མིང་། གྱི་ལིང་འཇིགས་མེད།ཡུལ། མདོ་སྨད་ཨ་མཆོག་གྱི་ལིང་རྒྱལ་བཞེར་ཚང་།

སྐྱེས་ལོ། 1983-1-17 བརྒྱུད་རིམ། ཆུང་དུས་སློབ་གྲྭ་ཆུང་འབྲིང་འགྲིམས་ཤིང་རང་ལོ་བཅུ་དྲུག་སྟེང་གྱི་ལིང་དགོན་ནས་རབ་ཏུ་བྱུང་སྟེ་སྔ་ཕྱིར་ཡུལ་ངེས་མེད་འགྲིམས་ཏེ་སློབ་གཉེར་བྱས། རང་ལོ་བཅུ་དགུ་བ་ལ་རོང་ཁམས་ཞབས་དྲུང་གི་རྣམ་ཐར་བྲིས་ཏེ་པར་དུ་བསྐྲུན། རང་ལོ་ཉེར་གསུམ་སྟེང་གངས་ལྗོངས་ཤེས་རིག་ནོར་བུའི་སློབ་གླིང་འགྲིམས་ཤིང་ཉེར་དྲུག་སྟེང་སློབ་མཐར་ཕྱིན།

ལོ་དེར་མཚོ་སྔོན་འཁྱམས་རུ་དགོན་པར་རིག་གནས་དགེ་རྒན་བྱས།

དེའི་ཕྱི་ལོ་སྟེ2009ནས་ད་ལྟའི་བར་གངས་ལྗོངས་ཤེས་རིག་ནོར་བུའི་སློབ་གླིང་དུ་དགེ་རྒན་བྱས་ཤིང་ཞར་དུ་མཚོ་བྱང་བེ་རི་དགོན་དང་ཨ་རིག་དགོན་ཆེན་སོགས་སུ་དགེ་རྒན་དུ་སོང་།

2003ལོར་ཀན་ལྷོའི་ཕུལ་བྱུང་རྩོམ་པ་བོ་དང་། 2016ལོར་གུར་ཀུམ་ཆུན་པོའི་ཕུལ་བྱུང་རྩོམ་པ་བོའི་བྱ་དགའ། 2017ལོར་ཀན་ལྷོའི་ཟླ་ཟེར་གྱིས་ཕུལ་བྱུང་བྱ་དགའ་བཅས་དང་། ལོ་འགར་བསྟུད་མར་ཕུལ་བྱུང་དགེ་རྒན་གྱི་བྱ་དགའ་སོགས་ཐེངས་འགའ་ལ་ཐོབ།

ད་སྔ་བརྩམས་མི་ཉུང་བ་ཞིག་དེབ་ཏུ་བསྐྲུན་ཟིན་ལ། ལོ་ཙཱ་བྱས་པའི་བརྩམས་ཆོས་ལ་གྲྭ་བ་དང་མཚན་ཉིད་པ། མདོ་སྡེ་དཔེ་བརྒྱ་བ། ཆུ་ཡིས་དྲིས་ལན་ཤེས་པ། ཞི་བར་གཤེགས་པས་མྱ་ངན་མཆི་མ་བཞུར། རྒྱལ་ཁབ་གསུམ་གྱི་གཏམ་རྒྱུད་བསྡུས་པ་སོགས་དང་། ཕ་མའི་དྲིན་གཟོའི་མདོ་དང་། འཕགས་ལམ་ཡན་ལག་བརྒྱད་བསྟན་པའི་མདོ་སོགས་ཡོད་ལ། ལས་ཞོར་དུ་རྒྱ་རྒྱུད་ནང་བསྟན་ལས་མདོ་ཚན་མང་བོ་ཞིག་བོད་སྐད་དུ་སྒྱུར་བའི་ལོ་ཙཱ་བའི་གྲས་སུ་ཞུགས་ཏེ་2016ལོར་རྒྱ་བོད་བཀའ་བསྟན་གསབ་བསྒྱུར་ལས་གཞི་ལས་ལུང་ཕྲན་ཚེགས་བསྒྱུར་བའི་ཚོགས་པར་ཞུགས་ཏེ་ལུང་ཕྲན་ཚེགས་ལས་བམ་པོ་དུ་མ་བོད་འགྱུར་ཞུས་དང་ཞུ་བཞིན་ཡོད།

རྩོམ་སྒྲིག་པ།  ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།ལྷག་པར་འཕྲིན་སྟེགས་དག་གིས་འགོད་དུས原创བྱས་ཏེ་འགོད་མི་ཆོག

དྲ་བའི་སྦྲེལ་ཐགhttp://www.tb1025.cn