༄༅། །ཧཱུཾལྷུན་གྲུབ་བདེ་སྟོང་ཡེ་ཤེས་རོལ་པ་ལས། །རྩ་བརྒྱུད་བླ་མ་ཡི་དམ་ལྷ་ཚོགས་དང་། །ཁྱད་པར་ཁྲོ་བོ་ཆེན་པོ་གཤེན་རྗེའི་གཤེད། །འཁོར་བཅས་ཐོགས་པ་མེད་པར་གནས་འདིར་གཤེགས། །ཤར་ལྷོ་བསིལ་པའི་ཚལ་གྱི་ཏུར་ཁྲོད་ནས། །དཔལ་ལྡན་ཡེ་ཤེས་མགོན་པོ་ཕྱག་དྲུག་པ། །ཡུམ་ཕྱོགས་གནོད་སྤྱིན་རྣམ་བཞི་གཙང་རིས་ཀྱི། །དཔལ་མགོན་བདུན་བཅུ་ཚོགས་བཅས་ད་ཚུར་སྤྱོན། །ལྷོ་ཕྱོགས་རིམ་པ་བདུན་གྱིས་ས་འོག་ནས། །ཆོས་ཀྱི་རྒྱལ་པོ་ཡུམ་མཆོག་ཙཱ་མུ་ནྟྲི། །ཕོ་བརྒྱད་མོ་བརྒྱད་གཤིན་རྗེའི་ཚོགས་དང་བཅས། །འཕྲིན་ལས་བསྒྲུབ་ཕྱིར་གནས་འདིར་གཤེགས་སུ་གསོལ། །ཁྱད་པར་མུ་ལི་དེང་གི་ཁྲག་མཚོ་ནས། །དུས་གསུམ་རྒྱལ་བའི་ཡུམ་གཅིག་རེ་མ་ཏི། །ཚེ་རིང་མཆེད་ལྔ་བསྟན་མ་བཅུ་གཉིས་སོགས། །འཁོར་བཅས་དངོས་གྲུབ་སྩོལ་ཕྱིར་གཤེགས་སུ་གསོལ། །གཞན་ཡང་རྣལ་འབྱོར་བདག་ཅག་འཁོར་བཅས་ཀྱི། །མགོན་སྐྱབས་མཛད་པའི་སྲུང་མ་ཐམས་ཅད་དང་། །ཡུལ་ལྷ་གཞི་བདག་འཁོར་དང་བཅས་པ་ཡང་། །དམ་ཚིག་ལྡན་པའི་གནས་འདིར་གཤེགས་སུ་གསོལ། །ཞེས་སྤྱན་དྲངས། ཨོཾ་དངོས་བཤམས་ཡིད་གྱིས་སྤྲུལ་བ་ལས་བྱུང་པའི། །མཆོད་ཡོན་མཛེས་པའི་མེ་ཏོག་དྲི་ཞིམ་སྤོས། །མུན་སེལ་སྒྲོན་མེ་བཟང་པོའི་དྲི་ཆབ་དང་། །རོ་བརྒྱའི་ཞལ་ཟས་གདངས་སྙན་རོལ་མོའི་ཚོགས། །འདོད་ཡོན་ལྔ་དང་རྒྱལ་སྲིད་རིན་ཆེན་བདུན། །དམ་རྫས་སྤྱན་གཟིགས་ནམ་མཁའི་ཁྱོན་གང་ཞིང་། །ཕྱི་ནང་གསང་པའི་མཆོད་པའི་སྤྲིན་ཕུང་འཁྲིགས། །ཤ་ཁྲག་གཏོར་མས་ས་གཞི་བཀང་སྟེ་འབུལ། །ཞེས་མཆོད་ཚོགས་ཕུལ། །ཨོཾ་གུ་རུ་བུ་དྔྟ་བོ་དྔྷི་ས་ཏྭ་སརྦ་དྷརྨ་པཱ་ལ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་པ་ལན་གསུམ་གྱིས་ཡེ་ཤེས་མ་རྣམས་དང་། ཨོཾཨ་ཀཱ་རོ་མུ་ཁཾསརྦ་དྷརྨཱ་ཏཱཾཨཱདྱ་ནུད་པ་ནྣ་དྭ་ཏ་ན་མ༔སརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཏད་ཁཾ་ཨུད་ག་ཏེ་སྭ་ར་ཎ་ཧི་མཾ་བ་ལིཾ་ཏ་ཁ་ཁ་ཁཱ་ཧཱི་ཁཱ་ཧཱིཿ། ཞེས་པ་ནས་ལན་གསུམ་གཞི་བདག་ལ་ཕུལ། ཨོཾགུ་རུ་བུདྔྟ་བོ་དྔྷི་ས་ཏྭ་སརྦ་དྷརྨ་པཱ་ལ་ས་པ་རི་ཝཱ་ར་ཨརྒྷཾ་པཱདྱཾ་པུབྮྤེ་དྷཱུ་པེ་ཨཱལོགེ་གནྔྷེ་ནཻཝིདྱེ་ཤཔྟ་པྲརྙི་སྪ་ཧཱུཾཝཱཧཱ། ཨོཾགུ་རུ྾ཨོཾཨཱཿཧཱུཾ། ༈ཧཱུཾབདེ་གཤེགས་ཀུན་གྱི་ཡེ་ཤེས་འཇམ་པའི་དབྱངས། །ཕྱི་ནང་གསང་པའི་འཆི་བདག་འཇོམས་མཛད་ཅིང་། །འདོད་དགུའི་དངོས་གྲུབ་བསྩོལ་བའི་ཡིད་བཞིན་ནོར། །འཇིགས་པ་མཐའ་དག་འཇིགས་པར་བྱེད་ལ་བསྟོད། །མི་བཟད་སྙིགས་མའི་དམུ་རྒོད་གདུལ་དཀའ་བ། །འདུལ་ཕྱིར་ཐུགས་རྗེ་ཆེན་པོར་རབ་ཁྲོས་པ། །བསྟན་དགྲ་ཚར་གཅོད་རྣལ་འབྱོར་བུ་བཞིན་དུ། །སྐྱོང་ཞིང་འགལ་རྐྱེན་བར་ཆད་ཀུན་སེལ་པའི། །དཔལ་མགོན་ཆོས་སྐྱོང་ཆེན་པོ་ཁྱོད་ལ་བསྟོད། །འཇམ་དཔལ་དཀའ་སྡོད་སྟོབས་ཆེན་གཤིན་རྗེའི་གཙོ། །དགེ་སྡིག་ཤན་འབྱེད་བསྟན་དགྲ་ཡོངས་ཀྱི་གཤེད། །ཆོས་འཁོར་སྐྱོང་མཛད་རྣལ་འབྱོར་དགྲ་ལ་ཆེ། །ལེགས་ལྡན་ནག་པོ་ཉི་མའི་སྲས་ལ་བསྟོད། །འདོད་པའི་ཁམས་ལ་དབང་བསྒྱུར་མཁའ་འགྲོའི་གཙོ། །མ་རུངས་འདུལ་ཕྱིར་སྲིན་པོ་ཁྲོས་པ་ལྟར། །བསྟན་དགྲ་རྩད་ནས་འབྱིན་པའི་བཤན་པ་མོ། །དམ་ཚིག་ལྡན་པའི་བསྲུང་མ་ཁྱོད་ལ་བསྟོད། །ཧཱུཾ་རྒྱལ་པ་ཀུན་གྱི་མཐུ་སྟོབས་གཅིག་བསྡུས་པ། །བཅོམ་ལྡན་རྡོ་རྗེ་འཇིགས་བྱེད་འཁོར་དང་བཅས། །མཐུ་ལྡན་བསྲུང་མའི་ཚོགས་གྱིས་ཆོས་གྲྭ་འདི། །སྲིད་མཐའི་བར་དུ་དར་ཞིང་རྒྱས་པར་མཛོད། །ནམ་དག་སྨོན་ལམ་རྙོག་བྲལ་རྫིང་བུ་འཁྱིལ། །དལ་བརྒྱད་འབྱོར་བཅུའི་ཆུ་སྐྱེས་འདབ་མ་བཞད། །བག་ཡོད་ཁྲིམས་ཀྱི་དྲི་བསུང་ངད་པ་འཐུལ། །དབང་རྣོན་རིག་པའི་སྣང་གསལ་ཁ་དོག་བཀྲ། །མང་ཐོས་དྲི་ཆབ་རྒྱུན་གྱིས་ལང་ཚོ་དར། །ལྷག་བསམ་ཟེའུ་འབྲུའི་ལྷ་བཤོས་རོ་བརྒྱ་གདའ། །རྩོད་ངག་རྐང་དྲུག་རབ་སྙན་རོལ་མོ་འཁྲོལ། །འཆད་ཉན་སྦྲང་རྩི་མངར་པའི་མཆོད་ཚོགས་གྱིས། །བསྟན་སྲུང་བཻ་ཧར་རྒྱལ་པོ་མཉེས་བྱེད་ན། །ཀུན་ཏུ་བདེ་བའི་འབུམ་ཕྲག་དུས་གཅིག་ཏུ། །རབ་དཀར་ཁྲིམས་ལྡན་དགེ་འདུན་འདུས་པའི་སྡེ། །སྲིད་མཐའ་བར་དུ་དར་རྒྱས་འཕྲིན་ལས་མཛོད། །གཞན་ཡང་དངོས་བཤམས་ཡིད་སྤྲུལ་མཆོད་རྫས་ཀྱིས། །ཆོས་སྐྱོང་ཆེན་པོའི་ཐུགས་དམ་ལེགས་སྐོང་ན། །བཀའ་པོད་མང་པོར་ཀློག་པ་ཐོས་བསམ་བསྟན། །རྣམ་དག་རང་ལུགས་དབྱར་མཚོ་ལྟར་འཕེལ་མཛོད། །འཇམ་དཔལ་དབྱངས་ངོས་འཇམ་མགོན་རྣམ་གསུམ་གྱིས། །དགོངས་བཞེད་རྒྱན་དྲུག་མཆོག་གཉིས་གཞུང་ལུགས་ལ། །འཆད་ཉན་ལྷུར་ལེན་བློ་གསལ་མཁས་མང་གིས། །ཡངས་པའི་ནོར་འཛིན་ཀུན་ཁྱབ་བཀྲ་ཤིས་ཤོག །ཧཱུཾ་བླ་མ་ཡིད་དམ་ཆོས་སྐྱོངས་པའི། །དམ་ཅན་བསྲུང་མ་ཁྱེད་རྣམས་གྱིས། །རྣལ་འབྱོར་བདག་ཅག་འཁོར་བཅས་ལ། །ཉིན་གསུམ་རྒྱང་ནས་བྱ་ར་དང་། །མཚན་གསུམ་དྲུང་ནས་མེལ་ཚེ་མཛོད། །ནད་དོན་དགྲ་བགེགས་ལ་སོགས་པ། །དྲག་པོའི་ཆད་པས་ཚར་ཆོད་ལ། །བསམ་པའི་དོན་ཀུན་ཡིད་བཞིན་སྒྲུབས། །ཕྱི་ནང་པར་ཆོད་ཀུན་ཞི་ཞིང་། །ཚེ་དང་བསོད་ནམས་རྒྱས་པ་དང་། །ཁམས་གསུམ་མ་ལུས་དབང་འདུ་ཞིང་། །མངའ་ཐང་རིགས་རྒྱུད་འཕེལ་བར་མཛོད། །བསླབ་པ་གསུམ་ལྡན་ངུར་སྨྲིག་འཛིན་པ་ཡིས། །འདུས་པའི་ཚོགས་ཀྱིས་གནས་འདིར་ཡོངས་གང་ཞིང་། །རྟག་ཏུ་བཤད་སྒྲུབ་བྱ་བས་སྲིད་མཐའི་བར། །ཐུབ་བསྟན་ཕྱོགས་བཅུར་རྒྱས་པའི་བཀྲ་ཤིས་ཤོག །དཔོན་སློབ་རྣམས་ཀྱིས་ཆོས་དང་མཐུན་པའི་དོན། །ཇི་ལྟར་བསམ་པ་ཡིད་བཞིན་གྲུབ་པ་དང་། །ནད་དང་བགེགས་སོགས་བར་དུ་གཅོད་པའི་ཚོགས། །ཉེ་བར་ཞི་བར་བྱིན་གྱིས་རླབས་དུ་གསོལ། །<?xml:namespace prefix="o">

རྩོམ་སྒྲིག་པ།  ཤེས་རབ་རལ་གྲི།  <?xml:namespace prefix="u1">

གསལ་འདེབས། 

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།  

དྲ་བའི་སྦྲེལ་ཐགhttp://www.tb1025.cn