རྗེ་བཙུན་འཇམ་པའི་དབྱངས་ཀྱི་གསོལ་འདེབས་ཤེས་བྱའི་མཁའ་དབྱིངས་མ་བཞུགས་སོ།།               
       文殊祈请文——深广所知

 རིག་པའི་ཁུ་བྱུག་ཆུང་བས་མཛད། བཛྲ་ཚུལ་ཁྲིམས་རྒྱ་མཚོས་བོད་ཡིག་ནས་རྒྱ་ཡིག་ཏུ་བསྒྱུར།
  第二正理杜鹃大师造   班字尔慈智加措由藏译汉

               ན་མོ་མཉྫུ་ཤྲཱི་ཡེ། 
             南无古如曼殊师利益
ཤེས་བྱའི་མཁའ་དབྱིངས་ཟབ་ཅིང་ཡངས་པ་ལ། །བློ་གྲོས་དཀྱིལ་འཁོར་རྒྱས་པའི་འོད་ཟེར་གྱིས། །

སྐྱེ་དགུའི་མི་ཤེས་མུན་པའི་ཚོགས་རྣམས་ཀུན། །གསལ་བྱེད་དབང་པོ་འཇམ་པའི་དབྱངས་ལ་འདུད། །

敬礼深广所知天空中，智慧已证圆满所发光，
一切众生愚昧之黑暗，能除自在至尊曼殊师。

དེང་ནས་བཟུང་སྟེ་བྱང་ཆུབ་སྙིང་པོའི་བར། །ཁྱོད་མིན་བདག་ལ་སྐྱབས་གཞན་མ་མཆིས་པས། །

ལས་ཀྱི་དབང་གིས་རིགས་དྲུག་གར་སྐྱེས་ཀྱང༌། །འཁོར་བའི་འཇིགས་ལས་སྐྱོབས་ཤིག་འཇམ་པའི་དབྱངས། །

从今乃至无上菩提间，除您我无其余救护主，
由业力故无论生何道，请救轮回之难文殊师。

བདག་ནི་ཚེ་འདིའི་འདུ་བྱེད་གཏོང་བ་ན། །བརྩེ་ཞིང་བྱམས་པའི་གཉེན་བཤེས་ཀུན་དང་བྲལ། །

རྔམས་ཤིང་འཇིགས་པའི་གཤིན་རྗེས་ཟིན་པའི་ཚེ། །གཤིན་རྗེའི་འཇིགས་ལས་སྐྱོབས་ཤིག་འཇམ་པའི་དབྱངས། །
我当舍身离开今生时，要与亲朋好友皆离别，
已被凶狠阎王擒拿时，请救阎王之难文殊师。
ཐོག་མེད་དུས་ནས་ལས་ངན་བསགས་པའི་མཐུས། །སྲིད་པ་བར་དོར་ཉོན་མོངས་རླུང་ཤུགས་ཀྱིས། །

བཟོད་དཀའ་ངན་འགྲོའི་གཡང་སར་འཁྱེར་སྲིད་པས། །ཉོན་མོངས་རླུང་སྒོ་ཆོད་ཅིག་འཇམ་པའི་དབྱངས། །
无始以来积集恶业故，于中阴时烦恼狂风力，
会被吹到难忍恶趣壑，请挡烦恼风口文殊师。
བར་དོའི་རྣམ་ཤེས་ཉིང་མཚམས་སྦྱོར་བའི་ཚེ། །མི་ཁོམ་བརྒྱད་པོ་དག་ལས་རབ་འདས་ཤིང།།

ཐུབ་བསྟན་རྒྱལ་མཚན་འཛིན་པའི་རིགས་དག་ཏུ། །སྐྱེ་བའི་རྟེན་འབྲེལ་སྒྲིགས་ཤིག་འཇམ་དཔལ་དབྱངས། །
中阴神识转生投胎时，远离八种无暇之处所。
于执佛法胜幢之种族，使其生缘成熟文殊师。
སྐྱེ་བ་ཕྱི་མར་ཐོ་རིས་ཡོན་ཏན་མཆོག།བདུན་གྱིས་མཛེས་པའི་དལ་འབྱོར་ལུས་ཐོབ་ནས།།

བསྟན་པ་ཚུལ་བཞིན་འཛིན་པའི་བཤེས་གཉེན་དང་།།མཇལ་བའི་རྟེན་འབྲེལ་སྒྲིགས་ཤིག་འཇམ་པའི་དབྱངས།།
来世获得善趣而高贵，七德庄严暇满人身已。
令与如理持教善知识，值遇缘起成熟文殊师。
ཐབས་མཁས་ཐུགས་རྗེ་ལྡན་པའི་བཤེས་གཉེན་དེས།།ལེགས་པར་གསུངས་པའི་གསུང་རབ་རྒྱ་མཚོའི་ཚོགས།།

ཚུལ་བཞིན་རྟོགས་ནས་གཞན་ལ་སྟོན་ནུས་པའི།།རྣམ་དཔྱོད་བློ་གྲོས་སྩོལ་ཅིག་འཇམ་པའི་དབྱངས།།
善巧方便慈悲俱善师，所著圣言理论之海量，
如理达已并能于他人，示法智慧赐我文殊师。

ཚེ་རབས་ཀུན་ཏུ་གཞན་དོན་ཁོ་ནའི་ཕྱིར། །སེར་སྣ་མེད་པར་དངོས་པོ་ཀུན་གཏོང་ཞིང༌། །

རྣམ་གཡེང་མེད་་པའི་བསམ་གཏན་སྒོམ་པ་སོགས། །ཕར་ཕྱིན་དྲུག་ལྡན་སྩོལ་ཅིག་འཇམ་པའི་དབྱངས། །

将于一切生中仅为利他人，所有财富以无吝施舍。
修习远离散乱静虑等，圆满六度赐我文殊师。

འཁོར་བའི་ཚ་གདུང་སེལ་བའི་བསིལ་བྱེད་མཆོག །གསུང་རབ་གངས་རིའི་ངོས་ལ་བལྟ་འདོད་ཀྱང༌། །

རྣམ་གཡེང་ལེ་ལོའི་འདམ་དུ་བྱིང་ལགས་པས། །མྱུར་མགྱོགས་ཐུགས་རྗེས་ཟུངས་ཤིག་འཇམ་པའི་དབྱངས། །
能除轮回热恼清凉剂，经论雪山之峪虽欲游，
然已深陷散逸之泥中，请由速悲摄受文殊师。

ཟབ་ལམ་ལྟ་བའི་ལམ་ལ་རབ་ཞུགས་ནས། །རྣམ་གྲོལ་ཐར་པའི་གླིང་དུ་འགྲོ་འདོད་ཀྱང༌། །

སྐལ་དམན་བདག་ནི་འཁོར་བའི་ཞགས་པས་བཅིངས། །འཁོར་བའི་ཞེན་ཐག་ཆོད་ཅིག་འཇམ་པའི་དབྱངས། །
虽欲进入甚深见道已，走向寂静解脱之岛屿，
然劣缘我以轮绳索缚，请斩恋世绳索文殊师。

རང་དོན་ཉེར་ཞི་ཀུནྡའི་ཚལ་སྤངས་ནས། །རླབས་ཆེན་རྒྱལ་བའི་པད་ཚལ་བལྟ་འདོད་ཀྱང༌། །

བདག་གི་བློ་མིག་མ་རིག་མུན་པས་བསྒྲིབས། །མ་རིག་འཐིབས་པོ་སོལ་ཅིག་འཇམ་པའི་དབྱངས། །
摒弃自利寂静夜荷林，欲观广大佛道莲花园，
然我此智由愚暗所蔽，请驱无明浓雾文殊师。

མདོར་ན་བདག་སོགས་སྐྱེ་བ་ཐམས་ཅད་དུ། །གསུང་རབ་རྒྱ་མཚོའི་ཚོགས་ལ་བརྟེན་བྱེད་ཅིང༌། །

འགྲོ་བའི་དགོས་འདོད་མ་ལུས་འབྱུང་བ་ཡི། །ཡིད་བཞིན་ནོར་བུར་གྱུར་ཅིག་འཇམ་པའི་དབྱངས། །
总之我亦一切生世中，将由依止圣言诸大海，
使我将成众生所需愿，皆满如意宝珠文殊师。

འཇམ་མགོན་ཁྱོད་ལ་གསོལ་བ་བཏབ་པའི་མཐུས།།ཚོགས་གཉིས་རྣམ་པར་དག་པའི་གྲུ་ཆེན་གྱིས།།

འགྲོ་ཀུན་སྲིད་པའི་མཚོ་ལས་སྒྲོལ་བ་ལ།།བདག་ཀྱང་ཁྱོད་བཞིན་གྱུར་ཅིག་འཇམ་པའི་དབྱངས།།
于您妙音依怙祈求力，圆满二资清净大航船，
我亦众生皆从世海中，能度力成如您文殊师。
    ཞེས་མཉམ་མེད་ཇོ་བོ་ཆེན་པོའི་བླ་མ་རིག་པའི་ཁུ་བྱུག་ཆུང་བས་མཛད་པའི་རྗེ་བཙུན་འཇམ་པའི་དབྱངས་ཀྱི་གསོལ་འདེབས་བྱིན་རླབས་ཅན་ཤེས་བྱའི་མཁའ་མ་ཞེས་གྲགས་པ་འདི་ནི། རྗེ་བཙུན་འཇམ་དཔལ་དབྱངས་ཀྱི་གནས་མཆོག་རྒྱ་ནག་རི་བོ་རྩེ་ལྔའི་དམ་པ་བསྟི་གནས་ལུང་དུ་རྒྱ་མི་དད་ལྡན་རྣམས་ལ་ཕན་ཐོགས་ན་ཅི་མ་རུང་སྙམ་པའི་ལྷག་བསམ་གཙང་མས་བོད་ཡིག་ནས་རྒྱ་ཡིག་ལ་བསྒྱུར་བའོ།།
    此阿底峡尊者之上师，第二正理杜鹃大师所造的至尊文殊师利之殊胜祈请文——深广所知，于文殊菩萨的最胜道场五台山栖贤沟，以饶益具有虔诚信仰的汉族同胞之至诚意乐由藏译汉。

རྩོམ་སྒྲིག་པ།  ཤེས་རབ་རལ་གྲི།
གསལ་འདེབས།                  རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།                    དྲ་བའི་སྦྲེལ་ཐགhttp://www.tb1025.cn