༄༅།།ན་མོ་གུ་རུ་བེ།དེའང་དམིགས་བརྩེ་མའི་བསྙེན་པ་བྱེད་ཚུལ་ནི།རྗེ་བླ་མ་རིགས་གསུམ་མགོན་པོ།དགའ་ལྡན་ལྷ་བརྒྱ་མའི་ཞིང་བཀོད་དམ་བྱམས་མགོན་གྱི་སྐུ་སོགས་འདི་དང་འབྲེལ་བའི་སྐུ་གསུང་ཐུགས་ཀྱི་རྟེན་ལེགས་པར་བཀྲམ།མདུན་དུ་ཆུ་གཉིས་ཉེར་སྤྱོད་སོགས་ཀྱི་མཆོད་པ་གཙང་མ་བཤམ།སྐྱབས་འགྲོ་སེམས་བསྐྱེད་སྔོན་དུ་བཏང་། དགའ་ལྡན་ལྷ་བརྒྱ་མ་མནྜལ་རྒྱས་བསྡུས་རིགས་དང་བཅས་པ། དཔལ་ལྡན་བརྒྱ་ས་གསུམ་མ། མཆོག་གི་དངོས་གྲུབ་བརྙེས་ལ་གསོལ་བ་འདེབས། །ཞེས་པའི་བར་གྱིས་རྗེ་བླ་མའི་རྣམ་ཐར་རྗེས་སུ་དྲན་པའི་མོས་གུས་ཤུགས་དྲག་གིས་གསོལ་བ་རྩེ་གཅིག་ཏུ་བཏབ་ལ། དེ་ནས་མ་དག་པ་འཁྲུད་པ་དང་།མི་ཤེས་པ་བསལ་བ་སོགས་ཀྱི་དམིགས་པ་ལས་ཚོགས་ནས་འབྱུང་བ་བཞིན་དང་བཅས་དམིགས་བརྩེ་མ་ཅི་འགྲུབ་བཟླ། དེང་ནས་བརྩམས་ཏེ་ཞེས་སོགས་དང་།སྐྱབས་མགོན་རྡོ་རྗེ་འཆང་འཇིགས་མེད་དབང་བོའི་གསུང་ནས་འབྱུང་བ་བཞིན་དེ་ལྟར་མཁའ་དབྱིངས་ཆུ་འཛིན་དཀར་བོའི་དབུས། ཞེས་སོགས་དང་། རྒྱལ་ཀུན་མཁྱེན་བརྩེ་ནུས་པའི་ངོ་བོ་ཉིད༎འཇམ་མགོན་བླ་མའི་ཐུགས་རྗེའི་བྱིན་རླབས་མཐུས༎དགེ་འདུན་ཐུགས་མཐུན་ཁྲིམས་གཙང་བཤད་སྒྲུབ་འཕེལ༎ཕྱི་ནང་ཉེར་འཚེའི་གཡུལ་ལས་རྒྱལ་བ་དང་༎ཡུལ་ལྗོངས་འདིར་ཡང་ནད་མུག་འཁྲུག་རྩོད་སོགས༎ཉེར་འཚེ་མཐའ་དག་ཞི་ནས་རྗེ་འབངས་ཀུན༎ཆོས་སྲིད་རྫོགས་ལྡན་དཔལ་ལ་སྤྱོད་པ་ཡི༎བྱིན་རླབས་ཟད་མི་ཤེས་པའི་བཀྲ་ཤིས་ཤོག།ཅེས་སྨོན་ཅིང་འདོད་དོན་ཞུ་བས་མཚམས་སྦྱརདཔལ་ལྡན་རྩ་བའི་བླ་མ་རིན་པོ་ཆེ༎ཞེས་སོགས་ཀྱིས་རྗེ་བླ་མ་སྙིང་གར་སྤྱན་འདྲེན་ཞིང། སྐྱེ་བ་ཀུན་ཏུ་ཡང་དག་བླ་མ་དང་༎ཞེས་སོགས་དང་ཆོས་རྒྱལ་མ་སོགས་སྨོན་ལམ་དང་བཀྲ་ཤིས་ཀྱིས་མཐའ་བརྒྱན་པར་བྱའོ༎འདིའང་དཔྱོད་ལྡན་ཡེ་ཤེས་ཆོས་འཕེལ་གྱིས་བསྐུལ་ངོར།བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ༎

                                                རྩོམ་སྒྲིག་པ།  ཤེས་རབ་རལ་གྲི། 
གསལ་འདེབས། 
                  རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ། 
                    དྲ་བའི་སྦྲེལ་ཐགhttp://www.tb1025.cn