དེའི་ཚེ་རྒྱལ་བ་དབེན་ས་པ་ཆེན་པོས་ཡེ་ཤེས་མཁའ་འགྲོས་ལུང་བསྟན་པ་ལྟར། རྗེ་རིན་པོ་ཆེ་ལ་མགོན་པོ་འཇམ་པའི་དབྱངས་ཀྱིས་གནང་བའི་སྙན་བརྒྱུད་མན་ངག་ཐུན་མོང་མ་ཡིན་པ་རྣམས་དང་སྤྲུལ་པའི་གླེགས་བམ་ཆེན་མོ་ལས་སྐབས་སུ་བབ་པ་འགའ་ཞིག་ཀུན་མཁྱེན་ལེགས་པ་དོན་གྲུབ་ལ་གནང་སྟེ། དེང་སང་དབེན་ས་བཀའ་འབུམ་ན་བཞུགས་པའི་ལུང་བསྟན་གསང་བའི་མེ་ལོང་གི་དུམ་བུ་ཡི་གེར་འཁོད་པ་འདི་དག་ཀྱང་དེ་དུས་ཀུན་མཁྱེན་ལེགས་པ་དོན་གྲུབ་ལ་གནང་བ་དང་རྗེས་སུ་མཁས་གྲུབ་སངས་རྒྱས་ཡེ་ཤེས་ལ་གནང་བ་དག་ལས་མཆེད་པར་མངོན་ནོ། །དེ་ནས་དགུང་ལོ་སོ་གསུམ་ལ་བབ་པ་དགུན་ཟླ་ར་བའི་ཚེས་བརྒྱད་ལ་དཔལ་ལྡན་འབྲས་སྤུངས་ཀྱི་ཆོས་གྲྭ་ཆེན་པོར་འབྲོམ་སྟོན་རྒྱལ་བའི་འབྱུང་གནས་སླར་ཡང་བྱོན་པ་ཐམས་ཅད་མཁྱེན་པ་དགེ་འདུན་རྒྱ་མཚོས་མཁན་པོ་དང༌། འདུལ་བའི་སློབ་དཔོན་ལྷ་དབང་རིན་ཆེན་པས་ལས་སློབ་དང༌། འབྲས་སྤུངས་བྱང་འདྲེན་ཆེན་མོས་གསང་སྟོན་མཛད་དེ། དད་པའི་དགེ་འདུན་གྲངས་ཚང་བ་ལས་བསྙེན་རྫོགས་ཀྱི་སྡོམ་པ་བཞེས་ཏེ་སོ་སོར་ཐར་པའི་དབང་དུ་བྱས་པའི་ལྷག་པ་ཚུལ་ཁྲིམས་ཀྱི་བསླབ་པ་ལྷའི་ཆུ་བོས་ཐུགས་ཀྱི་བུམ་བཟང་ཡོངས་སུ་གང༌། དེ་ནས་བཟུང་སྟེ་རང་བཞིན་གྱི་ཉེས་པས་གོས་པ་ག་ལ་ཞིག་བཅས་པའི་ཆ་ཤས་ཕྲ་མོ་ཙམ་ཡང་སྲོག་གི་དབང་པོ་ལས་གཅེས་པར་བསྲུང་བར་མཛད་དོ། །

                   དེ་ཡང་གངས་རིའི་ཁྲོད་ཀྱི་གྲུབ་ཐོབ་ཏུ་གྲགས་པ་ཕལ་མོ་ཆེ་རྗེས་འབྲང་དང་བཅས་པ་ནི་རབ་ཏུ་བྱུང་བའི་རྟགས་དང་ཆ་བྱད་ཆོས་གོས་གསུམ་སོགས་འཆང་བ་དང༌། ཆང་དང་ཕྱི་དྲོའི་ཁ་ཟས་སྤངས་ཏེ་ཆབ་ལེན་པ་དང༌། རུང་ཆུ་འདེབས་པ་དང༌། བྱིན་ལེན་བྱེད་པ་སོགས་རྒྱལ་བས་ཇི་ལྟར་བཅས་པ་རྣམས་ཚུལ་བཞིན་དུ་བསྒྲུབ་པ་དག་མཐོང་བ་ན། ཚམ་ཚོམ་མེད་པར་ཐེག་པ་དམན་པའི་ཉན་ཐོས་དབང་རྟུལ་ལོ། །ཞེས་ལུག་ལྟར་རྨོངས་པའི་ཁྱུ་ཆེན་པོའི་དབུས་སུ་སྐད་གསང་མཐོན་པོས་སྒྲོག་པར་བྱེད་ཅིང༌། ལས་ངན་པའི་མཐུས་བཅོམ་ཞིང་ཉོན་མོངས་པའི་གདོན་གྱི་དབང་དུ་སོང་བ་གཞན་དག་ནི་ཞེ་སྡང་གི་སྲེག་ཟས་ཡིད་ཀྱི་བུད་ཤིང་ཀུན་ཏུ་འབར་བ་བྱས་ཏེ། དགེ་འདུན་གྱི་སྡེ་རིས་སུ་བཅད་ནས་ཡང་དག་པ་མ་ཡིན་པའི་ཅ་ཅོ་རྒྱུད་མར་བསྒྲགས་ནས། རང་ཉིད་དེ་བཞིན་གཤེགས་པས་གསུངས་པའི་ཆོས་འདུལ་བའི་སྤྱོད་ཚུལ་ལས་བསམས་བཞིན་དུ་བརྒལ་བ་ལ་དཔའ་བར་བྱས་ཏེ་བླ་ན་མེད་པའི་ལམ་མཐོན་པོ་ལ་རེག་པར་སེམས་ཞིང༌། སྐྱེ་བོ་ཕལ་ཆེར་ཡང་དེ་ལྟ་བུའི་སྤྱོད་ཚུལ་ལ་མགུ་མོད། བདག་ཉིད་ཆེན་པོ་འདི་ནི་གྲུབ་པའི་གོ་འཕང་མཐོན་པོར་གཤེགས་ཀྱང་བསྟན་པའི་རྩ་བ་སོ་སོ་ཐར་པ་ཉིད་རྒྱལ་བས་གསུང་དབྱངས་མཐོན་པོས་མདོ་རྒྱུད་དུ་མར་རྒྱ་ཆེར་བསྔགས་ཤིང་མཁས་གྲུབ་ཚད་ལྡན་རྣམས་ཀྱིས་ཀྱང་དགོངས་པ་གཅིག་དང༌། དབྱངས་གཅིག་གིས་བསྔགས་པ་ཐུགས་ལ་བཅགས་ཏེ། ཇི་སྲིད་འཚོའི་བར་དུ་ལྟུང་བ་ཕྲ་མོའི་རྙོག་པས་ཀྱང་གོས་པ་མེད་པར་བསྲུང་བར་མཛད་དོ། །དེ་ནས་རྒྱལ་བ་དབེན་ས་པ་ཆེན་པོས་ལྷ་སར་ཕེབས་ཏེ་ཇོ་བོ་རྣམ་གཉིས་ཀྱི་དྲུང་དུ་བསྟན་པ་དང་འགྲོ་བའི་ཕན་བདེ་རྒྱས་པའི་སྨོན་ལམ་ཡང་དག་པར་མཛད། ཀ་བ་ཤིང་ལོ་ཅན་ནས་བཀའ་ཆེམས་བཀའ་ཁོལ་མ་དེ་བཏོན་ནས་གཟིགས་གྲབས་ཤིག་མཛད། འོན་ཀྱང་དགོས་པ་ལྷག་པོ་མི་འདུག་པས་བཞག་གསུང༌། དེ་ནས་ནུབ་གཅིག་གནལ་ལམ་དུ་འདུལ་འཛིན་ཤཱཀྱ་བཤེས་གཉེན་ཡིན་ཟེར་བའི་རྣལ་འབྱོར་པ་སྨུག་ནག་དོམ་ལྤགས་ཀྱི་ཤམ་ཐབས་ཅན་ཞིག་གིས། འཇམ་དབྱངས་མེ་ཏོག་གསལ་བར་བྱེ ད་པ་གསུམ་གཏད་ནས། ཉིད་ཀྱི་དོན་ལེགས་པར་གྲུབ་པ་གཙང་ལ་སོངས་ཟེར་ནས་མི་སྣང་བར་གྱུར་ཏོ། །ནངས་པར་དགེ་ལྡན་ར་སྒྲེང་སོགས་མཇལ་བར་ཆས་པ་ལམ་བར་དུ་བསྙེལ་གཞི་ཤིན་ཏུ་དྲག་པ་ཞིག་བྱུང་བས། མདང་གི་རྨི་ལམ་དང་མཐུན་པར་ད་རེས་མ་ཕྱིན་པ་ལེགས་པར་འདུག་སྙམ་སྟེ་ལྡོ ག་པར་བརྩམས་པ་ནས་སྐུ་ཁམས་རང་དྭངས་བྱུང་ངོ༌། །དེ་ནས་སེ་ར་ཐེག་ཆེན་གླིང་དུ་ཕེབས་ཏེ་ཐམས་ཅད་མཁྱེན་པ་དགེ་འདུན་རྒྱ་མཚོའི་དྲུང་དུ་གྲུབ་རྒྱལ་ལུགས་ཀྱི་ཚེ་ཁྲིད་དང༌། ཚེ་དབང༌། སོ་ཐར་གྱི་མདོ་དང་ཆོས་སྒྲགས་ཀྱི་མདོ། ཐམས་ཅད་མཁྱེན་པ་རང་ཉིད་ཀྱི་གསུང་འབུམ་ཐོར་བུའི་ལུང་ཚང་མ་གསན་སླར་གཙང་ཕྱོགས་སུ་ཞབས་ཀྱི་འཁོར་ལོ་བཀོད་དེ། དགེ་འཕེལ་མཁན་པོ་ལེགས་པའི་བློ་གྲོས་པ་ལ་སྨྱུང་གནས་ཀྱི་ཆོ་གའི་ལུང༌། ཡི་དམ་གྱི་སྔགས་བཏུའི་རྗེས་གནང་བླ་མ་མགོན་པོ་དབྱེར་མེད་ཀྱི་རྗེས་གནང༌། སྨ ན་བླའི་ལུང་སོགས་ཆོས་བཀའ་ཅི་རིགས་པ་གསན་ནོ། །གཞན་ཡང༌། དེ་དག་གི་སྐབས་ཤིག་ཏུ་གསེར་སྡིངས་སུ་ཕེབས། པཎ་ཆེན་བྱང་ཆུབ་བློ་གྲོས་ལ་དཔལ་གསང་བ་འདུས་པའི་རྩ་རྒྱུད་སྒྲོན་གསལ་ཆ་ལག་དང་བཅས་པ་སོགས་འདུས་པ་འཕགས་པའི་སྐོར་གྱི་གདམས་པ་ཆ་ལག་དང་བཅས་པ་རྫོགས་པར་གསན་ནོ། །དེ་དུས་གནས་རྙིང་ཡོལ་དུ་མངའ་རིས་ལོ་ཆེན་རྣམ་རྒྱལ་བ་ལ་སྦ་བཞིའི་གདམས་པ་དང་བདེ་མཆོག་གདན་བཞི་ལ་སོགས་པ་རྒྱུད་ལ་བརྟེན་པའི་ཟབ་མོའི་གདམས་པ་མཐའ་ཡས་པ་གསན་ཅིང༌། བླ་མ་འདི་ཁ་ཆེ་ཁྲི་གདན་དུ་སློ བ་དཔོན་རྡོ་རྗེ་དྲིལ་བུ་པའི་དངོས་སློབ་མཆོག་གི་དངོས་གྲུབ་བརྙེས་པ་ཞིག་དང་འཇལ་ནས་རྗེས་སུ་བཟུང་ཞིང༌། ཁྱད་པར་རྒྱལ་བ་ཙོང་ཁ་པའི་ཞལ་མངོན་དུ་གྱུར་ནས་གདམས་པ་མཐའ་ཡས་པ་ཐོབ་པའི་རྣལ་འབྱོ ར་གྱི་དབང་ཕྱུག་ཞིག་གོ །

                    གཞན་ཡང་དགོས་པ་ཁྱད་པར་ཅན་ལ་དགོངས་ནས་མཁས་པ་དང་གྲུབ་པའི་བླ་མ་ཞིག་ལས་ཀྱང་ཟབ་པ་དང་རྒྱ་ཆེ་བའི་གདམས་པ་སྣ་ཚོགས་པ་གསན་པས་ལུང་གི་བསྟན་པ་མཐའ་དག་གི་བདག་པོར་གྱུར་ཏོ། །དེ་ལྟར་རྒྱལ་བ་དབེན་ས་པ་ཆེན་པོ་སྤྱིར་བསྟན་པ་ཡོངས་རྫོགས་ཀྱི་བདག་པོར་གྱུར་ཅིང༌། ཁྱད་པར་རྗེ་བཙུན་འཇམ་དབྱངས་ཀྱིས་རྒྱལ་བ་ཙོང་ཁ་པ་ཆེན་པོ་ལ་དངོས་སུ་གནང་བའི་སྙན་བརྒྱུད་ཀྱི་མན་ངག་ཡོངས་སུ་རྫོགས་པའི་མངའ་བདག་གཅིག་པུར་གྱུར་པ་ནི་རང་ཉིད་ཀྱིས་ཀྱང་ཞལ་གྱིས་བཞེས་ཏེ། རྒྱལ་བ་དབེན་ས་པ་ཆེན་པོ་ཉིད་ཀྱིས་གསུང་ལས། འཇམ་པའི་དབྱངས་ཀྱི་སྲས་ཀྱི་ཐུ་བོ་མཆོག །བློ་བཟང་གྲགས་པ་ཞེས་པའི་བླ་མ་དེའི། །གསུང་གི་སྙིང་པོ་སྙན་བརྒྱུད་འཛིན་པ་ནི། །དེང་སང་དུས་ན་ཁོ་བོ་ཙམ་དུ་བས། །ཞེས་གསུངས་པ་ལྟར་རོ། །མདོར་ན་དགུང་ལོ་བཅུ་བདུན་ནས་བཞི་བཅུ་ཞེ་གཉིས་ཀྱི་བར་དུ་བྲག་རྒྱ་རྡོ་རྗེའི་ཕོ་བྲང༌། དབེན་སྨར་སྟག་གཟིག་གླན་ཆེན། ཀྲོ་བྲག་ཁྱད་པར་པ་སྣམ་ཇོ་མོ་ལྷ་རི་ལ་སོགས་པའི་རི་ཁྲོད་རྣམས་སུ་སྒྲུབ་པ་སྙིང་པོར་མཛད་དེ། ཆོས་རྗེ་ངག་དབང་གྲགས་པ་ལ་གནང་བའི་བཀའ་ཤོག་ཏུ། བདག་ཀྱང་ཟླ་རེ་ཟླ་གཉིས་མ་ཤི་ན། །སྐྱེ་བ་འདིའི་ཕྱི་མའི་མདུན་མ་ཞིག་དང༌། །ལོ་རེ་ལོ་གཉིས་མ་ཤི་ན། །སྐྱེ་བ་གཏན་གྱི་མདུན་མ་ཞིག །རྐང་ཚུགས་སུ་བྱེད་དགོས་སྙམ་པའི་བསམ་པས། །རང་ལོ་བཅུ་བདུན་ནས་བཟུང་ད་བར་ཐེག་པ་མཆོག་གི་བརྟུལ་ཞུགས་ལ་གནས་པའི་རྒྱ་བོད་ཀྱི་མཁས་གྲུབ་ཕལ་ཆེ་བ་རྣམས་ཀྱི་གསུང་གི་སྙིང་པོ་དོན་གྱི་གདམས་པ་ཞིག་ཉམས་སུ་ལེན་པའི་དྲན་འདུན་དང༌། མ་བྲལ་བ་ཡོད་ལགས་ཞེས་འབྱུང་ཞིང༌། དེ་ལྟར་སྒྲུབ་པ་ཡུན་རིང་ལ་ཤུགས་དྲག་པོས་གོ་འཕང་ཇི་ལྟ་བུ་བརྙེས་པ་ཡང༌། ཉིད་ཀྱི་གསུང་ལས། གངས་ཅན་ལྗོངས་ཀྱི་སྐལ་ལྡན་མཆོག །བློ་བཟང་དོན་གྲུབ་ཅེས་པས་ཀྱང༌། །ལམ་མཆོག་འདི་ཉིད་ཉམས་བླངས་པས། །ཚེ་འདི་ཉིད་ལ་སངས་རྒྱས་ཐོབ། །ཅེས་གསུངས་ཏེ། །བསམ་གྱིས་མི་ཁྱབ་པའི་རྣམ་ཐར་རོ། །དེ་ནས་སྐུ་ཚེ་ཇི་སྲིད་པར་སྐྱེ་བོ་ཕལ་མོ་ཆེས་མཐོང་བ་དང་། ཐོས་པའི་ཡུལ་ལས་འདས་པ་དབེན་པ་ནས་དབེན་པའི་གནས་ཆེན་དག་ཏུ་རྒྱུ་ཞིང་གནས་པར་བྱའོ་སྙམ་དུ་དགོངས་པ་ལས། དུས་རེ་ཞིག་ཚེ་དབེན་པར་ཐུགས་དམ་ལ་མཉམ་པར་བཞག་པའི་ཐོ་རངས་ཞིག་ཟིལ་དང་འུར་ཆོམ་ཤིན་ཏུ་ཆེ་བའི་ངང་ནས་སྐུ་རྒྱབ་ཀྱི་མགོན་པོའི་བྲིས་སྐུ་དེས་གསུངས་སྙམ་པ་ལ། ཉི་ཤུ་རྩ་བཞིའི་མཁའ་འགྲོའི་གཙོ། །དཔའ་བོ་ཆེན་པོ་འདིར་བཞུགས་ལ། །ཆུ་སྐྱེས་ཁོང་པའི་པད་དཀར་བཞིན། །སྦས་པའི་ཚུལ་གྱིས་བྱི ན་གྱིས་རློ བས། །ཟེར་བ་ཞིག་བྱུང་གསུངས། དེ་ལྟ་བུའི་མགོན་པོའི་བྲིས་སྐུ་བྱིན་རླབས་ཅན་དེ་ཡང་དབེན་དགོན་གྱི་མགོན་ཁང་ན་བཞུགས་སོ། །

                    དེ་ལྟར་ལྷ་དང་བླ་མས་ལུང་བསྟན་པ་ལ་བརྟེན་ནས་དབུས་རིའི་རྩེར་དབེན་དགོན་བཏབ་ནས། མདོ་ཁམས་མངའ་རིས། དབུས་གཙང་སོ་སོ་ནས་དད་འདུས་ཀྱི་སྐལ་བ་དང་ལྡན་པའི་གདུལ་བྱའི་ཚོགས་རྣམས་ལ་ཟབ་པ་དང་རྒྱ་ཆེ་བའི་ཆོས་ཀྱི་འཁོར་ལོ་བསྐོར་བར་མཛད་དོ། །དེའི་ཚེ་ཡང་གདུལ་བྱའི་ཚོགས་རྣམས་ཀྱིས་དད་པས་ཀུན་ནས་བསླངས་པའི་མཆོད་པ་དང་ཟང་ཟིང་གི་བསྙེན་བཀུར་གྱི་ཚོགས་རྒྱང་རིང་པོ་དག་ནས་ཀྱང་དམ་པ་འདིའི་དྲུང་དུ་ཉེ་བར་ལྷགས་ཤིང་སྤྱན་ལམ་དུ་བབས་པ་དག་ཀྱང་བདག་གིར་ཡོངས་སུ་བཟུང་བ་གཅིག་ཀྱང་མ་མཛད་པར་གྲགས་ཏེ། ཉིད་ཀྱི་གསུང་ལས། སྔོན་དུས་ཀྱི་མི་ལ་རས་པ་དང༌། །ད་དུས་ཀྱི་བློ་བཟང་དོན་གྲུབ་ལ། །འཕྲལ་ཆས་ཀྱི་ཟས་གོས་མ་གཏོགས་པ། །ནོར་དངོས་པོའི་འཛིན་པས་དགོས་པ་མེད། །ཚེ་གཅིག་ལ་སངས་རྒྱས་བསྒྲུབ་པ་ལ། །དེ་འདྲ་ཡི་སྤྱོད་ལ་ལེགས་གནས་ནས། །ཆགས་སྡང་སྤངས་པའི་དབེན་གནས་སུ། །དལ་འབྱོར་ལ་སྙིང་པོ་ལེན་པར་ཤོག །ཅེས་གསུངས་པ་ལྟར་རོ། །དེ་ལྟར་རྒྱལ་བ་དབེན་ས་པ་ཆེན་པོས་རྣལ་འབྱོར་གྱི་དབང་ཕྱུག་མི་ལ་རས་པ་སླར་ཡང་འཇམ་མགོན་བླ་མའི་བསྟན་པ་སྤེལ་བའི་ཕྱིར་སྐྲ་བཅད་ངུར་སྨྲིག་གི་ན་བཟའ་གསོལ་བ་སོགས་རབ་ཏུ་བྱུང་བའི་རྟགས་ཆ་ལུགས་བཟུང་སྟེ་བྱོན་པ་ཇི་ལྟ་བར་ཆོས་བརྒྱད་ཚེ་འདིའི་འཁྲི་བ་ཕྲ་མོ་ཙམ་ཡང་མེད་པར། གསང་བ་འདུས་པའི་རྩ་རྒྱུད་ལས། དགོན་པ་ཆེན་པོའི་ས་ཕྱོགས་སུ། །མེ་ཏོག་འབྲས་བུ་སོགས་ཀྱིས་བརྒྱན། །རི་བོ་དབེན་པའི་ས་ཕྱོགས་སུ། །དངོས་གྲུབ་ཐམས་ཅད་བསྡུས་པ་བསྒྲུབ། །ཅེས་གསུང་པ་ལྟར། སྔོ ན་བྱོ ན་དམ་པའི་བསྟི་གནས་འདུ་འཛིས་དབེན་པའི་གྲུབ་པའི་གནས་མཆོག་དག་ཏུ་མདོ་སྔགས་གཉིས་ཀའི་ལམ་གྱི་ལུས་ཡོངས་སུ་རྫོགས་པ་ལ་སྒྲུབ་པ་མཐར་ཕྱིན་པར་མཛད་དེ། ལམ་ཐུན་མོང་བའི་ངེས་འབྱུང༌། བྱང་ཆུབ་ཀྱི་སེམས། ཡང་དག་པའི་ལྟ་བ་རྣམས་ལ་མྱོང་བ་མཐར་ཕྱིན་ཏེ་རྒྱལ་སྲས་ཀྱི་སྤྱོད་པ་རྒྱ་མཚོའི་ཕ་རོལ་ཏུ་སོན། སྔགས་ཀྱི་དམ་ཚིག་དང་སྡོམ་པ་རྣམ་པར་དག་པ་བསྲུངས་ཏེ་ལམ་རིམ་གཉིས་ལ་བསླབས་པས་རིམ་པ་དང་པོའི་རྣལ་འབྱོར་མཐར་ཕྱི ན་ཏེ་གང་ཤར་ལྷའི་རྣམ་རོལ་ཏུ་འཆར་ཞིང་། ཟབ་གསལ་གཉིས་མེད་ཀྱི་རྣལ་འབྱོར་མཐར་ཕྱིན་ཏེ་རང་དང་གཞན་གྱི་ཚེ་རབས་བརྒྱ་སྟོང་དྲན་ཏེ་རང་གི་སྐུ་ཚེ་སྔ་མའི་འཁྲུངས་རབས་དག་པའི་འཁོར་ལ་གསུངས་པ་ནི། གང་གིས་ཁྱོད་ཀྱི་མཚན་ཙམ་དྲན་པས་ཀྱང༌། །འདི་ཕྱི འི་ལེགས་ཚོགས་ཐམས་ཅད་ཅིག་ཅར་དུ། །སྟེར་མཛད་བླ་མ་ཐུབ་པའི་དབང་པོ་ལ། །རྟག་ཏུ་གུས་པའི་ཡིད་ཀྱིས་ཕྱག་འཚལ་ལོ། །བདག་ཅག་ཐར་ལམ་བགྲོད་པའི་གཙོར་གྱུར་པ། །ཐེག་ཆེན་བསྟན་པ་འཛིན་པའི་ཉན་ཐོས་སུ། །ལེགས་གྱུར་ཐུབ་པ་ཆེན་པོའི་ཉན་ཐོས་ཀྱི། །རྟོ གས་པའི་མཆོག་ཏུ་གྱུར་པ་ཡིན་སྙམ་ཡོད། །དེ་ནས་ད་བར་བྱང་ཆུབ་སྤྱོད་པ་ཡི། །དལ་འབྱོ ར་རྟེ ན་བཟང་ལེགས་པར་ཐོས་གྱུར་ནས། །ངན་སོང་གསུམ་སོགས་སྡུག་བསྔལ་རབ་སྤངས་ནས། །ལྟ་སྤྱོད་ལྡན་པའི་དལ་འབྱོར་ཐོབ་བམ་སྙམ། །བདག་གི་ལུས་ངག་ཡིད་གསུམ་འདི་དག་ནི། །རྒྱལ་བ་ཐམས་ཅད་འདུས་པའི་སྐུ་ཡི་མཆོག །ཐུབ་དབང་རྡོ་རྗེ་འཆང་དུ་ལེགས་མཐོང་ནས། །དད་པའི་སྤུ་ལོང་ལེགས་པར་གཡོས་གྱུར་ཅིང༌། །ཉིན་མཚན་ཀུན་ཏུ་གསོལ་བ་འདེབས་པ་དང༌། །ཤུགས་དྲག་དད་པས་ཡན་ལག་བདུན་པར་ནི། །ཇི་སྲི ད་བྱང་ཆུབ་བར་དུ་བརྩོན་པར་ཤོག །འདི་ཡི་དགེ་བས་བདག་གཞན་འགྲོ་བ་ཀུན། །འོག་མིན་མཁའ་སྤྱོད་དགའ་ལྡན་བདེ་བ་ཅན། །མངོན་དགའ་ལ་སོགས་དག་པའི་ཞིང་ཁམས་སུ། །མྱུར་བ་མྱུར་བར་ལེགས་པར་སྐྱེ་བར་ཤོག །བདག་ལ་ལེགས་པར་དད་པའི་སྐྱེས་བུ་རྣམས། །ཚེ་ཡི་མཐར་ཡང་རྒྱལ་བ་འོད་དཔག་མེད། །འཁོར་དང་བཅས་པ་མཐོང་ནས་དེ་མ་ཐག །བུ་བུ་བདེ་བ་ཅན་དུ་འགྲོའ་ོཞེས། །མཐར་ཐུག་གསུང་གི་གནང་བ་ཐོབ་པར་ཤོག །སངས་རྒྱས་ཀུན་གྱིས་གསུངས་པའི་ཐེག་པ་མཆོག །ཧེ་རུ་ཀ་པ་ལ་སོགས་ཡི་དམ་ལྷའི། །རིམ་གཉིས་ཆ་ལག་བཅས་པའི་རྟོགས་པ་རྣམས། །ཚེ་འདི་ཉིད་ལ་མངོན་དུ་རབ་གྱུར་ནས། །འགྲོ་ཀུན་བདེ་ཆེན་གནས་ལ་འགོད་པར་ཤོག །ཐུབ་དབང་རྡོ་རྗེ་འཆང་དང་ཙོང་ཁ་པ། །ཡིད་ལ་གང་འདོད་དངོས་གྲུབ་མ་ལུས་པ། །སྩོལ་མཛད་རྩ་བརྒྱུད་བླ་མའི་ཚོགས་རྣམས་དང༌། །ཕྱག་དྲུག་མགོན་པོ་ལ་སོགས་བསྟན་སྲུང་གིས། །འདི་ཕྱིའི་ལེགས་ཚོགས་ཐམས་ཅད་ཅིག་ཅར་དུ། །ལེགས་པར་འགྲུབ་པར་བྱེ ད་པའི་བཀྲ་ཤིས་ཤོག །ཅེས་གསལ་བར་གསུངས། རྫུ་འཕྲུལ་མངའ་བརྙེས་ཏེ་ས་རྡོ་རི་བྲག་ལ་ཐོགས་པ་མེད་པ་དང་ནམ་མཁའ་ལ་འཕུར་བ་སོགས་ཀྱི་རྫུ་འཕྲུལ་བསྟན་པ་འགའ་ཞིག་ནི་སྔར་བརྗོད་ཟིན་པ་ལྟར་རོ། །བདེ་གསང་འཇིགས་གསུམ་གྱི་རྫོགས་རིམ་དང་། བླ་མེད་ཀྱི་རྫོགས་རིམ་མཐའ་དག་གི་གནད་བསྡུས་པ་ནཱ་རོ་ཆོས་དྲུག་གི་ཉམས་ལེན་མཐར་ཕྱིན་ཏེ་འཁོར་ལོ་གསུམ་གྱི་རྩ་མདུད་གྲོལ་ནས་རྒྱལ་བའི་བཀའ་རྣམས་སཾ་སྐྲ་ཏའི་སྐད་དུ་འདོན་པ་སོགས་ལ་ཐོགས་པ་མེད་པས་སྔར་བརྗོད་ཟིན་པ་ལྟར་དང༌། །གཙོ་བོར་སེམས་དབེན་དང་སྒྱུ་ལུས་འོད་གསལ་གྱི་རིམ་པ་རྣམས་མཐར་སོན་ཏེ་ཟུང་འཇུག་གི་གོ་འཕང་བརྙེས་པ་ནི་འཇམ་མགོན་སྙན་བརྒྱུད་འཛིན་པའི་སྐྱེས་བུ་དམ་པ་གོང་མ་རྣམས་ལ་ཡོངས་སུ་གྲགས་ཏེ། །སྐུ་གསུམ་གོ་འཕང་མངོན་གྱུར་དབེན་ས་པ། །ཞེས་འཇམ་མགོན་བསྟན་པ་འཛིན་པའི་སྐྱེས་བུ་དམ་པ་ཐམས་ཅད་མཐུན་པར་སྒྲོགས་པ་ལྟར་རོ། །

                                                                                                                                 རྩོམ་སྒྲིག་པ། མང་ར་བ།
            གསལ་འདེབས། 
                   རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།
                    དྲ་བའི་སྦྲེལ་ཐགhttp://www.tb1025.cn