སྒྲོལ་མ་ཉེར་གཅིག་གི་བསྟོད་པ་བོད་རྒྱ་ཤན་སྦྱོར།(度母礼赞藏汉对照)
༄༅།། སེང་ལྡེང་ནགས་ཀྱི་སྒྲོལ་མ་ལ་བསྟོད་པ་མཁས་པའི་གཙུག་རྒྱན་ཞེས་བྱ་བ་བཞུགས་སོ། །
《救度八难度母赞》 (拉哲玛)
རྒྱལ་བ་དགེ་འདུན་གྲུབ་ཀྱིས་མཛད།
དཔའ་རིས་ལོ་ཙཱ་བ་བློ་བཟང་རྒྱ་མཚོས་བསྒྱུར།
༄༅། །འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །
ལེགས་བྲིས་དཔལ་གྱི་བདག་པོ་གསེར་གྱི་མངལ། །
ལྷ་ཡི་བླ་མ་གླང་གདོང་དཔལ་གྱི་མགྲིན། །
པདྨོའི་གཉེན་སོགས་ལྷ་བརྒྱའི་གཙུག་རྒྱན་གྱིས། །
ཞབས་པད་གུས་མཆོད་སྒྲོལ་མའི་ཞབས་ལ་འདུད། །
诸天遍入天者及梵天,
木矅象鼻天及自在天,
日等数百诸天以首饰,
供敬足莲度母尊前礼!
ཐུགས་རྗེ་ཆེན་པོའི་ཐུགས་རྗེའི་རྣམ་འཕྲུལ་གྱིས། །
དུས་གསུམ་རྒྱལ་བའི་མཁྱེན་བརྩེ་ནུས་པ་རྣམས། །
རབ་མཛེས་འཕྲིན་ལས་ལྷ་མོའི་སྐུར་བསྟན་ནས། །
ཕོངས་པ་ཀུན་སྐྱོབ་སྒྲོལ་མའི་ཞབས་ལ་འདུད། །
大悲尊者悲悯变化使,
三世诸佛所有智悲力,
示于极美事业佛母身,
除诸贫穷度母尊前礼!
དབྱིངས་རིག་རྣམ་དག་པད་ཟླའི་གདན་སྟེང་ན། །
མར་གད་མདོག་ཅན་ཞལ་གཅིག་ཕྱག་གཉིས་མ། །
ལང་ཚོ་རབ་རྒྱས་གཡས་བརྐྱངས་གཡོན་བསྐུམས་ཞབས། །
ཐབས་ཤེས་ཟུང་འབྲེལ་མ་ལ་ཕྱག་འཚལ་ལོ། །
空证清净莲月之座上,
绿玉之色一面二臂母,
韶华身相足右展左屈,
悲智双运尊母我顶礼!
ནུ་འབུར་རབ་རྒྱས་ཟག་མེད་བདེ་བའི་གཏེར། །
ཞལ་རས་ཟླ་བ་རྒྱས་པའི་འཛུམ་དཀར་ཅན། །
ཞི་བའི་ཉམས་ལྡན་ཐུགས་རྗེའི་སྤྱན་ཡངས་མ། །
སེང་ལྡེང་ནགས་ཀྱི་མཛེས་མ་ཁྱོད་ལ་འདུད། །
乳峰丰满无漏安乐藏,
面容犹如满月含笑颜,
具足静相悲悯广目母,
美丽担林度母我顶礼!
གཡུ་ཡི་ལྗོན་ཤིང་ཡལ་ག་བརྐྱངས་འདྲ་བའི། །
འཇམ་མཉེན་ཕྱག་གཡས་མཆོག་སྦྱིན་ཕྱག་རྒྱ་ནི། །
མཁས་རྣམས་དངོས་གྲུབ་མཆོག་གི་དགའ་སྟོན་ལ། །
མགྲོན་དུ་འབོད་འདྲ་ཁྱོད་ལ་ཕྱག་འཚལ་ལོ། །
就像绿松树枝展开般,
柔软右手胜施妙印者,
诸智赴此殊胜悉地宴,
犹如呼叫为宾尊前礼!
ཕྱག་གཡོན་དཀོན་མཆོག་གསུམ་མཚོན་སྐྱབས་སྦྱིན་གྱིས། །
འཇིགས་པ་བརྒྱ་ཕྲག་མཐོང་བའི་སྐྱེ་བོ་རྣམས། །
མ་འཇིགས་ང་ཡིས་མྱུར་དུ་བསྐྱབ་པོ་ཞེས། །
གསལ་བར་མཚོན་པ་ཁྱོད་ལ་ཕྱག་འཚལ་ལོ། །
左手印寓三宝施依印,
看到诸多恐怖之大众,
不必惊慌我速来解救,
由此象征尊前我顶礼!
ཕྱག་གཉིས་ཨུཏྤལ་སྔོན་པོས་མཚན་པ་ནི། །
འགྲོ་ཀུན་སྲིད་པའི་བདེ་ལ་མ་ཆགས་པར། །
ཐར་བ་ཆེན་པོའི་གྲོང་དུ་ཞུགས་ཤིག་ཅེས། །
བརྩོན་པའི་ལྕག་གིས་སྐུལ་འདྲ་ཁྱོད་ལ་འདུད། །
双手被那蓝莲所装饰,
诸众莫对三有乐贪着,
须应趋入大解脱城市,
犹如勤鞭鞭策尊前礼!
པདྨ་རཱ་གའི་མདངས་ལྡན་འོད་དཔག་མེད། །
མཉམ་བཞག་བདུད་རྩིས་གང་བའི་ལྷུང་བཟེད་བསྣམས། །
འཆི་མེད་དངོས་གྲུབ་སྩོལ་བས་སྤྱི་བོར་བརྒྱན། །
བདག་གི་འཆི་བདག་འཇོམས་པ་ཁྱོད་ལ་འདུད། །
具红宝石光泽无量光,
手持盈满本定甘露钵,
无死悉地赐者顶上严,
摧毁我之死主尊前礼!
ཚོགས་གཉིས་མཐོ་རིས་བཟོ་བོའི་འདུ་བྱེད་ཀྱིས། །
གཞལ་མེད་ལྷ་ཡི་ཡིད་བཞིན་ནོར་བུ་རྣམས། །
མཛེས་མཛེས་གཅིག་ཏུ་བསྡུས་པའི་ཡིད་འཕྲོག་རྒྱན། །
ཀུན་གྱིས་བརྒྱན་པ་ཁྱོད་ལ་ཕྱག་འཚལ་ལོ། །
二资天众巧匠手建造,
无量天中诸多如意宝,
所有精美总集使人倾,
一切点缀尊前我顶礼!
མར་གད་རི་བོས་འཇའ་ཚོན་གྱོན་པ་བཞིན། །
སྐུ་སྟོད་ལྷ་རྫས་གོས་ཀྱི་ག་ཤ་ཅན། །
ཕྲ་ཞིང་ལྡེམ་ལ་མཛེས་པའི་རྐེད་སྐབས་ནི། །
བཉྩ་ལི་ཀའི་ཤམ་ཐབས་འཛིན་ལ་འདུད། །
犹如玉山体披彩虹衣,
上半身穿天衣之肩帔,
窈窕纤细美丽之腰处,
般杂勒嘎裙尊我顶礼!
གཡས་ན་མྱ་ངན་མེད་པའི་འོད་ཟེར་ཅན། །
ཞི་བའི་ཉམས་ལྡན་གསེར་མདོག་ཉི་འོད་འཕྲོ། །
གཡོན་ན་རལ་གཅིག་ནམ་མཁའི་མཛེས་པ་འཕྲོག །
ཁྲོ་ཆགས་བརྗིད་པས་མཛེས་པ་དེ་ལ་འདུད། །
右侧无忧枝中具光母,
具足静相发出金光芒,
左侧独髻母夺虚空美,
面带怒相庄严尊前礼!
དྲུག་ལྡན་གླུ་དང་མཛེས་པའི་གར་ལ་མཁས། །
གདུགས་དཀར་རྔ་ཡབ་པི་ཝང་གླིང་བུ་སོགས། །
རབ་འབྱམས་མཆོད་རྫས་འཛིན་པའི་ལྷ་མོའི་ཚོགས། །
ནམ་མཁའ་གང་བས་མཆོད་ལ་ཕྱག་འཚལ་ལོ། །
具足六歌精于优美舞,
白伞拂尘琵琶管乐等,
手持无数供物天女众,
充满虚空供尊我顶礼!
དཔལ་མོ་ལེགས་བརྗོད་མ་དང་རི་སྐྱེས་སོགས། །
ཡིད་འོང་འཆི་མེད་བུ་མོ་སྟོང་དག་གིས། །
ཁྱོད་དྲུང་བྲན་མོ་ཙམ་ཡང་ཐོབ་དཀའ་བ། །
མཛེས་སྡུག་ལྷ་མོའི་སྐུ་ལ་ཕྱག་འཚལ་ལོ། །
善言天女邬摩天女等,
数千美丽长寿天女众,
尊者近前难成为仆女,
美丽度母之身我顶礼!
ཐུགས་རྗེའི་ཆུ་འཛིན་རྒྱས་པའི་ཀློང་ཡངས་ནས། །
གསུང་སྙན་ཚངས་དབྱངས་སྤྲིན་གྱི་རྔ་སྒྲ་ཅན། །
གདུལ་བྱའི་འཛིན་མར་ཡན་ལག་བརྒྱད་ཆོས་ཆར། །
ཀུན་ཏུ་འབེབ་མཁས་མ་ལ་ཕྱག་འཚལ་ལོ། །
大慈大悲云集之中央,
媲美悦耳梵音云雷声,
所化大地八种功德雨,
善巧贯降度母我顶礼!
ཤེས་བྱ་ཀུན་གཟིགས་ཡོན་ཏན་རྒྱ་མཚོའི་གཏེར། །
ཇི་བཞིན་མ་ལུས་བརྗོད་པར་སུ་ཡིས་ནུས། །
བློ་གྲོས་ཐོགས་མེད་སྟོབས་བཅུ་མངའ་བའི་ཐུགས། །
མཁྱེན་རབ་མཐར་ཕྱིན་མ་ལ་ཕྱག་འཚལ་ལོ། །
洞彻所知功德大海藏,
谁有能力如实而解说,
智慧无碍具足十力意,
智慧究竟度母我顶礼!
ཞི་བ་བརྙེས་ཀྱང་ཐུགས་རྗེའི་གཞན་དབང་གིས། །
སྡུག་བསྔལ་རྒྱ་མཚོར་བྱིང་པའི་འགྲོ་བ་རྣམས། །
ཐུགས་རྗེའི་ཕྱག་གིས་མྱུར་དུ་འདྲེན་མཛད་མ། །
བརྩེ་བ་མཐར་ཕྱིན་མ་ལ་ཕྱག་འཚལ་ལོ། །
虽获寂静然悲被他动,
沉沦痛苦大海之众生,
大慈大悲之手速救母,
悲心究竟度母我顶礼!
ཞི་རྒྱས་དབང་དང་དྲག་པོའི་འཕྲིན་ལས་རྣམས། །
རྒྱ་མཚོའི་རླབས་བཞིན་དུས་ལས་མི་འདའ་བར། །
ལྷུན་གྲུབ་རྒྱུན་མི་ཆད་པར་འཇུག་མཛད་མ། །
མཛད་པ་མཐར་ཕྱིན་མ་ལ་ཕྱག་འཚལ་ལོ། །
息增怀及诛业诸事业,
犹如海涛从不时逾越,
任运成就无间趋入母,
事业究竟度母我顶礼!
འཇིགས་ཆེན་སྡུག་བསྔལ་བརྒྱད་དང་འབྱུང་བོའི་གདོན། །
ཉོན་མོངས་ཤེས་བྱའི་སྒྲིབ་པའི་འཇིགས་པ་རྣམས། །
ཁྱོད་ཞབས་དྲན་པའི་མོད་ལ་སྐྱོབ་མཛད་མ། །
ནུས་པ་མཐར་ཕྱིན་མ་ལ་ཕྱག་འཚལ་ལོ། །
八种痛苦恐惧及鬼魅,
烦恼以及所知诸恐怖,
只要念您之际施救母,
威力究竟度母我顶礼!
དེ་ལྟར་སྐྱབས་འོས་ཁྱོད་ཀྱིས་ལུས་ཅན་རྣམས། །
ནད་རིམས་གདོན་བགེགས་དུས་མིན་འཆི་བ་དང༌། །
རྨི་ལམ་ངན་དང་མཚན་མ་ངན་པ་སོགས། །
འཇིགས་པ་ཀུན་ལས་མྱུར་དུ་བསྐྱབ་ཏུ་གསོལ། །
如是适怙您对诸有情,
从那瘟病鬼魔非时死,
以及恶梦抑或恶兆等,
一切怖畏之中求速救!
འཇིག་ཚོགས་ལྟ་བའི་རི་སུལ་གནས་བཅས་ཏེ། །
གཞན་ལས་མཆོག་ཏུ་འཛིན་པས་སེམས་ཁེངས་ཤིང༌། །
ཕ་རོལ་ཁྱད་དུ་གསོད་པའི་སྤར་ཁྱིམ་ཅན། །
ང་རྒྱལ་སེང་གེའི་འཇིགས་པ་བསྐྱབ་ཏུ་གསོལ། །
坏聚见之山坞而居后,
执持比他殊胜慢心盈,
藐视对方一撮之心量,
祈求我慢狮难得救度!
དྲན་ཤེས་ལྕགས་ཀྱུ་རྣོན་པོས་མ་བཏུལ་ཞིང༌། །
འདོད་ཡོན་མྱོས་ཆུ་འཐུངས་པས་འཐོམས་པའི་མཐུས། །
ལོག་པའི་ལམ་ཞུགས་གནོད་འཚེའི་མཆེ་བ་གཙིགས། །
གཏི་མུག་གླང་བོའི་འཇིགས་པ་བསྐྱབ་ཏུ་གསོལ། །
锐利念知铁钩未驯服,
饮用妙欲海水故迷惘,
进入邪道露伤害獠牙,
祈求愚痴象难得救度!
ཚུལ་མིན་ཡིད་བྱེད་རླུང་གིས་བསྐུལ་བ་ལས། །
ཉེས་སྤྱོད་དུད་སྤྲིན་འཁྲིགས་པའི་ཀློང་དཀྱིལ་ན། །
དགེ་བའི་ནགས་ཚལ་སྲེག་པའི་ནུས་པ་ཅན། །
ཞེ་སྡང་མེ་ཡི་འཇིགས་པ་བསྐྱབ་ཏུ་གསོལ། །
非理作意此风所吹中,
恶行烟云翻滚之中央,
具有烧毁善根林功能,
祈求瞋恚火难得救度!
མ་རིག་འཐིབས་པོའི་ཁུང་དུ་མངོན་ཞེན་ཅིང༌། །
གཞན་འབྱོར་ཕུན་ཚོགས་མཐོང་ཚེ་མི་བཟོད་པར། །
གདུག་པའི་དུག་གིས་མྱུར་དུ་ཁྱབ་བྱེད་པའི། །
ཕྲག་དོག་སྦྲུལ་གྱི་འཇིགས་པ་བསྐྱབ་ཏུ་གསོལ། །
贪恋无明笼罩之孔穴,
看到别人荣盛事不悦,
愤暴毒素迅速遍浑身,
祈求嫉妒蛇难得救度!
བརྟུལ་ཞུགས་དམན་པའི་འབྲོག་དགོན་འཇིགས་རུང་དང༌། །
རྟག་ཆད་མྱ་ངམ་ཐང་ལ་རབ་རྒྱུ་ཞིང༌། །
ཕན་བདེའི་གྲོང་དང་དགོན་པ་ཀུན་འཇོམས་པའི། །
ལྟ་ངན་རྐུན་པོའི་འཇིགས་པ་བསྐྱབ་ཏུ་གསོལ། །
禁行低劣旷野恐怖处,
以及常断荒漠极行走,
摧毁一切利乐城兰若,
祈求邪见贼难得救度!
མི་བཟད་སྲིད་པའི་བཙོན་ཁང་ར་བ་རུ། །
ལུས་ཅན་རང་དབང་མེད་པར་འཆིང་བྱེད་ཅིང༌། །
སྲེད་པའི་སྒོ་ལྕགས་དབྱེ་བཀས་འཁྱུད་པ་ཡི། །
སེར་སྣའི་ལྕགས་སྒྲོག་འཇིགས་པ་བསྐྱབ་ཏུ་གསོལ། །
暴恶三有轮回狱室围,
有情不能自主被束缚,
贪爱门锁难解紧上锁,
祈求吝啬狱难得救度!
ཤིན་ཏུ་བརྒལ་དཀའ་སྲིད་པའི་རྒྱུན་ཕྱོགས་ཁྱེར། །
ལས་རླུང་དྲག་པོའི་རྐྱེན་དང་ཉེ་བ་ལས། །
སྐྱེ་རྒ་ན་འཆིའི་རྦ་ཀློང་རབ་འཁྲུགས་པའི། །
འདོད་ཆགས་ཆུ་བོའི་འཇིགས་པ་བསྐྱབ་ཏུ་གསོལ། །
极难渡越三有流方冲,
并与强烈业风缘所遇,
生老病死波涛汹涌苦,
祈求贪欲水难得救度!
ཀུན་ཏུ་རྨོངས་པའི་མཁའ་ལ་རབ་རྒྱུ་ཞིང༌། །
ངེས་པ་དོན་དུ་གཉེར་ལ་ལྷག་པར་འཚེ། །
ཐར་བའི་སྲོག་ལ་རྒོལ་བའི་གདུག་པ་ཅན། །
ཐེ་ཚོམ་ཤ་ཟའི་འཇིགས་པ་བསྐྱབ་ཏུ་གསོལ། །
整个迷惑空中而奔走,
尤其加害希求有义众,
解脱命根为敌之暴者,
祈求疑非人难得救度!
ཁྱོད་ལ་བསྟོད་ཅིང་གསོལ་བ་བཏབ་པའི་མཐུས། །
དམ་ཆོས་སྒྲུབ་པའི་འགལ་རྐྱེན་ཞི་བ་དང༌། །
ཚེ་དང་བསོད་ནམས་དཔལ་དང་འབྱོར་བ་སོགས། །
མཐུན་པའི་རྐྱེན་རྣམས་ཡིད་བཞིན་འགྲུབ་པར་མཛོད། །
向您赞颂祈祷威力使,
修持妙法违缘皆息灭,
寿命福德吉祥富盛等,
一切顺缘如意得成就!
ཞིང་མཆོག་བདེ་བ་ཅན་དེར་འགྲོ་བ་ཀུན། །
འདྲེན་པ་འོད་དཔག་མེད་པས་རྗེས་བཟུང་ནས། །
དཀའ་བ་བརྒྱ་ཕྲག་སྤྱད་པ་མེད་པར་ཡང༌། །
མྱུར་དུ་སངས་རྒྱས་ས་ལ་རེག་གྱུར་ཅིག །
走向殊刹极乐国诸众,
导师无量光佛随摄后,
由此不必经过多艰辛,
迅速能达佛陀之国刹!
བདག་ཀྱང་རྟག་ཏུ་ཚེ་རབས་དྲན་པ་དང༌། །
བྱང་ཆུབ་སེམས་དང་ནམ་ཡང་མི་འབྲལ་ཞིང༌། །
རྒྱལ་སྲས་སྤྱོད་པ་རླབས་ཆེན་ཚོལ་བ་ལ། །
བརྩོན་འགྲུས་ཆུ་བོའི་རྒྱུན་བཞིན་བསྟེན་པར་ཤོག །
我也经常忆念诸生世,
任何时候不舍菩提心,
对于寻求伟大佛子行,
祈求精进犹如长流水!
རང་དོན་སྒྲུབ་ལ་ནམ་ཡང་མི་རེ་ཞིང༌། །
གཞན་དོན་འབའ་ཞིག་སྒྲུབ་ལ་གཞོལ་བ་དང༌། །
སྤྱན་དང་མངོན་ཤེས་སྨྲ་མཁས་བཟོད་པ་སོགས། །
གཞན་དོན་བྱེད་པའི་རྐྱེན་རྣམས་ཚང་བར་ཤོག །
何时都不希望自利事,
勤于修持专门利他事,
五眼神通善说忍耐等,
祈求利他诸缘悉具足!
རབ་འབྱམས་ཞིང་དུ་རྒྱལ་བའི་དམ་ཆོས་ཀུན། །
རྒྱས་པར་བྱེད་ལ་ནམ་ཡང་མི་ཞུམ་ཞིང༌། །
རྟག་ཏུ་སེམས་ཅན་ཀུན་དོན་བསྒྲུབ་པའི་ཕྱིར། །
རྒྱལ་བའི་གོ་འཕང་བདེ་བླག་ཐོབ་གྱུར་ཅིག །
无量刹中佛陀诸妙法,
使之广弘何时均不畏,
为了恒常成办有情事,
祈求顺利获得佛果位!
རྗེ་བཙུན་བཅོམ་ལྡན་འདས་མ་སེང་ལྡེང་ནགས་ཀྱི་སྒྲོལ་མ་ལ་བསྟོད་པ་མཁས་པའི་གཙུག་རྒྱན་ཞེས་བྱ་བ་འདི་ནི་ཤཱཀྱའི་དགེ་སློང་དགེ་འདུན་གྲུབ་པ་དཔལ་བཟང་བོས་ཡུན་རིང་དུ་གསོལ་བ་བཏབ་སྟེ་བྱང་ཆུབ་ཆེན་པོའི་དབེན་གནས་ཐེག་ཆེན་ཕོ་བྲང་དུ་ལེགས་པར་སྦྱར་བའོ། །
此巜救度八难度母赞(拉哲玛)》一文,华锐•罗桑嘉措在内蒙古讲解《菩提道次第广论》之便,
译于2015年佛陀天降日,即农历9月22日。
རྩོམ་སྒྲིག་པ།ཤེས་རབ་རལ་གྲི།གསལ་འདེབས།རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།དྲ་བའི་སྦྲེལ་ཐགhttp://www.tb1025.cn