ན་མཿཤྲི་བཛྲ་བྷཻ་ར་ཝཱ་ཡ། །རྡོ་རྗེ་འཆང་སོགས་རྩ་བརྒྱུད་བླ་མ་དང༌། །བདེ་གསང་འཇིགས་སོགས་རྒྱུད་སྡེ་བཞི་ཡི་ལྷ། །ཡེ་ཤེས་མགོན་པོ་ཕྱག་དྲུག་ནུས་མཐུ་ཡིས། །མཐུན་པའི་མཆོད་སྤྲིན་རྒྱ་མཚོ་འབྱུང་གྱུར་ཅིང༌། །ཀྵེ་ཏྲ་པཱ་ལ་ས་བ་རི་ཝཱ་ར་ཨརྒྷཾ་སོགས་གྱིས་མཆོད། མ་ཅིག་ཡེ་ཤེས་མཁའ་འགྲོས་གཉེར་གཏད་པའི། །མཐུ་སྟོབས་དབང་ཕྱུག་དམ་ཅན་ཆོས་རྒྱལ་དང༌། །མྱུར་མཛད་རྩལ་ལྡན་དཔལ་མགོན་གདོང་བཞི་བ། །གང་ལ་གཏད་པའི་ཀླུ་རྒྱལ་ཆོས་བདག་མཆོད། །མཐུ་སྟོབས་ཡེ་ཤེས་མངའ་བརྙེས་ཐུབ་པའི་བསྟན། །བཀའ་བསྒོས་ཇི་བཞིན་བསྲུང་པའི་དགྲ་ལྷ་ཆེ། །ས་གསུམ་འཇིག་རྟེན་མ་ལུས་སྐྱོང་ནུས་པའི། །དམ་ཅན་བསྲུང་མའི་དབང་པོ་མཆེད་གསུམ་བསྟོད། །ཁྱེད་རྣམས་མཉེས་སླད་ཡིད་སྤྲུལ་མཆོད་པའི་སྤྲིན། །མཁའ་ཁྱབ་ཡིད་འོང་འདོད་ཡོན་ལྔ་ལྡན་ཚོགས། །སངས་རྒྱས་སྨོན་ལམ་དབང་གིས་བྱུང་རྣམས་དང༌། །འགྲོ་བའི་ལེགས་བྱས་ལས་འཁྲུངས་དཔག་བསམ་ལྗོན། །རིན་ཆེན་རྒྱན་ཕྲེང་མེ་ཏོག་ཚུལ་ཀུན་འབུལ། །རབ་འབྱམས་རྒྱ་མཚོ་གསལ་པའི་ཉི་ཟླའི་འོད། །བསམས་བཞིན་འདོད་པ་འཇོ་བའི་འདོད་འཇོའི་བ། །བཀྲ་ཤིས་རྟགས་བརྒྱད་རྒྱལ་སྲིད་རིན་ཆེན་བདུན། །འདི་དག་ལེགས་འབུལ་བཀའ་བསྲུང་རྣམ་གསུམ་གྱིས། །བཞེས་ནས་རྣལ་འབྱོར་གང་བཅོལ་ལས་རྣམས་བསྒྲུབས། །གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་དང༌། །ཁྱད་པར་དམ་ཅན་ཆོས་རྒྱལ་དང༌། །ཞིང་སྐྱོང་དཔལ་མགོན་གདོང་བཞི་དང༌། །རྣམ་གཉིས་འཁོར་བཅས་ཐམས་ཅད་དང༌། །གང་གི་ཕྱག་གཏད་ཀླུ་དབང་མཆོག །གཏེར་བདག་རྣམ་གསུམ་འཁོར་བཅས་ལ། །མྱུར་མགྱོགས་ཤུགས་ལྡན་རྟ་མཆོག་དང༌། །རྔམས་པའི་ངར་ལྡན་ཞོལ་གཡག་ཆེ། །འཇམ་ལྡན་སྦུས་ཕྱུག་ལྷ་ལུག་གསུམ། །གཏེར་བདག་ཆེན་པོ་རྣམས་ལ་ལེགས་འབུལ་གྱིས། །འདི་བཞེས་ལབ་ཀྱི་སྒྲོན་མའི་བཀའ་སྩལ་བཞིན། །བདག་ལ་གཏེར་འདི་དགྱེས་བཞིན་གནང་པར་མཛོད། །འཇིག་རྟེན་བདེ་ཞིང་ལོ་ལེགས་དང་༝ ཀུན་འགྲུབ་ཤོག །ཉིན་མོ་བདེ་ལེགས་མཚན་བདེ་ལེགས། །༝༝དཀོན་མཆོག་གསུམ་གྱིས་བཀྲ་ཤིས་ཤོག །ཅེས་པ་འདི་ནི་རྗེ་འཇམ་དབྱངས་བཞད་པའི་རྡོ་རྗེས་གཡལ་རི་ནས་གཏེར་འདོན་སྐབས་མཛད་པའོ། །

                                                                                                                             རྩོམ་སྒྲིག་པ། མང་ར་བ།

           གསལ་འདེབས། 
                       རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།
                       དྲ་བའི་སྦྲེལ་ཐགhttp://www.tb1025.cn