ཕྱུག་ནོར་གསང་སྔགས་དར་རྒྱས་གླིང་ངོ་སྤྲོད་མདོར་བསྡུས།

ཡོང་ཁུངས།   དགེ་ལུགས་པའི་དྲ་བ།     སྤེལ་དུས།  2018-08-19 09:20:54     རྩོམ་པ་པོ།   བློ་གྲོས།    ཀློག་ཐེངས།  

微信图片_20180819092148.jpg

༄༅།།གསང་སྔགས་དར་རྒྱས་གླིང་ངམ་དུས་གསུམ་སངས་རྒྱས་ལྷ་ཁང་ནི་མཚོ་བྱང་རྐང་ཚ་རྫོང་མཁར་ནས་ནུབ་ཕྱོགས་སུ་སྤྱི་ལེ་བརྒྱའི་མཚམས་སུ་ཕྱུག་ནོར་སྡེ་དཀྱིལ་དུ་ཡོད་ཅིང་། སྒྲུབ་བརྒྱུད་བསྟན་པའི་མངའ་བདག༸ཡབ་རྗེ་བླ་མ་ཤར་སྐལ་ལྡན་རྒྱ་མཚོའི་དངོས་སློབ། གྲུབ་པའི་དབང་ཕྱུག་དམ་པ་བྲག་དཀར་སྔགས་རམས་པ་སྐུ་ཕྲེང་བརྒྱད་པ་རྗེ་འཇིགས་མེད་

བསྟན་པ་རབ་རྒྱས་མཆོག་གིས་སྤྱི་ལོ༢༠༠༣ལོར་ཕྱག་བཏབ་མཛད། གྲུབ་མཐའ་དཔལ་མཉམ་མེད་རི་བོ་དགེ་ལུགས་པ་ཡིན། ཤར་སྐྱབས་མགོན་

རིན་པོ་ཆེ་དང་ཨ་རོལ་རྡོ་རྗེ་འཆང་སོགས་སྐྱེས་ཆེན་དུ་མ་ཐེངས་འགར་ཕེབས་ནས་འདི་ཀའི་དད་ལྡན་སེར་སྐྱ་མང་ཚོགས་ལ་དབང་ལུང་ཁྲིད་རྒྱུན་གང་མང་གནང་ཞིང་། དམ་པ་དེ་དག་གི་སྐུ་དྲིན་ལ་བརྟེན་ནས་ཆོས་སྡེ་འདི་ཉིད་ཀྱི་ཆོས་སྤྱོད་ཐོས་བསམ་བྱ་བ་སོགས་གོང་ནས་གོང་དུ་འཕེལ་ཞིང་རྒྱས་པར་གྱུར། ལཱ་མོ་བདེ་ཆེན་གྱི་རབ་འབྱམས་པ་དཀོན་མཆོག་རྒྱ་མཚོ་ཡོངས་གྲགས་ལ་ཨ་ལགས་གཟུངས་ཐར་རིན་པོ་ཆེ་མཆོག སྤྱི་ལོ༢༠༠༥ལོའི་ཟླ༥བའི་ཚེས༡༣ཉིན། གནས་འདིར་ཕེབས་ནས་ཉིན་གསུམ་གྱི་རིང་ལ་སྦྱིན་སྲེག་གསུངས་བ་དང་། ཁོང་གིས་དུས་གསུམ་སངས་རྒྱས་ལྷ་ཁང་གི་མཚན་ལ་༼གསང་སྔགས་དར་རྒྱས་གླིང་༽ཞེས་སུ་གསོལ། སྤྱི་ལོ༢༠༠༥ལོའི་ཟླ༦པའི་ཚེས༨ཉིན། ཤར་སྐྱབས་མགོན་བརྒྱད་པ་ཆེན་མོ་བསྟན་འཛིན་འཇིགས་མེད་སྐལ་ལྡན་རྒྱ་མཚོ་མཆོག རྐང་ཚའི་ཕྱུག་ནོར་ཡུལ་ལ་ཆེད་དུ་གདན་ཞུ་དགོས་ཉིན་བདུན་གྱི་རིང་ལ་རབ་གནས་ཆེན་མོ་མཛད་པ་དང་སེར་སྐྱ་ཡོངས་ལ་དབང་ལུང་མན་ངག་གནང་།སྤྱི་ལོ2015ལོར་བྲག་དཀར་ལྷ་རམས་པ་སྐུ་ཕྲེང་ལྔ་བ་ཚུལ་ཁྲིམས་རྒྱ་མཚོ་མཆོག་གིས་ཤར་རྣམ་རྒྱལ་སྒྲོལ་མའི་ལྷ་ཁང་བཞེངས།གཞན་ཡང་སྡེ་འདིའི་ཆོས་ཐོག་གི་རིམ་པ་ནི།ཉིན་རྒྱུན་དཔལ་ལྡན་ལྷ་མོའི་འཕྲིན་བཅོལ་དང་སྐུ་རིམ་རྣམ་གསུམ།ཟླ་རེར་ཚེས་བཟང་ལ་གསོ་སྦྱོང་། རྒྱ་ལོའི་སྨོན་ལམ། གསུམ་པའི་སྒྲུབ་མཆོད། བཞི་བའི་མཆོད་པ།ལྔ་བའི་ལྷ་བསང་།དྲུག་པའི་དབྱར་ཆོས།བདུན་པའི་དུས་མཆོད། བརྒྱད་པའི་སྟོང་མཆོད།དགུ་བའི་སྨོན་ལམ། བཅུ་བའི་ཁྲོས་ནག་ཚོགས་མཆོད་དང་ལྔ་མཆོད་ཆེན་མོ། ཟླ་བཅུ་གཉིས་པའི་གཏོར་སྒྲུབ་བཅས་སོ།ད་ལྟ་ཆོས་སྡེ་འདི་ལ་བདག་སྐྱོང་བྱེད་པའི་དགེ་འདུན་པ་ཉི་ཤུ་ལྷག་བཞུགས་ཡོད།


                  རྩོམ་སྒྲིག་པ།ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།

དྲ་བའི་སྦྲེལ་ཐགhttp://www.tb1025.cn 


བརྒྱུད་འགོད།