རྒྱ་གར་སྐད་དུ།  ཨརྱ་པྲ་ཛྙཱ་ན་ཨེ་ཀ་ད་ཤ་ཤྲཱི་སུ་ཏྲ། བོད་སྐད་དུ།  འཕགས་པ་འདུ་ཤེས་བཅུ་གཅིག་པའི་མདོ།དཀོན་མཆོག་གསུམ་ལ་ཕྱག་འཚལ་ལོ།  །

  འདི་སྐད་བདག་གིས་ཐོས་པ་དུས་གཅིག་ན།  བཅོམ་ལྡན་འདས་ཀུ་ཤའི་གྲོང་ཁྱེར་ན་གྱད་ཀྱི་ཉེ་འཁོར་ཤིང་ས་ལ་ཟུང་གི་ཚལ་ན་བཞུགས་ཏེ་ཡོངས་སུ་མྱ་ངན་ལས་འདའ་བའི་ཚེ། དགེ་སློང་རྣམས་ལ་བཀའ་བསྩལ་བ།  དགེ་སློང་དག་ནམ་འཆི་བའི་དུས་ཀྱི་ཚེ་དགེ་སློང་འདུ་ཤེས་བཅུ་གཅིག་མངོན་དུ་བྱའོ།།    བཅུ་གཅིག་གང་ཡིན་ཞེ་ན།

ཚེ་འདི་ལ་མ་ཆགས་པའི་འདུ་ཤེས་དང་། སེམས་ཅན་ཐམས་ཅད་ལ་བྱམས་པའི་འདུ་ཤེས་དང་། འཁོན་དུ་འཛིན་པ་ཐམས་ཅད་ཡོངས་སུ་དོར་པའི་འདུ་ཤེས་དང་།  འཆལ་བའི་ཚུལ་ཁྲིམས་ཐམས་ཅད་བཤགས་པའི་འདུ་ཤེས་དང་། ཚུལ་ཁྲིམས་ཐམས་ཅད་ཡང་དག་པར་བླང་པའི་འདུ་ཤེས་དང་།  ཉེས་པ་ཆེན་པོ་བྱས་པ་དག་ལ་ཡང་ཡང་བའི་འདུ་ཤེས་དང་། དགེ་བའི་རྩ་བ་ཆུང་དུ་དག་ལ་ཡང་ཆེ་བའི་འདུ་ཤེས་དང་།  འཇིག་རྟེན་ཕ་རོལ་དག་ལ་འཇིགས་པ་མེད་པའི་འདུ་ཤེས་དང་།  འདུས་བྱས་ཐམས་ཅད་ལ་མི་རྟག་པའི་འདུ་ཤེས་དང་།  ཆོས་ཐམས་ཅད་ལ་བདག་མེད་པའི་འདུ་ཤེས་དང་།  མྱ་ངན་ལས་འདས་པ་ནི་ཞི་བའོ་སྙམ་པའི་འདུ་ཤེས་མངོན་དུ་བྱའོ།།

བཅོམ་ལྡན་འདས་ཀྱིས་འདི་སྐད་ཅེས་བཀའ་བསྩལ་ནས།

དགེ་སློང་དེ་དག་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད།  འདུ་ཤེས་བཅུ་གཅིག་སྟོན་པ་བཅོམ་ལྡན་འདས་ཀྱིས་ཞལ་ཆེམས་རྫོགས་སོ།།

རྩོམ་སྒྲིག་པ།  ཤེས་རབ་རལ་གྲི།

གསལ་འདེབས།

                  རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།

                    དྲ་བའི་སྦྲེལ་ཐགhttp://www.tb1025.cn