རྗེའི་རྣམ་ཐར་ཆེན་མོ་ལས་ཉིད་ཀྱིས་མཛད་པའི་སྔགས་ཕྱོགས་ཀྱི་གསུང་རྩོམ་སྐོར།

ཡོང་ཁུངས།   ངེད་དགེ་ལུགས་པའི་དྲ་བ།     སྤེལ་དུས།  2016-09-23 11:16:39     རྩོམ་པ་པོ།   ཆ་ཧར་དགེ་བཤེས།    ཀློག་ཐེངས།  

4175448ctad53fb6957f6&690.gif

        ཡོ་གའི་རྒྱུད་ཀྱི་སྐོར་སོགས་ནི། རྡོར་དབྱིངས་དཀྱིལ་ཆོག་ཟིན་བྲིས། རྡོར་དབྱིངས་ས་ཆོག རྡོར་དབྱིངས་འཁོར་བསྒྱུར་གྱི་བསྙེན་པའི་རིམ་པ། ས་གང་ཟིན་བྲིས། དཔལ་མཆོག་ཟིན་བྲིས། དེ་ཉིད་བསྡུས་པའི་ཟིན་བྲིས། དོན་གྲུབ་དཔལ་གྱིས་མཛད་པའི་ངན་སོང་སྤྱོད་རྒྱུད་འགྲེལ་བ། འདུལ་འཛིན་པས་མཛད་པའི་ཀུན་རིག་གི་ཆོ་ག་རྒྱུད་དོན་གསལ་བ། ཀུན་རིག་ཊིཀ་ཆེན། ཀུན་རིག་ཟིན་བྲིས་རྣམས་དང་། སྨེ་བརྩེགས་ཀྱི་མངོན་རྟོགས། དབྱངས་ཅན་མ་དཀར་པོའི་མངོན་རྟོགས་གཉིས། འོད་ཟེར་ཅན་མའི་མངོན་རྟོགས། ལོ་མ་གྱོན་མའི་མངོན་རྟོགས། ཡེ་ཤེས་མཁའ་འགྲོའི་སྒྲུབ་ཐབས། སྒྲ་མི་སྙན་གྱི་ཚེ་སྒྲུབ། གཏོར་མ་བརྒྱ་རྩའི་ཆོ་ག གཞི་བདག་གཏོར་མ། འདུལ་འཛིན་པས་མཛད་པའི་བྱ་སྤྱོད་སྤྱིའི་ཆོ་ག་རྣམས་སོ། །

        གསང་འདུས་སོགས་ཀྱི་སྐོར་ནི། འདུས་པའི་རྩ་རྒྱུད་ཀྱི་འགྲེལ་པ་སྒྲོན་གསལ་ཁ་སླར་བཀྲལ་བའི་མཆན་བུ། མཐའ་དཔྱོད་རིན་པོ་ཆེའི་མྱུ་གུ། ས་བཅད་བསྡུས་དོན། ལྷ་མོ་བཞིས་ཞུས་ཀྱི་ཊིཀྐ། ཡེ་ཤེས་རྡོ་རྗེ་ཀུན་ལས་བཏུས་པའི་འགྲེལ་པ། སྒྲུབ་ཐབས་རྣལ་འབྱོར་དག་རིམ། དབང་དོན་དེ་ཉིད་རབ་གསལ། རྣམ་གཞག་རིམ་པའི་རྣམ་བཤད། རིམ་ལྔ་གསལ་སྒྲོན། རིམ་ལྔ་གདན་རྫོགས། དཀའ་གནད་ཟིན་བྲིས། དཀའ་གནད་བསྟན་པའི་ཚིགས་བཅད། རྡོ་རྗེ་འཆང་བརྙེས་བྱེད་ཀྱི་ལམ་ལ་སློབ་ཚུལ། དགོངས་པ་བླ་ན་མེད་པའི་ཟིན་བྲིས། མངོན་པར་བྱང་ཆུབ་པའི་ཟིན་བྲིས། རྡོར་བཟླས་ཟིན་བྲིས། བདག་བྱིན་རླབས་ཀྱི་ཟིན་བྲིས། བཞི་བརྒྱ་ལྔ་བཅུ་པའི་ཟིན་བྲིས། ཆོ་ག་ཉི་ཤུའི་ཁུངས། རྡོར་ཕྲེང་ཟིན་བྲིས། རིམ་ལྔ་བསྡུས་པའི་ཟིན་བྲིས། མཁས་གྲུབ་རྗེའི་ཡིག་ཆུང་ཉེར་གཅིག ཞལ་ཤེས་བརྗེད་བྱང་། བསྲེ་འཕོའི་གདམས་པ། བ་སོའི་རྡོའི་ཟིན་བྲིས། འབལ་སེར་དཀའ་བཅུའི་ཟིན་བྲིས། འཇམ་དཔལ་གསང་ལྡན་གྱི་ཟིན་བྲིས། སྒྲུབ་ཐབས་ཀུན་བཟང་གི་ཟིན་བྲིས། ཁྱད་པར་གསལ་བྱེད་ཀྱི་ཡིག་ཆུང་། རྡོར་སེམས་མཉེས་བྱེད་ཀྱི་ཆོ་ག རྒྱལ་བས་བྱིན་གྱི་ཟིན་བྲིས། འཇམ་རྡོར་སྒྲུབ་ཐབས། མན་ངག་སྙེ་མའི་ཟིན་བྲིས། ཁྲོ་བཅུའི་ཟིན་བྲིས། རྡོར་ཕྲེང་སྔགས་བཏུའི་ཟིན་བྲིས། རྟ་མགྲིན་གྱི་སྒོ་ནས་ཆར་འབེབས་མན་ངག སྟོབས་པོ་ཆེའི་ཆར་འབེབས། འདུལ་འཛིན་པས་མཛད་པའི་རབ་གནས་རྒྱས་འབྲིང་བསྡུས་གསུམ། རྒྱུད་ཀྱི་བཤད་པ་རྫོགས་པའི་འོག་ཏུ་གཏང་རག་བྱ་ཚུལ། སྙིམ་པའི་མེ་ཏོག་གི་ཡིག་ཆུང་། མཆོད་ཕྲེང་། སྨོན་ལམ། ཤིས་བརྗོད་རྣམས་སོ། །

        བདེ་མཆོག་སོགས་ཀྱི་སྐོར་ནི། རྩ་རྒྱུད་འགྲེལ་ཆེན་སྦས་དོན་ཀུན་གསལ། ལཱུ་ཨི་པའི་མངོན་རྟོགས་ཀྱི་རྒྱ་ཆེར་བཤད་པ་འདོད་འཇོ། རྫོགས་རིམ་རྣམ་བཤད་དངོས་གྲུབ་སྙེ་མ། རྫོགས་རིམ་རྣལ་འབྱོར་ཆེན་པོའི་ཁྲིད། སྒྲུབ་ཐབས་བདེ་ཆེན་གསལ་བ། མཆོད་ཕྲེང་། དཔྱིད་ཀྱི་རྒྱལ་མོའི་གླུ། དྲིལ་བུ་ལུས་དཀྱིལ་ཀྱི་སྒྲུབ་ཐབས། དབང་ཆོག་རིན་ཆེན་བང་མཛོད། རྫོགས་རིམ་སྦས་དོན་བལྟ་བའི་མིག་འབྱེད། ཀུན་བཟང་བའི་རིམ་ལྔའི་ཁྲིད། རྫོགས་རིམ་དཔྱིད་ཀྱི་ཐིག་ལེ། རྒྱལ་ཚབ་རྗེས་མཛད་པའི་རྫོགས་རིམ། ལུས་དཀྱིལ་ལྷན་ཐབས། ཕྱི་རོལ་མཆོད་པ་ལག་མཆོད་བཅས། དཔའ་བོ་འཇའ་ཚོན་མའི་མཆོད་བསྟོད། སྨོན་ལམ་ཤིས་བརྗོད་རྣམས་དང་། ཚེས་བཅུའི་ཟིན་བྲིས། བསམ་གཏན་ཕྱི་མ་དང་གསང་བ་ཁྱད་གཞིའི་ཡིག་ཆུང་། གྲུབ་ཆེན་བརྒྱད་ཀྱི་མཚན་དང་བཞུགས་ཚུལ། མཁའ་འགྲོ་རྒྱ་མཚོའི་ཟིན་བྲིས། རྡོ་རྗེ་མཁའ་འགྲོའི་འགྲེལ་པའི་ཟིན་བྲིས། ནཱ་རོ་ཆོས་དྲུག་ཡིད་ཆེས་གསུམ་ལྡན། ཆོས་དྲུག་དམིགས་རིམ། སངས་རྒྱས་ཐོད་པ་སོགས་ཀྱི་ཟིན་བྲིས། བརྟག་གཉིས་ཟིན་བྲིས། ཀྱཻ་རྡོར་ཟིན་བྲིས། འཕོ་ཊིཀ་གསེར་གྱི་སྒོ་འབྱེད། བདག་མེད་མའི་ཟིན་བྲིས། མཁའ་འགྲོ་དམར་མོའི་ཡིག་ཆུང་རྣམས་སོ། །

        འཇིགས་བྱེད་སོགས་ཀྱི་སྐོར་ནི། དཔལ་རྡོ་རྗེ་འཇིགས་བྱེད་དཔའ་གཅིག་གི་སྒྲུབ་ཐབས་བདུད་ལས་རྣམ་རྒྱལ། ལྷ་བཅུ་གསུམ་མའི་སྒྲུབ་ཐབས་ཟ་མ་ཏོག དམར་ནག་གི་སྒྲུབ་ཐབས་རིན་ཆེན་འབར་བ། བཅུ་གསུམ་མ་གསུམ་གྱི་དཀྱིལ་ཆོག་རིན་ཆེན་ཟེར་བ། འཇིགས་བྱེད་ཀྱི་སྦྱིན་སྲེག་དངོས་གྲུབ་རྒྱ་མཚོ། རྩ་གསུམ་དང་ཕྱི་ནང་གསང་གསུམ་སྦྱོར་ཚུལ། ཡི་གེ་བཞི་པའི་བསྲུང་པ། གནོད་འཚེ་བཟློག་ཐབས། འཇམ་དཔལ་ཞི་དྲག་གི་བསྲུང་བ། འཇིགས་བྱེད་ཀྱི་ཞལ་ཕྱག་སོགས་ཀྱི་བཤད་པ། ཞེ་དགུ་མའི་ཟིན་བྲིས། རྣལ་འབྱོར་བཞིའི་འབྲེལ་པ། དེའི་ཡིག་ཆུང་། ཞི་ཁྲོ་སྦྲགས་སྒྲུབ་ཀྱི་མན་ངག་རྣམས་དང་། རྟ་མགྲིན་ལས་བྱེད་བཞིས་བསྐོར་བའི་སྒྲུབ་ཐབས། འཁོར་ཆེན་མངོན་རྟོགས་ཀྱི་ཟིན་བྲིས། འདུལ་འཛིན་པའི་འཁོར་ཆེན་སྒྲུབ་ཐབས། དེའི་དཀྱིལ་ཆོག་རྣམས་སོ། །

        དུས་འཁོར་གྱི་སྐོར་ནི། སྦྱོར་དྲུག་རྡོ་རྗེའི་ཚིགས་བཅད། སྦྱོར་དྲུག་སྔོན་འགྲོ། ཨ་ཙ་ལ་གཎྜས་དོན་ཚན་བདུན་དུ་བསྡུས་པ། སྦྱོར་དྲུག་ཟིན་བྲིས། སྒྲུབ་ཐབས་ཡིག་ཆུང་། མཚན་བརྗོད་འགྲེལ་པའི་ཡིག་ཆུང་། རྫོགས་རིམ་གནད་བསྡུས། སྦྱོར་དྲུག་རྩ་ཚིག བདེ་སྟོང་གི་ཡིག་ཆུང་། དབང་བསྐུར་བའི་ཟིན་བྲིས། རྫོགས་རིམ་སྦྱོར་དྲུག་གི་གནད། སྦྱོར་དྲུག་གི་ཁྲིད། དུས་འཁོར་སྤྱི་དོན། དུས་འཁོར་བཀར་བསྒྲུབས་པའི་ཡིག་ཆུང་། རྡོ་རྗེའི་ཚིག་གི་བཤད་པ། ཟིན་བྲིས། མངོན་རྟོགས་དང་དབང་གི་ཟིན་བྲིས། སྦྱོར་དྲུག་ཉེར་མཁོ། འཆི་ཞག་དང་ཚེ་ལྷག་གི་ཡིག་ཆུང་། འཇིག་རྟེན་ཁམས་ལེའི་ཟིན་བྲིས། འགྲེལ་ཆེན་དྲི་མེད་འོད་ཀྱི་དཀའ་གནས་ཀྱི་བཤད་པ་རྣམས་སོ། །

        གསང་སྔགས་སྤྱིའི་སྐོར་ནི། སྔགས་རིམ་ཆེན་མོ། བླ་མ་ལྔ་བཅུ་པའི་རྣམ་བཤད། གསང་སྔགས་ཀྱི་ཚུལ་ཁྲིམས་ཀྱི་རྣམ་བཤད་རྣམས་སོ། །འདི་དག་གི་ཁོངས་སུ་སློབ་མ་རྣམས་ཀྱིས་མཛད་པ་མང་པོ་འདུག་ཀྱང་ཐམས་ཅད་རྗེའི་གསུང་བཞིན་མཛད་པ་ཡིན་ཞིང་། བླ་མ་གོང་མ་རྣམས་ཀྱིས་གསུང་འབུམ་གྱི་གྲས་སུ་བཅུག་པར་སྣང་བས་འདིར་བགྲངས་པ་ཡིན་ནོ། །

        གོང་གི་རྟེན་འབྲེལ་བསྟོད་པ། ཚངས་གཅོད་མ། བསྟོད་སྤྲིན་རྒྱ་མཚོ། འཆི་མེད་གྲུབ་པ་སྟེ་བཞི་ལ་བསྟོད་ཆེན་བཞིར་བཤད། ཡང་རྗེ་བཙུན་ཕྱག་རྡོར་པས་བསྐུལ་བའི་ངོར་མཛད་པའི་ཀ་མ་ལ་ཤཱི་ལའི་སྒོམ་རིམ་ཐ་མའི་དོན་བསྡུས་ཞི་ལྷག་སྒྲུབ་ཚུལ། དགའ་ལྡན་དུ་རྟེན་བཞེངས་དུས་མཛད་པའི་ཆ་ཚད་ཀྱི་ཐིག་རྩ་རྣམས་བཀའ་འབུམ་དུ་མ་ཆུད་ཅེས་གསུངས་འདུག ཡང་སྲས་མཆོག་རྣམས་ཀྱིས་རྗེའི་གསུང་བཞིན་མཛད་པ་གཞན་ཡང་ཡོད་ཀྱང་འདིར་མ་བརྩིས་ལ།

        འཇམ་པའི་དབྱངས་ཀྱིས་རྗེ་རིན་པོ་ཆེ་ལ་གནང་བ་བླ་མ་དབུ་མ་པས་གླེགས་བམ་དུ་བཀོད་པ་འཇམ་དབྱངས་ཆོས་སྐོར་དུ་གྲགས་པ་ནི། འཇམ་དབྱངས་དམར་པོའི་རྣལ་འབྱོར། འཇམ་སེར་མངོན་རྟོགས། འདིའི་རྗེས་གནང་། ལུས་དཀྱིལ་གྱི་མངོན་རྟོགས་དང་རྗེས་གནང་། གསང་སྒྲུབ་ཀྱི་མངོན་རྟོགས་རྗེས་གནང་། ནང་སྒྲུབ་ཀྱི་མངོན་རྟོགས་དང་དབང་། འཁོར་ལོའི་མན་ངག རལ་གྲིའི་བསྲུང་བ། ཞི་རྒྱས་དབང་གསུམ་གྱི་མན་ངག ངག་རྣོ་བར་བྱེད་པ། གྲིབ་དང་གདོན་སོགས་བསྲུང་བ། བསྲུང་འཁོར་རྣམ་གསུམ། རིལ་སྒྲུབ་མན་ངག སྲན་མའི་ལས་སྦྱོར། འཆད་རྩོད་རྩོམ་གསུམ་གྱི་མན་ངག ལས་བསྒྲུབ་པའི་སྡོམ། དེའི་བཤད་པ། དབང་སྡུད་མན་ངག དྲག་པོའི་མན་ངག གདོན་བགེགས་འཇོམས་པའི་མན་ངག འབྱུང་པའི་གནོད་པ་ཞི་བའི་མན་ངག ཤེས་རབ་འཕེལ་བའི་མན་ངག རྗེ་བཙུན་མ་ནག་མོའི་རྟོགས་པ། དེའི་སྦྱིན་སྲེག དེའི་དབང་ཆོག བདེ་མཆོག་དཀར་པོའི་ཚེ་སྒྲུབ། སྒྲོལ་དཀར་སྒྲུབ་ཐབས། དབང་ཆོག སྐུ་གསུང་ཐུགས་ཀྱི་སྒོ་ནས་ནད་གདོན་བགེགས་དང་རྨི་ལྟས་སོགས་སེལ་ཐབས། རླུང་སེམས་ཀྱི་གནད། ཆོས་རྒྱལ་རྣམ་གསུམ་གྱི་སྒྲུབ་ཐབས། རྗེས་གནང་། སྦྱིན་སྲེག་རྣམས་སོ། །གཞན་ཡང་། ཞི་ཁྲོ་སྒྲགས་སྒྲུབ་དང་། དམིགས་བརྩེ་མའི་སྒོ་ནས་སྒྲུབ་པའི་ལས་ཚོགས་མང་དུ་ཡོད་དོ། །

                                                                 རྩོམ་སྒྲིག་པ། མང་ར་བ།
        གསལ་འདེབས། 
              རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།
              དྲ་བའི་སྦྲེལ་ཐགhttp://www.tb1025.cn

བརྒྱུད་འགོད།