བདེ་བ་ཅན་དུ་སྐྱེ་བའི་སྨོན་ལམ་བཞུགས་སོ།

往生西方极乐世界发愿文

宗喀巴大师  造

法尊法师  译

༄༅།།ཕུལ་བྱུང་མཛད་པས་འགྲོ་ལ་མི་ཟད་དཔལ་སྟེར་ཞིང་།།ལན་ཅིག་དྲན་པས་འཆི་བདག་འཇིགས་པ་རིང་དུ་དོར།།

རྟག་ཏུ་བརྩེ་བས་འགྲོ་ལ་བུ་བཞིན་དགོངས་གྱུར་པ།།ལྷ་མིའི་སྟོན་པ་ཚེ་དཔག་མེད་ལ་ཕྱག་འཚལ་ལོ།།

胜行无尽利有情，一念永弃死王畏，

恒愍众生如爱子，礼天人师阿弥陀。

ཐུབ་པའི་དབང་བོས་ལན་གྲངས་དུ་མ་རུ།།ལེགས་པར་ཡོངས་སུ་བསྔགས་པའི་ཞིང་གི་མཆོག།

བདེ་བ་ཅན་དུ་སྐྱེ་བའི་སྨོན་ལམ་འགའ།།བརྩེ་བའི་དབང་གིས་ཇི་ལྟར་ནུས་བཞིན་བརྗོད།།

能仁数称赞，最胜极乐刹，

发愿往生文，随力而宣说。

བླང་དོར་གནས་རྣམས་མ་རིག་འཐུག་པོས་བསྒྲིབས།།ཁོང་ཁྲོའི་མཚོན་གྱིས་མཐོ་རིས་སྲོག་འཕྲོག་ཅིང་།།

འདོད་སྲེད་ཞགས་པས་འཁོར་བའི་བཙོན་རར་བཅིངས།།ལས་ཀྱི་ཆུ་བོས་སྲིད་པའི་རྒྱ་མཚོར་ཁྱེར།།

无明障取舍，瞋剑斩善趣，

贪索系生死，业水漂有海。

ན་རྒའི་སྡུག་བསྔལ་རྦ་རླབས་མང་པོས་གཡེངས།།མི་བཟད་འཆི་བདག་ཆུ་སྲིན་ཁར་ཚུད་པས།།

མི་འདོད་སྡུག་བསྔལ་ཁུར་གྱིས་ནོན་གྱུར་པ།།མགོན་མེད་བདག་གི་ཉམ་ཐག་ང་རོ་ཡིས།།

老病苦浪击，将入死鲸口，

非爱苦担逼，无依苦哭唤。

ཡིད་ལ་སྨོན་པ་འགྲུབ་པའི་དབང་བོ་རུ།།ཕོངས་པའི་གཉེན་གཅིག་འདྲེན་པ་འོད་དཔག་མེད།།

སྤྱན་རས་གཟིགས་དབང་རྒྱལ་སྲས་མཐུ་ཆེན་ཐོབ།།འཁོར་དང་བཅས་ལ་གུས་པས་གསོལ་འདེབས་ན།།

启白愿证成，救苦无量光，

观音大势至，并及多眷属。

དཔག་མེད་བསྐལ་པར་བདག་ཅག་རྣམས་ཀྱི་ཕྱིར།།ཐུགས་མཆོག་བསྐྱེད་པའི་དམ་བཅའ་མ་བསྙེལ་བར།།

འདབ་བཟང་གཙོ་བོ་ལྷ་ཡི་ལམ་ལ་བཞིན།།རྫུ་འཕྲུལ་སྟོབས་ཀྱིས་བརྩེ་བས་འདིར་གཤེགས་ཤིག།

多劫为度生，莫忘所发心，

如鹏飞于空，现通速降临。

བདག་དང་གཞན་གྱི་དུས་གསུམ་དང་འབྲེལ་བའི་ཚོགས་གཉིས་ཀྱི་རྒྱ་མཚོ་རྣམས་ཕྱོགས་གཅིག་ཏུ་བསྡོམས་པའི་མཐུ་ལ་བརྟེན་ནས།བདག་འཆི་བའི་དུས་ཉེ་བར་གནས་པ་ན་འདྲེན་པ་འོད་དཔག་དུ་མེད་པ་སྲས་ཀྱི་ཐུ་བོ་གཉིས་ལ་སོགས་པའི་འཁོར་གྱི་བསྐོར་པ་མངོན་སུམ་དུ་མཐོང་ཞིང་།

今依自他三世所集资粮大海总集之力，愿我临终，现见阿弥陀，观音势至，海众围绕。

དེའི་ཚེ་རྒྱལ་བ་འཁོར་དང་བཅས་པ་ལ་དམིགས་པའི་རབ་ཏུ་དང་བ་དྲག་པོ་སྐྱེས་ཏེ།གནད་གཅོད་ཀྱི་སྡུག་བསྔལ་མེད་པ་དང་།དད་པ་ཡུལ་དང་བཅས་པ་མ་བརྗེད་པའི་དྲན་པས་ཤི་འཕོས་མ་ཐག་ཏུ་རྒྱལ་བའི་སྲས་པོ་བརྒྱད་རྫུ་འཕྲུལ་གྱིས་ལྷགས་ཏེ་བདེ་བ་ཅན་དུ་འགྲོ་བའི་ལམ་ཇི་ལྟ་བ་བཞིན་དུ་བསྟན་པ་ལ་བརྟེན་ནས་བདེ་བ་ཅན་གྱི་ཞིང་དུ་རིན་པོ་ཆེའི་པདྨ་ལས་ཐེག་པ་ཆེན་པོའི་རིགས་ཅན་དབང་བོ་རྣོན་པོ་ཤ་སྟག་ཏུ་སྐྱེ་བར་གྱུར་ཅིག

尔时缘于佛及圣众，发殷重信，无支解苦，具足信境，明记不忘，死已无间，八大菩萨现通而至，亦与往生极乐之路。依此得生极乐国土，宝莲华中，利根大乘。

སྐྱེས་མ་ཐག་ཏུ་གཟུངས་དང་།ཏིང་ངེ་འཛིན་དང་དམིགས་པ་མེད་པའི་བྱང་ཆུབ་ཀྱི་སེམས་དང་།ཟད་མི་ཤེས་པའི་སྤོབས་པ་ལ་སོགས་པ་ཡོན་ཏན་གྱི་ཚོགས་དཔག་ཏུ་མེད་པ་ཐོབ་པ་དང་།

愿生已无间，证得无量陀罗尼，三摩地，无缘菩提心，无尽辩才等功德宝藏，

སྟོན་པ་བླ་ན་མེད་པ་འོད་དཔག་དུ་མེད་པ་ལ་སོགས་པ་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་མཉེས་པར་བྱས་ནས་ཐེག་པ་ཆེན་པོའི་བཀའ་ལུང་ཡང་དག་པར་ནོད་པར་གྱུར་ཅིག

承事供养无上大师阿弥陀等十方诸佛菩萨，受学大乘。

དེ་རྣམས་ཀྱི་དོན་ཇི་ལྟ་བ་བཞིན་དུ་ཁོང་དུ་ཆུད་ནས་སྐད་ཅིག་རེ་རེ་ལའང་སངས་རྒྱས་ཀྱི་ཞིང་རབ་འབྱམས་སུ་རྫུ་འཕྲུལ་གྱིས་ཐོགས་མེད་དུ་བགྲོད་ནས་བྱང་ཆུབ་སེམས་དཔའི་སྤྱོད་པ་རླབས་པོ་ཆེ་ཐམས་ཅད་ཡོངས་སུ་རྫོགས་པར་བྱེད་པར་གྱུར་ཅིག

愿如实了知诸法真义，刹那刹那以神通力遍往十方无央数佛刹，圆满一切菩萨大行。

དག་པའི་ཞིང་དུ་སྐྱེས་ནས་ཀྱང་བརྩེ་བ་ཤུགས་དྲག་པོས་ཀུན་ནས་བསླངས་ཏེ་ཐོགས་པ་མེད་པའི་རྫུ་འཕྲུལ་གྱིས་གཙོ་བོར་མ་དག་པའི་ཞིང་དུ་ཕྱིན་ནས་སེམས་ཅན་ཐམས་ཅད་ཀྱི་རང་རང་གི་སྐལ་བ་ཇི་ལྟ་བ་བཞིན་དུ་ཆོས་བསྟན་པ་ལ་བརྟེན་ནས་རྒྱལ་བས་བསྔགས་པའི་ལམ་རྣམ་པར་དག་པ་ལ་འགོད་ནུས་པར་གྱུར་ཅིག

愿生净土已，以此猛利悲心发起无碍神通而还秽土，为诸有情如其根器而说正法，皆悉立于诸佛所赞清净妙道。

སྤྱོད་པ་རྨད་དུ་བྱུང་བ་དེ་དག་མྱུར་དུ་རྫོགས་པར་བྱས་པའི་སྒོ་ནས་མཐའ་ཡས་པའི་འགྲོ་བའི་དོན་དུ་རྒྱལ་བའི་གོ་འཕང་བདེ་བླག་ཏུ་ཐོབ་པར་གྱུར་ཅིག

愿速圆满微妙大行，为利无边诸众生故，速当成佛。

ནམ་ཞིག་ཚེ་ཡི་འདུ་བྱེད་གཏོང་བ་ན།།འཁོར་ཚོགས་རྒྱ་མཚོས་བསྐོར་པའི་འོད་དཔག་མེད།།

མིག་གི་ལམ་དུ་གསལ་བར་མཐོང་གྱུར་ནས།།དད་དང་སྙིང་རྗེསབདག་རྒྱུད་གང་བར་ཤོག།

愿舍寿行时，现见阿弥陀，

海众遍围绕，信悲满我身，

བར་དོའི་སྣང་བ་ཤར་བར་གྱུར་མ་ཐག།རྒྱལ་སྲས་བརྒྱད་ཀྱིས་མ་ནོར་ལམ་བསྟན་ཏེ།།

བདེ་བ་ཅན་དུ་སྐྱེས་ནས་སྤྲུལ་པ་ཡིས། །མ་དག་ཞིང་གི་འགྲོ་བ་འདྲེན་གྱུར་ཅིག །

中有初现起，八佛子示路，

化生极乐已，度浊土众生。

དེ་ལྟ་བུའི་གོ་འཕང་མཆོག་མ་ཐོབ་པའི་སྐྱེ་བ་ཐམས་ཅད་དུའང་རྒྱལ་བའི་བསྟན་པ་ལུང་དང་རྟོགས་པ་ལ་ཐོས་པ་དང་བསམ་པ་དང་སྒོམ་པ་རྣམ་པར་དག་པ་སྒྲུབ་པའི་རྟེན་ཤ་སྟག་ཐོབ་པར་གྱུར་ཅིག

乃至未得如是胜位，愿一切生中得清净身，闻思修习于佛圣教，教证二法。

རྟེན་དེ་ཡང་མཐོ་རིས་ཀྱི་ཡོན་ཏན་བདུན་གྱི་རྒྱན་དང་མི་འབྲལ་བར་གྱུར་ཅིག 

愿彼身不离善趣七种功德而为庄严。

དེ་ལྟ་བུའི་གནས་སྐབས་ཐམས་ཅད་དུའང་སྔོན་གྱི་གནས་ཇི་ལྟ་བ་བཞིན་དུ་དྲན་པའི་ཚེ་རབས་དྲན་པ་ཐོབ་པར་གྱུར་ཅིག

愿如是一切生中得宿念。

སྐྱེ་བ་ཐམས་ཅད་དུ་སྲིད་པ་མཐའ་དག་ལ་སྙིང་བོ་མེད་པར་མཐོང་ཞིང་ཐར་པའི་ཡོན་ཏན་གྱིས་ཡིད་འཕྲོག་པའི་བསམ་པས་ཀུན་ནས་བསླངས་ཏེ།  བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་བྱེད་པར་གྱུར་ཅིག

愿一切生中恒观三有悉无坚实，欣慕解脱所有功德，于佛世尊善说法律而为出家。

རབ་ཏུ་བྱུང་བའི་ཚེ་ན་ཡང་ཉེས་ལྟུང་ཕྲ་མོས་ཀྱང་མ་གོས་པར་ཚུལ་ཁྲིམས་ཀྱི་ཕུང་བོ་མཐར་ཕྱིན་པར་མཛད་པའི་སྒོ་ནས་བྱང་ཆུབ་ཆེན་པོ་བརྙེས་པ་དགེ་སློང་མི་འཁྲུགས་པ་ལྟ་བུར་གྱུར་ཅིག

愿出家之时，虽微小罪，悉皆无犯，究竟戒藏，证大菩提，如不动比丘。

གཞན་ཡང་སྐྱེ་བ་ཐམས་ཅད་དུ་ཀུན་ནས་ཉོན་མོངས་པ་དང་རྣམ་པར་བྱང་བའི་ཚུལ་ཇི་ལྟ་བ་བཞིན་དུ་ཁོང་དུ་ཆུད་ནས་མཐར་ཕྱིན་པའི་ཡན་ལག་ཆོས་རྣམས་ཀྱི་ཚིག་དང་དོན་མ་ལུས་པ་མི་བརྗེད་པར་འཛིན་པའི་གཟུངས་ཕུན་སུམ་ཚོགས་པ་ཐོབ་པར་གྱུར་ཅིག

愿一切生中如实了知染净已，究竟支中，明记受持诸法文义，获得圆满大陀罗尼。

རང་ཉིད་ཀྱིས་བཟུང་བ་བཞིན་དུ་གཞན་ལ་སྟོན་པ་ལ་ཐོགས་པ་མེད་པའི་སྤོབས་པ་རྣམ་པར་དག་པ་ཐོབ་པར་གྱུར་ཅིག

愿如自所受为他宣说，获得清净无碍辩才。

གཞན་ཡང་སྐྱེ་བ་ཐམས་ཅད་དུ་དཔའ་བར་འགྲོ་བ་ལ་སོགས་པའི་ཏིང་ངེ་འཛིན་གྱི་སྒོ་རྣམས་དང་། ཤའི་མིག་ལ་སོགས་པའི་སྤྱན་རྣམས་དང་། རྫུ་འཕྲུལ་གྱི་ཡུལ་ཤེས་པ་ལ་སོགས་པའི་མངོན་པར་ཤེས་པ་རྣམས་ཐོབ་པ་དང་མི་འབྲལ་བར་གྱུར་ཅིག 

愿一切生中得健行等三摩地门，肉等诸眼，神境等通。

གཞན་ཡང་སྐྱེ་བ་ཐམས་ཅད་དུ་བླང་དོར་གྱི་གནས་རྣམས་རང་སྟོབས་ཀྱིས་འབྱེད་ནུས་པའི་ཤེས་རབ་རླབས་ཆེ་བ་ཐོབ་པར་གྱུར་ཅིག 

愿一切生中得广大慧，自力能辨诸所舍处。

ཀུན་ནས་ཉོན་མོངས་པ་དང་རྣམ་པར་བྱང་བའི་ཆ་ཤས་ཕྲ་ཞིང་ཕྲ་བ་རྣམས་ཇི་ལྟ་བ་བཞིན་དུ་མ་འདྲེས་པར་འབྱེད་ནུས་པའི་ཤེས་རབ་གསལ་བ་ཐོབ་པར་གྱུར་ཅིག

愿获明了慧，能无紊乱，如实简择，杂染清净，最微细处。

མ་རྟོགས་པ་དང་ལོག་པར་རྟོག་པ་དང་ཐེ་ཚོམ་གྱི་བསམ་པ་སྐྱེས་མ་ཐག་ཏུ་མ་ལུས་པར་འགོག་ནུས་པའི་ཤེས་རབ་མྱུར་བ་ཐོབ་པར་གྱུར་ཅིག

愿证速急慧，不解邪解，犹预意乐，生已无间，无余永灭。

གཞན་གྱིས་ཚད་གཟུང་མི་ནུས་པར་གསུང་རབ་ཀྱི་ཚིག་དོན་ལ་གཏུགས་པ་མེད་པར་འཇུག་པའི་ཤེས་རབ་ཟབ་པ་ཐོབ་པར་གྱུར་ཅིག

愿得甚深慧，于他不能持佛所说文义，无滞能入。

མདོར་ན་འཆལ་བའི་ཤེས་རབ་ཀྱི་སྐྱོན་ཐམས་ཅད་དང་བྲལ་བའི་ཤེས་རབ་ཀྱིས་གསུང་རབ་ཀྱི་ཚིག་དོན་འབྱེད་པ་ལ་ཐབས་མཁས་པའི་ཤེས་རབ་ཀྱི་སྒོ་ནས་བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱི་མཐར་སོན་པ་རྗེ་བཙུན་འཇམ་པའི་དབྱངས་ལྟ་བུར་གྱུར་ཅིག

愿总远离一切过失，以慧简择佛经文义，由巧便慧究竟一切诸菩萨行，如曼殊尊。

དེ་ལྟར་ཤེས་རབ་ཆེ་བ་གསལ་བ་མྱུར་བ་ཟབ་པ་བདེ་བླག་ཏུ་རྙེད་ནས་སྐལ་ལྡན་རྗེས་སུ་འཛིན་པ་དང་ལོག་སྨྲ་ཚར་གཅོད་པ་དང་།མཁས་པ་མགུ་བ་སྐྱེད་པའི་ཡན་ལག་རྒྱལ་བའི་གསུང་རབ་མཐའ་དག་ལ་དམིགས་པའི་འཆད་པ་དང་རྩོད་པ་དང་རྩོམ་པ་ལ་མཁས་པའི་ཕ་རོལ་ཏུ་ཕྱིན་པ་ཐོབ་པར་གྱུར་ཅིག

愿获得如是广博明了速疾深慧，为欲摄受贤善，降伏邪说，喜悦智所有支分，谓缘一切佛教获得讲说辩论著作善巧究竟。

གཞན་ཡང་སྐྱེ་བ་ཐམས་ཅད་དུ་རང་གི་དོན་གཙོ་བོར་འཛིན་པའི་ཡིད་ལ་བྱེད་པ་དང་།  བྱང་ཆུབ་སེམས་དཔའི་སྤྱོད་པ་རླབས་པོ་ཆེ་ལ་སྒྱིད་ལུག་ཅིང་ཞུམ་པའི་བསམ་པ་ཐམས་ཅད་བཀག་ནས་གཞན་གྱི་དོན་ལྷུར་ལེན་ཅིང་སྙིང་སྟོབས་མཆོག་གི་ཕ་རོལ་ཏུ་སོན་པ་ལ་ཐབས་མཁས་པའི་བྱང་ཆུབ་ཀྱི་སེམས་ཀྱི་སྒོ་ནས་བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱི་མཐར་སོན་པ་རྗེ་བཙུན་སྤྱན་རས་གཟིགས་དབང་ཕྱུག་ལྟ་བུར་གྱུར་ཅིག

愿一切生中破除乐著自利作意，及初一切菩萨大行退惧意乐，爱乐利他，到达智力，第一彼岸；由于巧便大菩提心，究竟一切诸菩萨行，如观自在。

གཞན་ཡང་སྐྱེ་བ་ཐམས་ཅད་དུ་རང་དང་གཞན་གྱི་དོན་ལ་འཇུག་པ་ན་བདུད་དང་མུ་སྟེགས་དང་ཕས་ཀྱི་རྒོལ་བ་ཐམས་ཅད་འཇོམས་པར་བྱེད་པ་ལ་ཐབས་མཁས་པའི་ནུས་པའི་སྒོ་ནས་བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱི་མཐར་སོན་པ་རྗེ་བཙུན་གསང་བའི་བདག་པོ་ལྟ་བུར་གྱུར་ཅིག

愿一切生中，行二利时，摧伏一切魔外他论，由巧便力究竟一切诸菩萨行，如秘密主。

སྐྱེ་བ་ཐམས་ཅད་དུ་ལེ་ལོ་སྤངས་པའི་བརྩོན་འགྲུས་ཀྱིས་བྱང་ཆུབ་ཀྱི་སྤྱོད་པ་ཡོངས་སུ་རྫོགས་པར་བྱེད་པ་ལ་དང་པོ་ཐུགས་བསྐྱེད་པ་ནས་སྐད་ཅིག་ཀྱང་གཡེལ་བ་མེད་པར་རླབས་པོ་ཆེའི་བརྩོན་འགྲུས་ཀྱི་སྒོ་ནས་བྱང་ཆུབ་ཆེན་པོ་བརྙེས་པ་མཉམ་མེད་ཤཱཀྱའི་རྒྱལ་པོ་ལྟ་བུར་གྱུར་ཅིག

愿一切生中永离懈怠，精进圆满大菩提行，从初发心刹那不废，由大精进证大菩提，犹如无等释迦法王。

སྐྱེ་བ་ཐམས་ཅད་དུ་བྱང་ཆུབ་སྒྲུབ་པའི་བར་ཆད་ལུས་དང་སེམས་ཀྱི་ནད་ཐམས་ཅད་འཇོམས་པར་བྱེད་པ་ལ་མཚན་ནས་སྨོས་པ་ཙམ་གྱིས་ལུས་ངག་ཡིད་གསུམ་གྱི་ཟུག་རྔུ་ཐམས་ཅད་ཞི་བར་བྱེད་ནུས་པ་བདེ་བར་གཤེགས་པ་སྨན་པའི་རྒྱལ་པོ་ལྟ་བུར་གྱུར་ཅིག

愿一切生中能摧一切身心疾病，菩提障难，略称其名，便能灭身语意一切痛苦，如药师佛。

གཞན་ཡང་སྐྱེ་བ་ཐམས་ཅད་དུ་ཇི་ལྟར་འདོད་པ་བཞིན་ཚེ་མཐར་ཕྱིན་པ་ལ་མཚན་ནས་སྨོས་པ་ཙམ་གྱིས་དུས་མ་ཡིན་པའི་འཆི་བ་ཐམས་ཅད་འཇོམས་པར་བྱེད་ནུས་པ་རྒྱལ་བ་ཚེ་དཔག་ཏུ་མེད་པ་ལྟ་བུར་གྱུར་ཅིག

愿一切生中欲寿究竟，略称其名，能坏一切非时横死，如阿弥陀佛。

ཚེའི་བར་ཆད་འབྱུང་དུ་ཉེ་བ་ན་སྐྱོབ་པ་ཚེ་དཔག་ཏུ་མེད་པས་འཕྲིན་ལས་བཞི་གང་གིས་འདུལ་བ་དང་རྗེས་སུ་མཐུན་པའི་སྐུའི་སྣང་བ་རབ་ཏུ་བསྟན་པ་མཐོང་ཞིང་། མཐོང་མ་ཐག་ཏུ་ཚེའི་བར་དུ་གཅོད་པ་མ་ལུས་པ་ཉེ་བར་ཞི་རབ་གྱུར་ཅིག

愿有命难时，得见阿弥陀佛，四种事中随顺调伏，示现化身，见已无间，一切命难悉皆消灭。

གང་གིས་འདུལ་བ་དང་འཚམ་པར་སྐུའི་སྣང་བ་བསྟན་པ་དེ་ཡང་མགོན་པོ་ཚེ་དཔག་ཏུ་མེད་པ་ཡིན་པར་ངོ་ཤེས་ནས་བཅོས་མ་མ་ཡིན་པའི་དད་པ་བརྟན་པོ་སྐྱེས་ཤིང་།  དེའི་མཐུ་ལ་བརྟེན་ནས་སྐྱེ་བ་ཐམས་ཅད་དུ་རྒྱལ་བ་ཚེ་དཔག་མེད་ཀྱིས་དགེ་བའི་བཤེས་གཉེན་དངོས་སུ་མཛད་པ་དང་མི་འབྲལ་བར་གྱུར་ཅིག

愿于如应调伏，所现身了知，即是阿弥陀佛，生坚固信，由此力故，一切生中，不离阿弥陀，为善知识。

གཞན་ཡང་སྐྱེ་བ་ཐམས་ཅད་དུ་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་ཐམས་ཅད་ཀྱི་རྩ་བ་ཐེག་པ་ཆེན་པོའི་དགེ་བའི་བཤེས་གཉེན་མཚན་ཉིད་དང་ལྡན་པས་མཉེས་བཞིན་དུ་རྗེས་སུ་འཛིན་པར་གྱུར་ཅིག

愿一切生中，常为世出世间，一切功德根本，具足德相，大乘善友，欢喜摄受。

རྗེས་སུ་བཟུང་བའི་ཚེ་ན་ཡང་དགེ་བའི་བཤེས་གཉེན་ལ་མི་ཕྱེད་པའི་དད་པ་བརྟན་པོ་ཐོབ་སྟེ་སྒོ་ཐམས་ཅད་ནས་མཉེས་པ་ཁོ་ན་བྱེད་པར་གྱུར་ཅིག 

愿被摄受时，于善知识获不坏信，有一切门承事欢喜。

མི་མཉེས་པ་སྐད་ཅིག་ཙམ་ཡང་མི་སྒྲུབ་པར་གྱུར་ཅིག 

愿凡其所不喜，刹那不作。

དགེ་བའི་བཤེས་གཉེན་གྱིས་གདམས་པ་དང་། རྗེས་སུ་བསྟན་པ་ཐམས་ཅད་མ་ཚང་བ་མེད་པར་འདོམས་པར་གྱུར་ཅིག

愿善友开示一切圆满教授教诫。

དེའི་དོན་ཐམས་ཅད་ཇི་ལྟ་བ་བཞིན་དུ་ཁོང་དུ་ཆུད་ནས་བསྒྲུབས་པས་མཐར་ཕྱིན་པར་བྱེད་ནུས་པར་གྱུར་ཅིག

愿如实了悟一切义已究竟正行。

མི་དགེ་བའི་བཤེས་གཉེན་དང་སྡིག་པའི་གྲོགས་པོའི་དབང་དུ་སྐད་ཅིག་ཙམ་ཡང་མི་འགྲོ་བར་གྱུར་ཅིག

愿刹那不随恶师恶友增上而转。

སྐྱེ་བ་ཐམས་ཅད་དུ་ལས་འབྲས་ལ་ཡིད་ཆེས་པའི་དད་པ་དང་།  ངེས་འབྱུང་དང་།  བྱང་ཆུབ་ཀྱི་སེམས་དང་།  ལྟ་བ་རྣམ་པར་དག་པ་མཐའ་དག་པ་ཁོང་དུ་ཆུད་ནས་རྩོལ་བ་མེད་པའི་མྱོང་བ་རྒྱུན་མི་འཆད་དུ་འཇུག་པར་གྱུར་ཅིག 

愿一切生中证悟一切，深信业果，永出离心，大菩提心，清净正见，无有功用任运恒转。

སྐྱེ་བ་ཐམས་ཅད་དུ་ལུས་དང་ངག་དང་ཡིད་ཀྱི་སྒོ་ནས་དགེ་བའི་རྩ་བ་ཇི་སྙེད་ཅིག་བྱས་པ་ཐམས་ཅད་གཞན་དོན་དང་བྱང་ཆུབ་རྣམ་པར་དག་པ་ཁོ་ནའི་རྒྱུར་གྱུར་ཅིག

愿一切生中身语意业一切善根，唯成利他及清净大菩提因。

ཇི་སྲིད་ཐུབ་མཆོག་གོ་འཕང་དམ་པ་དེ།།བདག་གིས་མངོན་དུ་མ་བྱས་དེ་སྲིད་དུ།།

རྣམ་དག་ལམ་བཟང་སྒྲུབ་པའི་རྟེན་རྙེད་ཅིང་།།རབ་ཏུ་འབྱུང་ཞིང་ཚེ་རབས་དྲན་པར་ཤོག།

乃至我未得，能仁最胜位，

愿得修道身，出家念宿命。

གཟུངས་སྤོབས་ཏིང་འཛིན་མངོན་ཤེས་རྫུ་འཕྲུལ་སོགས།།མཐའ་ཡས་ཡོན་ཏན་དུ་མའི་མཛོད་འཛིན་ཅིང་།།

མཁྱེན་བརྩེ་ནུས་པ་ཟླ་དང་བྲལ་ཐོབ་ནས།།བྱང་ཆུབ་སྤྱོད་པ་མྱུར་དུ་མཐར་ཕྱིན་ཤོག།

总持辩才定，通等功德藏，

无比智悲力，速满菩提行。

དུས་མིན་འཆི་བའི་མཚན་མ་མཐོང་བ་ན།།དེ་ཡི་མོད་ལ་ཚེ་དཔག་མེད་མགོན་སྐུ།།

གསལ་བར་མཐོང་ནས་འཆི་བདག་དཔའ་བཅོམ་སྟེ།།འཆི་མེད་རིག་འཛིན་མྱུར་དུ་ཐོབ་པར་ཤོག།

非时死相现， 即见弥陀身， 

摧坏死王力，证无死持明。

ཚེ་རབས་ཀུན་ཏུ་ཚེ་དཔག་མེད་པ་ཡིས།།ཐེག་མཆོག་བཤེས་གཉེན་དངོས་སུ་མཛད་པའི་མཐུས།།

རྒྱལ་བས་བསྔགས་པའི་ལམ་བཟང་དེ་ཉིད་ལས།།སྐད་ཅིག་ཙམ་ཡང་ལྡོག་པར་མ་གྱུར་ཅིག།

弥陀一切生，作大乘知识，

于佛所赞道，刹那不退转。

སེམས་ཅན་ཡལ་བར་དོར་ནས་རང་དོན་ལ། །རེ་བའི་བློ་ནི་ནམ་ཡང་མི་སྐྱེ་ཞིང་། །

གཞན་དོན་སྒྲུབ་པའི་ཚུལ་ལ་མ་རྨོངས་པའི།།ཐབས་ལ་མཁས་པས་གཞན་དོན་ལྷུར་ལེན་ཤོག།

若时弃有情， 生起自利心，

不愚利他事，巧便行利他。

བདག་གི་མིང་ཙམ་བརྗོད་དང་དྲན་པས་ཀྱང་།།སྡིག་པའི་ལས་ཀྱི་འབྲས་བུས་མནར་བ་ཀུན།།

ཕུན་ཚོགས་བདེ་བའི་དཔལ་རབ་འབྱོར་གྱུར་ནས།།ཐེག་མཆོག་བགྲོད་པའི་ཐེམ་སྐས་འཛེག་གྱུར་ཅིག།

愿诵忆我名，诸受恶业果，

得圆满安乐，上升大乘梯。

རྒྱལ་བའི་སྲས་ཀྱི་རྣམ་ཐར་ཕྱོགས་ཙམ་ཞིག།མཚོན་པར་བྱས་པས་རྒྱལ་སྲས་སྤྱོད་པའི་གེགས།།

མ་ལུས་ཞི་ཞིང་མཐུན་པའི་ཚོགས་ཆས་ཀུན།།ཡིད་ལ་བསམ་པ་ཙམ་གྱིས་འགྲུབ་པར་ཤོག།

略明佛子传，修菩萨行障，

消灭诸顺缘，如意皆成办。

ཤཱཀྱའི་དབང་བོ་འདྲེན་པ་འོད་དཔག་མེད།།མི་ཕམ་འཇམ་དབྱངས་གསང་བདག་སྤྱན་རས་གཟིགས།།

བདེ་གཤེགས་འཁོར་བཅས་རྟེན་འབྲེལ་མི་བསླུ་བའི།།བདེན་པས་སྨོན་ལམ་འདི་དག་མྱུར་འགྲུབ་ཤོག།སརྦ་མངྒ་ལཾ།།

释迦法王无量光，弥勒妙音秘密主，

观音海众缘起力，如是诸愿速圆满。

文愿于2020、6、6于拉卜楞寺整理，吉祥圆满。

རྩོམ་སྒྲིག་པ།  ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།ལྷག་པར་འཕྲིན་སྟེགས་དག་གིས་འགོད་དུས原创བྱས་ཏེ་འགོད་མི་ཆོག

དྲ་བའི་སྦྲེལ་ཐགhttp://www.tb1025.cn