བཅོམ་ལྡན་འདས་ཀྱིས་བཀའ་སྩལ་པ། 

གནས་གང་དུ་མདོ་སྡེ་དམ་པ་འདི་ཡང་དག་པར་སྟོན་ཅིང་ཀློག་པ་དང་སྤེལ་བའི་ཡུལ་དེའི་བློན་པོ་ཆེན་པོ་དང་། ནང་བློན་རྣམས་ཕན་ཡོན་རྣམ་པ་བཞི་ཐོབ་པར་འགྱུར་ཏེ། 

བཞི་གང་ཞེ་ན། 

དང་པོ་ནི་ཕན་ཚུན་འདུམ་ཞིང་ཉེ་བར་སེམས་པ་དང་། བླ་མར་བྱེད་ཅིང་སྡུག་པར་སེམས་པའོ། ། 

གཉིས་པ་ནི་རྟག་པར་མིའི་རྒྱལ་པོ་སྙིང་དུ་སྡུག་ཅིང་བཀུར་བ་དང་། དགེ་སྦྱོང་དང་། བྲམ་ཟེ་དང་། ཡུལ་ཆེན་པོ་དང་། ཡུལ་ཆུང་ངུའི་མི་རྣམས་ཀྱིས་བཙུན་པར་བྱེད་པའོ། །

གསུམ་པ་ནི་ནོར་ལ་ཡང་བར་འཛིན་ཅིང་ཆོས་ལ་བཙུན་པར་བྱེད་པ་དང་། འཇིག་རྟེན་པའི་ཁེ་མི་ཚོལ་བས་སྙན་པའི་སྒྲ་ཀུན་དུ་གྲགས་ནས་མང་པོ་ཀུན་གྱི་བཀུར་བར་འགྱུར་བའོ། །

བཞི་པ་ནི་ཚེ་རིང་ཞིང་བདེ་སྐྱིད་པར་འགྱུར་བ་སྟེ་འདི་དག་ནི་ཕན་ཡོན་རྣམ་པ་བཞི་ཞེས་བྱའོ། །

གལ་ཏེ་ ཡུལ་གྱི་བདག་པོ་གང་ལ་ལ་ཞིག་གིས་མདོ་སྡེ་འདི་ཡང་དག་པར་སྟོན་པར་བྱེད་ན་དགེ་སྦྱོང་དང་། བྲམ་ཟེ་རྣམས་ཕན་ཡོན་ཁྱད་པར་དུ་འཕགས་པ་རྣམ་པ་བཞི་ཐོབ་པར་འགྱུར་རོ། །

བཞི་གང་ཞེ་ན། དང་པོ་ནི་གོས་དང་།  བཟའ་བ་དང་། བཏུང་བ་དང་། མལ་ཆ་དང་། ན་བའི་གསོ་སྨན་རྣམས་ཀྱིས་ཕོངས་པ་མེད་པ་གང་ཡིན་པའོ། །

གཉིས་པ་ནི་ཐམས་ཅད་སེམས་བདེ་བར་ཡིད་ལ་སེམས་ཤིང་ཀློག་པ་དང་ཁ་ཏོན་འདོན་པར་འགྱུར་བའོ། །

གསུམ་པ་ནི་རི་དང་ནག་འཚལ་དག་ལ་གནས་པ་ན་བདེ་བར་གནས་པ་ཕོབ་པར་འགྱུར་བའོ། །

བཞི་པ་ནི་སེམས་ཀྱིས་ཇི་ལྟར་སྨོན་པ་བཞིན་ཐམས་ཅད་ཡོངས་སུ་རྫོགས་པར་འགྱུར་བ་སྟེ། འདི་དག་ནི་ཁྱད་པར་དུ་འཕགས་པའི་ཕན་ཡོན་རྣམ་པ་བཞི་ཞེས་བྱའོ། །

གལ་ཏེ་ཡུལ་ལ་ལར་མདོ་སྡེ་འདི་ཡང་དག་པར་སྟོན་པར་བྱེད་ན་མི་ཐམས་ཅད་དར་ཞིང་སྐྱིད་པ་དང་། རིམས་ནད་རྣམས་མེད་པ་དང་། ཚོང་པ་དང་མགྲོན་པོ་ཕན་ཚུན་འགྲོ་བའི་ནོར་དང་རིན་པོ་ཆེ་མང་དུ་ཐོབ་པ་དང་། བསོད་ནམས་ཁྱད་པར་དུ་འཕགས་པ་ཐོབ་པར་འགྱུར་ཏེ། འདི་དག་ནི་ཡོན་ཏན་གྱི་ཕན་ཡོན་རྣམ་པ་སྣ་ཚོགས་ཤེས་བྱའོ། 

པོད་རྟགས། རྒྱུད་འབུམ། ༼    པ  ༽ འཕགས་པ་གསེར་འོད་དམ་པ་མཆོག་ཏུ་རྣམ་པར་རྒྱལ་བའི་མདོ་སྡེའི་རྒྱལ་པོ་ཐེག་པ་ཆེན་པོའི་མདོ་ལས་བཤུས།

རྩོམ་སྒྲིག་པ།  ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།ལྷག་པར་འཕྲིན་སྟེགས་དག་གིས་འགོད་དུས原创བྱས་ཏེ་འགོད་མི་ཆོག

དྲ་བའི་སྦྲེལ་ཐགhttp://www.tb1025.cn