བྱ་ཁྱུང་མཁན་རབས་ང་བརྒྱད་པ་ཇུ་ནང་མཁན་པོ་ངག་དབང་སྙན་གྲགས།
མཚོ་སྔོན་གཡོན་རུ་ཇུ་ནང་ཇ་སག་གི་མངའ་ཞབས་སུ་རབ་འདོད་མེ་ཁྱི་ལོར་འཁྲུངས་།དགུང་ལོ་བཅུ་གསུམ་ཐོག་བྱ་ཁྱུང་དུ་ཕེབས།སློབ་གཉེར་ལ་འགྲུས།རྐ་ཕུག་གྲུབ་ཆེན།ཐུའུ་བཀན་རིན་པོ་ཆེ།གུང་ཐང་འཇམ་པའི་དབྱངས།ཨ་རིག་དགེ་བཤེས་ཆེན་མོ། རྗེ་གསེར་ཁང་བ་སོགས་བསྟེན།ཁྱད་པར་དུ་རྐ་ཕུག་རིན་པོ་ཆེའི་ཐུགས་སྲས་འགྲན་ཟླ་དང་བྲལ་རབ་གྱུར་ཅིང་གསན་རྒྱ་ཆེ། དགུང་ལོ་ང་དགུ་ཐོག་ཁྲི་ལ་ཕེབས་ནས་ལོ་བརྒྱད་ཀྱི་རིང་འཆད་སྙན་སྨར།བླ་བྲང་ཞིག་གསོས་ཀྱང་ཕུལ་ཕྱིན་གནང་ཡང་གེགས་དབང་གིས་ཚོགས་ཆེན་འདུ་ཁང་ལ་མེ་དགྲ་བྱུང་བས་སྤྱི་རྫས་སོགས་ཉམས་ཆགས་ཆེ།རེ་བདུན་པར་ཟུར་བཞུགས་མཛད།དོན་དྲུག་སྟེང་ཞི་བར་གཞོལ།
ཚེ་ཏན་ཞབས་དྲུང་གི་《བྱ་ཁྱུང་གདན་རབས》ལས་བཤུས།
རྩོམ་སྒྲིག་པ།ནོར་བཟང་རྒྱ་མཚོ།
གསལ་འདེབས།།
རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་།གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།དྲ་བའི་སྦྲེལ་ཐགhttp://www.tb1025.cn