《ཤེས་བྱའི་མཁའ་དབྱིངས་མ།》 《文殊师利祈请颂》(汉藏对照)

ཡོང་ཁུངས།   ངེད་དགེ་ལུགས་དྲ་བ།     སྤེལ་དུས།  2022-05-14 17:20:27     རྩོམ་པ་པོ།   གཙོས་ཤེས་རབ་རྒྱ་མཚོ།    ཀློག་ཐེངས།  

 印度杜鹃智者大师 造

                 比丘泽·喜饶嘉措 敬译

 ན་མོ་མཉྫུ་ཤྲཱི་ཡེ། 
南無文殊师利耶!

ཤེས་བྱའི་མཁའ་དབྱིངས་ཟབ་ཅིང་ཡངས་པ་ལ། །

བློ་གྲོས་དཀྱིལ་འཁོར་རྒྱས་པའི་འོད་ཟེར་གྱིས། །

སྐྱེ་དགུའི་མི་ཤེས་མུན་པའི་ཚོགས་རྣམས་ཀུན། །

གསལ་བྱེད་དབང་པོ་འཇམ་པའི་དབྱངས་ལ་འདུད། །

所知深广如虚空,智慧日轮无限光,

群生无知黑暗众,怯愚显明文殊师!

དེང་ནས་བཟུང་སྟེ་བྱང་ཆུབ་སྙིང་པོའི་བར། །

ཁྱོད་མིན་བདག་ལ་སྐྱབས་གཞན་མ་མཆིས་པས། །

ལས་ཀྱི་དབང་གིས་རིགས་དྲུག་གར་སྐྱེས་ཀྱང༌། །

འཁོར་བའི་འཇིགས་ལས་སྐྱོབས་ཤིག་འཇམ་པའི་དབྱངས། །

从今直至菩提道,除您之外别无依,

由业无论生六道,愿救轮怖文殊师!

བདག་ནི་ཚེ་འདིའི་འདུ་བྱེད་གཏོང་བ་ན། །

བརྩེ་ཞིང་བྱམས་པའི་གཉེན་བཤེས་ཀུན་དང་བྲལ། །

རྔམས་ཤིང་འཇིགས་པའི་གཤིན་རྗེས་ཟིན་པའི་ཚེ། །

གཤིན་རྗེའི་འཇིགས་ལས་སྐྱོབས་ཤིག་འཇམ་པའི་དབྱངས། །
我将舍弃今生行,远离一切亲恋属,

被阎罗王控捉时,愿救魔障文殊师!

ཐོག་མེད་དུས་ནས་ལས་ངན་བསགས་པའི་མཐུས། །

སྲིད་པ་བར་དོར་ཉོན་མོངས་རླུང་ཤུགས་ཀྱིས། །

བཟོད་དཀའ་ངན་འགྲོའི་གཡང་སར་འཁྱེར་སྲིད་པས། །

ཉོན་མོངས་རླུང་སྒོ་ཆོད་ཅིག་འཇམ་པའི་དབྱངས། །
无始汇集众恶业,中阴烦恼暴风力,

将会卷入恶趣道,愿闭惑门文殊师!

བར་དོའི་རྣམ་ཤེས་ཉིང་མཚམས་སྦྱོར་བའི་ཚེ། །

མི་ཁོམ་བརྒྱད་པོ་དག་ལས་རབ་འདས་ཤིང་།།

ཐུབ་བསྟན་རྒྱལ་མཚན་འཛིན་པའི་རིགས་དག་ཏུ། །

སྐྱེ་བའི་རྟེན་འབྲེལ་སྒྲིགས་ཤིག་འཇམ་དཔལ་དབྱངས། །

阴间意识当转时,远离八种无暇处,

恒持释教宝幢者,愿结生缘文殊师!

སྐྱེ་བ་ཕྱི་མར་ཐོ་རིས་ཡོན་ཏན་མཆོག།

བདུན་གྱིས་མཛེས་པའི་དལ་འབྱོར་ལུས་ཐོབ་ནས།།

བསྟན་པ་ཚུལ་བཞིན་འཛིན་པའི་བཤེས་གཉེན་དང་།།

མཇལ་བའི་རྟེན་འབྲེལ་སྒྲིགས་ཤིག་འཇམ་པའི་དབྱངས།།
后世永得善趣之,七德所饰暇满身,

如理奉教善知识,愿结遇缘文殊师!

ཐབས་མཁས་ཐུགས་རྗེ་ལྡན་པའི་བཤེས་གཉེན་དེས།།

ལེགས་པར་གསུངས་པའི་གསུང་རབ་རྒྱ་མཚོའི་ཚོགས།།

ཚུལ་བཞིན་རྟོགས་ནས་གཞན་ལ་སྟོན་ནུས་པའི།།

རྣམ་དཔྱོད་བློ་གྲོས་སྩོལ་ཅིག་འཇམ་པའི་དབྱངས།།
巧便具悲善知识,善说释教深广海,

如实证悟能法施,愿赐智慧文殊师!

ཚེ་རབས་ཀུན་ཏུ་གཞན་དོན་ཁོ་ནའི་ཕྱིར། །

སེར་སྣ་མེད་པར་དངོས་པོ་ཀུན་གཏོང་ཞིང༌། །

རྣམ་གཡེང་མེད་པའི་བསམ་གཏན་སྒོམ་པ་སོགས། །

ཕར་ཕྱིན་དྲུག་ལྡན་སྩོལ་ཅིག་འཇམ་པའི་དབྱངས། །

后身万世唯利他,无悭能舍一切物,

绝无散逸修静虑,愿授六度文殊师!

འཁོར་བའི་ཚ་གདུང་སེལ་བའི་བསིལ་བྱེད་མཆོག །

གསུང་རབ་གངས་རིའི་ངོས་ལ་བལྟ་འདོད་ཀྱང༌། །

རྣམ་གཡེང་ལེ་ལོའི་འདམ་དུ་བྱིང་ལགས་པས། །

མྱུར་མགྱོགས་ཐུགས་རྗེས་ཟུངས་ཤིག་འཇམ་པའི་དབྱངས། །
轮回炽热能灭胜,圣教雪山想望时,

沉溺散怠烂泥中,愿速拔除文殊师!

ཟབ་ལམ་ལྟ་བའི་ལམ་ལ་རབ་ཞུགས་ནས། །

རྣམ་གྲོལ་ཐར་པའི་གླིང་དུ་འགྲོ་འདོད་ཀྱང༌། །

སྐལ་དམན་བདག་ནི་འཁོར་བའི་ཞགས་པས་བཅིངས། །

འཁོར་བའི་ཞེན་ཐག་ཆོད་ཅིག་འཇམ་པའི་དབྱངས། །
修学甚深见道后,想入解脱无上城,

轮羂所捆无缘我,愿断有绳文殊师!

རང་དོན་ཉེར་ཞི་ཀུནྡའི་ཚལ་སྤངས་ནས། །

རླབས་ཆེན་རྒྱལ་བའི་པད་ཚལ་བལྟ་འདོད་ཀྱང༌། །

བདག་གི་བློ་མིག་མ་རིག་མུན་པས་བསྒྲིབས། །

མ་རིག་འཐིབས་པོ་སོལ་ཅིག་འཇམ་པའི་དབྱངས། །
任舍自利寂静林,想探诸佛莲花苑,

无明昏暗覆我智,愿揭遮蔽文殊师!

མདོར་ན་བདག་སོགས་སྐྱེ་བ་ཐམས་ཅད་དུ། །

གསུང་རབ་རྒྱ་མཚོའི་ཚོགས་ལ་བརྟེན་བྱེད་ཅིང༌། །

འགྲོ་བའི་དགོས་འདོད་མ་ལུས་འབྱུང་བ་ཡི། །

ཡིད་བཞིན་ནོར་བུར་གྱུར་ཅིག་འཇམ་པའི་དབྱངས། །
总之我等后世悉,力依释迦圣教海,

能生有情尽所需,愿成胜宝文殊师!

འཇམ་མགོན་ཁྱོད་ལ་གསོལ་བ་བཏབ་པའི་མཐུས།།

ཚོགས་གཉིས་རྣམ་པར་དག་པའི་གྲུ་ཆེན་གྱིས།།

འགྲོ་ཀུན་སྲིད་པའི་མཚོ་ལས་སྒྲོལ་བ་ལ།།

བདག་ཀྱང་ཁྱོད་བཞིན་གྱུར་ཅིག་འཇམ་པའི་དབྱངས།།

借此向您祈祷力,清净二种资粮船,

愿度众生轮海际,我亦如您文殊师!

                         2014/5/7日泽喜饶译于安多作吾嘎丹曲林寺

རྩོམ་སྒྲིག་པ།  ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།ལྷག་པར་འཕྲིན་སྟེགས་དག་གིས་འགོད་དུས原创བྱས་ཏེ་འགོད་མི་ཆོག

དྲ་བའི་སྦྲེལ་ཐགhttp://www.tb1025.cn 


བརྒྱུད་འགོད།