ཆེད་དུ་བརྗོད་པའི་ཚོམས་ལས་དྲན་པའི་ཚོམས།

ཡོང་ཁུངས།   ངེད་དགེ་ལུགས་པའི་དྲ་བ།     སྤེལ་དུས།  2016-05-26 20:26:44     རྩོམ་པ་པོ།   དགྲ་བཅོམ་པ་ཆོས་སྐྱོབས།     ཀློག་ཐེངས།  

      002L4qF0gy6MOy4RmYhc9.jpg

སངས་རྒྱས་ཀྱིས་ནི་བསྟན་པ་བཞིན། །
གང་གི་དབུགས་དབྱུང་རྔུབ་དྲན་པ། །
ཡོངས་སུ་རྫོགས་པར་ལེགས་བསྒོམས་པས། །
རིམ་གྱིས་ཡོངས་སུ་བྱུང་གྱུར་ཏེ། །
སྤྲིན་བྲལ་ཉི་མ་ཟླ་བ་ལྟར། །
འཇིག་རྟེན་འདི་ནི་ཀུན་ནས་གསལ། །
འགྲེང་དང་འདུག་དང་དེ་བཞིན་ཉལ་བ་དང་། །
ལུས་དང་དེ་བཞིན་སེམས་ནི་འཇོག་བྱེད་ཅིང་། །
དགེ་སློང་དྲན་པ་དེ་ལེགས་འཇོག་པ་ན། །
སྔ་ཕྱིའི་ཁྱད་པར་རྣམས་ནི་ཐོབ་པར་འགྱུར། །
སྔ་ཕྱིའི་ཁྱད་པར་རྣམས་ནི་ཐོབ་གྱུར་ན། །
འཆི་བདག་རྒྱལ་པོས་བལྟར་ཡང་མེད་པར་འགྲོ། །
ལུས་རྟོགས་དྲན་པ་ཉེ་བར་གཞག་ནས་སུ། །
རེག་པའི་སྐྱེ་མཆེད་དྲུག་ནི་བསྡམ་བྱས་ཏེ། །
གང་ཞིག་རྟག་ཏུ་མཉམ་པར་འཇོག་བྱེད་པ། །
དེ་བདག་ཉིད་ཀྱིས་མྱ་ངན་འདས་པ་རྟོགས། །
གང་ཞིག་རྟག་ཏུ་རྣམ་པ་ཐམས་ཅད་དུ། །
ལུས་རྟོགས་དྲན་པ་ཉེ་བར་འཇོག་བྱེད་པ། །
བདག་ཉིད་མེད་ཅིང་བདག་གིར་འཛིན་པ་མེད། །
བདག་ཏུ་མི་འགྱུར་བདག་གིར་འཛིན་མི་འགྱུར། །
དེ་ལྟར་དགེ་སློང་མཉམ་འཇོག་མྱུར་དུ་ནི། །
ཡུལ་ལ་སྲེད་པ་དག་ལས་བརྒལ་བར་འགྱུར། །
གང་ཞིག་དྲན་དང་ཤེས་བཞིན་མཉམ་འཇོག་དང་། །
དགའ་དང་རབ་ཏུ་དང་པས་དུས་དུས་སུ། །
ཆོས་འདི་ལ་སྤྱོད་མེལ་ཚེ་བྱེད་པ་དེ། །
སྐྱེ་རྒ་རྣམས་ལས་བརྒལ་བར་འགྱུར་ཞེས་གསུང་། །
དེ་ལྟས་རྟག་ཏུ་མེལ་ཚེ་བྱེད་སྟེན་ཅིང་། །
དགེ་སློང་མཁས་པ་དྲན་ལྡན་བརྩོན་པ་ཡིས། །
སྐྱེ་བ་ཀུན་ཏུ་སྦྱོར་བ་སྤངས་ནས་སུ། །
དེས་ནི་འདི་ལ་མྱ་ངན་འདས་པ་འཐོབ། །
གཉིད་ལོག་དེ་དག་སད་པར་བྱེད་པ་ཡི། །
མེལ་ཚེ་བདག་ལས་ཁྱོད་ཉོན་ཅིག །
ཉལ་བས་མེལ་ཚེ་བྱེད་སླ་སྟེ། །
མེལ་ཚེ་བྱེད་ལ་འཇིགས་པ་མེད། །
མེལ་ཚེ་བྱེད་པར་བརྩོན་པ་དང་། །
ཉིན་མཚན་རྗེས་སུ་སློབ་བྱེད་ཅིང་། །
འཆི་བ་མེད་ལ་ལྷག་མོས་པའི། །
ཟག་པ་རྣམས་ནི་ཟད་པར་འགྱུར། །
གང་ཞིག་ཉིན་དང་མཚན་རྣམས་སུ། །
སངས་རྒྱས་རྗེས་སུ་དྲན་བྱེད་ཅིང་། །
གང་དག་སངས་རྒྱས་སྐྱབས་སོང་བ། །
དེ་དག་མི་ཡི་རྙེད་པ་ཡིན། །
གང་ཞིག་ཉིན་དང་མཚན་རྣམས་སུ། །
ཆོས་རྣམས་རྗེས་སུ་དྲན་བྱེད་ཅིང་། །
གང་དག་ཆོས་ལ་སྐྱབས་སོང་བ། །
དེ་དག་མི་ཡི་རྙེད་པ་ཡིན། །
གང་ཞིག་ཉིན་དང་མཚན་རྣམས་སུ། །
དགེ་འདུན་རྗེས་སུ་དྲན་བྱེད་ཅིང་། །
གང་དག་དགེ་འདུན་སྐྱབས་སོང་བ། །
དེ་དག་མི་ཡི་རྙེད་པ་ཡིན། །
གང་ཞིག་ཉིན་དང་མཚན་རྣམས་སུ། །
སངས་རྒྱས་རྗེས་སུ་དྲན་བྱེད་པ། །
གཽ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
ཆོས་རྣམས་རྗེས་སུ་དྲན་བྱེད་པ། །
གཽའུ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
དགེ་འདུན་རྗེས་སུ་དྲན་བྱེད་པ། །
གཽ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
ཚུལ་ཁྲིམས་རྗེས་སུ་དྲན་བྱེད་པ། །
གཽ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
གཏོང་པ་རྗེས་སུ་དྲན་བྱེད་པ།
།གཽ་ཏ་མ་ཡི་ཉན་ཐོས་ཏེ། །
ལེགས་པར་སད་པས་སད་པར་གྱུར། །
གང་ཞིག་ཉིན་དང་མཚན་རྣམས་སུ། །
ལྷ་ནི་རྗེས་སུ་དྲན་བྱེད་པ། །
གཽ་ཏ་མ་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
རྟག་ཏུ་ལུས་རྟོགས་དྲན་བྱེད་པ། །
གཽ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
རྟག་ཏུ་ཏིང་འཛིན་བཞི་དྲན་པ། །
གཽ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
འཚེ་བ་མེད་ལ་ཡིད་དགའ་བ། །
གཽ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
གནོད་སེམས་མེད་ལ་ཡིད་དགའ་བ། །
གཽ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
བསྒོམ་པ་ལ་ནི་ཡིད་དགའ་བ། །
གཽ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
སྟོང་པ་ཉིད་ལ་ཡིད་དགའ་བ། །
གཽ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
མཚན་མ་མེད་ལ་ཡིད་དགའ་བ། །
གཽའུ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
དབེན་པ་ལ་ནི་ཡིད་དགའ་བ། །
གཽ་ཏ་མ་ཡི་ཉན་ཐོས་དེ། །ལེ
གས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
ངེས་པར་འབྱུང་ལ་ཡིད་དགའ་བ། །གཽ
་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
ཅི་ཡང་མེད་ལ་ཡིད་དགའ་བ། །
གཽ་ཏ་མ་ཡི་ཉན་ཐོས་ཏེ། །
ལེགས་པར་སད་པས་སད་པར་འགྱུར། །
གང་ཞིག་ཉིན་དང་མཚན་རྣམས་སུ། །
མྱ་ངན་འདས་ལ་ཡིད་དགའ་བ། །
གཽ་ཏ་མ་ཡི་ཉན་ཐོས་དེ། །
ལེགས་པར་སད་པས་སད་པར་འགྱུར། །
དྲན་པའི་ཚོམས་ཏེ་བཅོ་ལྔ་པའོ།། །།

        གསལ་འདེབས། 
               རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ། 
                   དྲ་བའི་སྦྲེལ་ཐགhttp://www.tb1025.cn


 

བརྒྱུད་འགོད།