ཆེད་དུ་བརྗོད་པའི་ཚོམས་ལས་བསྒྲེ་བའི་ཚོམས།
002L4qF0gy6MOy4RmYhc9.jpg
གང་དག་དོན་དང་མི་ལྡན་ཚིག །
ཚིགས་བཅད་བརྒྱ་དག་སྨྲ་བ་བས། །
གང་དག་ཉེ་བར་ཞི་འགྱུར་བའི། །
དོན་ལྡན་ཚིག་གཅིག་ཐོས་པ་རུང་། །
གང་དག་ཆོས་དང་མི་ལྡན་ཚིག །
ཚིགས་བཅད་བརྒྱ་དག་སྨྲ་བ་བས། །
གང་དག་ཉེ་བར་ཞི་འགྱུར་བའི། །
ཆོས་ལྡན་ཚིག་གཅིག་ཐོས་པ་རུང་། །
ཚུལ་འཆལ་མཉམ་པར་མ་བཞག་པ། །
ལོ་བརྒྱར་གསོན་པ་གང་ཡིན་པས། །
ཚུལ་ཁྲིམས་ལྡན་ཞིང་མཉམ་བཞག་པ། །
ཉིན་ཞག་འགའ་ཞིག་གསོན་པ་རུང་། །
བརྩོན་མེད་ལེ་ལོ་ལྡན་པ་དག །
ལོ་བརྒྱར་གསོན་པ་གང་ཡིན་པས། །
བརྩོན་འགྲུས་བརྟན་པ་བརྩམས་པ་དག །
ཉིན་ཞག་འགའ་ཞིག་གསོན་པ་རུང་། །
ཤེས་འཆལ་མཉམ་པར་མ་བཞག་པ། །
ལོ་བརྒྱར་གསོན་པ་གང་ཡིན་པས། །
ཤེས་རབ་ཆེན་པོ་མཉམ་བཞག་པ། །
ཉིན་ཞག་འགའ་ཞིག་གསོན་པ་རུང་། །
སྐྱེ་དང་འཇིག་པ་མ་མཐོང་བ། །
ལོ་བརྒྱར་གསོན་པ་གང་ཡིན་པས། །
སྐྱེ་དང་འཇིག་པ་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
ཚོར་བ་ཟད་པ་མ་མཐོང་བ། །
ལོ་བརྒྱར་གསོན་པ་གང་ཡིན་པས། །
ཚོར་བ་ཟད་པ་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
ཟག་པ་ཟད་པ་མ་མཐོང་བ། །
ལོ་བརྒྱར་གསོན་པ་གང་ཡིན་པས། །
ཟག་པ་ཟད་པ་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
གོ་འཕང་མི་གཡོ་མ་མཐོང་བ། །
ལོ་བརྒྱར་གསོན་པ་གང་ཡིན་པས། །
གོ་འཕང་མི་གཡོ་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
གོ་འཕང་བལྟ་དཀའ་མ་མཐོང་བ། །
ལོ་བརྒྱར་གསོན་པ་གང་ཡིན་པས། །
གོ་འཕང་བལྟ་དགའ་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
གོ་འཕང་མཐོན་པོ་མ་མཐོང་བ། །
ལོ་བརྒྱར་གསོན་པ་གང་ཡིན་པས། །
གོ་འཕང་མཐོན་པོ་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
གོ་འཕང་དམ་པ་མ་མཐོང་བ།
།ལོ་བརྒྱར་གསོན་པ་གང་ཡིན་པས།
།གོ་འཕང་དམ་པ་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
འཆི་མེད་གོ་འཕང་མ་མཐོང་བ། །
ལོ་བརྒྱར་གསོན་པ་གང་ཡིན་པས། །
འཆི་མེད་གོ་འཕང་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
བདུད་རྩིའི་གོ་འཕང་མ་མཐོང་བ། །
ལོ་བརྒྱར་གསོན་པ་གང་ཡིན་པས། །
བདུད་རྩིའི་གོ་འཕང་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
རྡུལ་མེད་གོ་འཕང་མ་མཐོང་བ། །
ལོ་བརྒྱར་གསོན་པ་གང་ཡིན་པས། །
རྡུལ་མེད་གོ་འཕང་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
རྡུལ་བྲལ་གོ་འཕང་མ་མཐོང་བ། །
ལོ་བརྒྱར་གསོན་པ་གང་ཡིན་པས། །
རྡུལ་བྲལ་གོ་འཕང་མཐོང་བ་དག །
ཉིན་ཞག་འགའ་ཞིག་གསོན་པ་རུང་། །
མི་ནི་ལོ་བརྒྱར་ནགས་ཚལ་ན། །
མེ་ལ་ཡོངས་སྟེན་གང་ཡིན་དང་། །
བདག་ཉིད་བསྒོམ་ལ་ཡུད་ཙམ་ཞིག །
མཆོད་པ་བྱེད་པ་གང་ཡིན་པ། །
མཆོད་བྱེད་དེ་ཉིད་ཆེས་རུང་གི །
ལོ་བརྒྱར་སྦྱིན་སྲེག་བྱེད་མི་རུང་། །
ཟླ་བ་རེ་རེ་ཀུ་ཤའི་རྩེས། །
ཁ་ཟས་ཟ་བ་གང་ཡིན་དེས། །
སངས་རྒྱས་ལ་ནི་དད་པ་ཡི། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེ་ཀུ་ཤའི་རྩེས། །
ཁ་ཟས་ཟ་བ་གང་ཡིན་དེས། །
དམ་པའི་ཆོས་ལ་དད་པ་ཡི། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེ་ཀུན་ཤའི་རྩེས། །
ཁ་ཟས་ཟ་བ་གང་ཡིན་དེས། །
དགེ་འདུན་ལ་ནི་དད་པ་ཡི། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེ་ཀུན་ཤའི་རྩེས། །
ཁ་ཟས་ཟ་བ་གང་ཡིན་དེས། །
སེམས་ཅན་རྣམས་ལ་སྙིང་བརྩེ་བའི། །
བཅུ་དྲུག་ཆར་ཡང་མི་ཕོད་དོ།
།ཟླ་བ་རེ་རེ་ཀུ་ཤའི་རྩེས། །
ཁ་ཟས་ཟ་བ་གང་ཡིན་དེས། །
སྲོག་ཆགས་རྣམས་ལ་སྙིང་རྩེ་བའི།
།བཅུ་དྲུག་ཆར་ཡང་མི་ཕོད་དོ། །ཟླ
་བ་རེ་རེ་ཀུ་ཤའི་རྩེས། །
ཁ་ཟས་ཟ་བ་གང་ཡིན་དེས། །
འབྱུང་པོ་རྣམས་ལ་སྙིང་བརྩེ་བའི།
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེར་ཀུ་ཤའི་རྩེས། །
ཁ་ཟས་ཟ་བ་གང་ཡིན་དེས། །
བྱམས་པ་སེམས་པར་བྱེད་པ་ཡི། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེར་ཀུ་ཤའི་རྩེས། །
ཁ་ཟས་ཟ་བ་གང་ཡིན་དེས། །
ལེགས་པར་གསུངས་པའི་དམ་ཆོས་ཀྱི། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེར་མཆོད་སྦྱིན་སྟོང་། །
ལོ་བརྒྱར་བྱེད་པ་གང་ཡིན་དེས། །
སངས་རྒྱས་ལ་ནི་དད་པ་ཡི། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེར་མཆོད་སྦྱིན་སྟོང་། །
ལོ་བརྒྱར་བྱེད་པ་གང་ཡིན་དེས། །
དམ་པའི་ཆོས་ལ་དད་པ་ཡི། །
བཅུ་དྲུག་ཆར་ཡར་མི་ཕོད་དོ། །
ཟླ་བ་རེ་རེར་མཆོད་སྦྱིན་སྟོང་། །
ལོ་བརྒྱར་བྱེད་པ་གང་ཡིན་དེས། །
དགེ་འདུན་ལ་ནི་དད་པ་ཡི། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེར་མཆོད་སྦྱིན་སྟོང་། །
ལོ་བརྒྱར་བྱེད་པ་གང་ཡིན་དེས། །
སེམས་ཅན་རྣམས་ལ་སྙིང་བརྩེ་བའི། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེར་མཆོད་སྦྱིན་སྟོང་། །
ལོ་བརྒྱར་བྱེད་པ་གང་ཡིན་དེས། །
སྲོག་ཆགས་རྣམས་ལ་སྙིང་བརྩེ་བའི། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེར་མཆོད་སྦྱིན་སྟོང་། །
ལོ་བརྒྱར་བྱེད་པ་གང་ཡིན་དེས། །
འབྱུང་པོ་རྣམས་ལ་སྙིང་བརྩེ་བའི། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེར་མཆོད་སྦྱིན་སྟོང་། །
ལོ་བརྒྱར་བྱེད་པ་གང་ཡིན་དེས། །
བྱམས་པ་སེམས་པར་བྱེད་པ་ཡིས། །
བཅུ་དྲུག་ཆར་ཡང་མི་ཕོད་དོ། །
ཟླ་བ་རེ་རེར་མཆོད་སྦྱིན་སྟོང་། །
ལོ་བརྒྱར་བྱེད་པ་གང་ཡིན་དེས། །
ལེགས་པར་གསུངས་པའི་དམ་ཆོས་ཀྱི། །
བཅུ་དྲུག་ཆར་ཡང་མི་ཕོད་དོ། །
བསོད་ནམས་འདོད་པའི་མི་ཡིས་འཇིག་རྟེན་དུ། །
སྦྱིན་སྲེག་མཆོད་སྦྱིན་ཆུང་ཟད་ཅི་བྱས་དེས། །
གང་ཞིག་དྲང་པོའི་སེམས་ཀྱིས་ཕྱག་འཚལ་བ། །
དེ་ཡི་བཞི་ཆར་ཡང་ནི་མི་ཕོད་དོ། །
བསྒྲེ་བའི་ཚོམས་ཏེ་ཉི་ཤུ་རྩ་བཞི་པའོ།། །།
རྩོམ་སྒྲིག་པ། མང་ར་བ།
གསལ་འདེབས།
རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།
དྲ་བའི་སྦྲེལ་ཐགhttp://www.tb1025.cn
