི་སྟེང་དུ་སྣ་

ཚོགས་རྡོ་རྗེའི་ལྟེ་བ་ཧ་ལྗང་གུའི་བདུད་རྩིའི་རྒྱུན་ཕྲ་མོ་འཛག་པ་དེའི་མཐར།ཨོཾ་ཨཱཿཔྲཛྙཱ་དྷྲི་ཀ་ཧཱ་ཧཱུཾ།ཞེས་པས་བསྐོར་བར་དམིགས་ལ་བདུད་རྩིའི་རྒྱུན་དེ་སྣ་ཚོགས་རྡོ་རྗེའི་རྭའི་བུ་ག་ནས་རིམ་གྱིས་བྱུང་ནས་ལུས་ཐམས་ཅད་གང༌།ཟག་མེད་ཀྱི་བདེ་བ་མྱོང་བས་དམ་ཚིག་ཉམས་པ་ཐམས་ཅད་བ་སྤུའི་བུ་ག་ནས་ནག་ཉིལ་ཉིལ་ཐོན་པར་བསམས་ལ།ངག་ཏུ་གོང་གི་སྔགས་དེ་བཟླ།བཟླས་པ་ཚར་བ་དང༌།བདག་ནི་མི་ཤེས་རྨོངས་པ་ཡིས།།ཞེས་སོགས་བྱའོ།།

                                              རྩོམ་སྒྲིག་པ།  ཤེས་རབ་རལ་གྲི། 
གསལ་འདེབས། 
                  རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ། 
                    དྲ་བའི་སྦྲེལ་ཐགhttp://www.tb1025.cn

 

བརྒྱུད་འགོད།