ལན། སློབ་དཔོན་ཐོགས་མེད་སྐུ་མཆེད་གཉིས་ཀྱིས་ཀྱང་མདོ་སྡེ་བའི་འདོད་པ་དེ་ཉིད་ལེགས་པར་མཛད་དེ། བློ་གསལ་བགྲོད་པའི་ཐེམ་སྐས་ལས། གལ་ཏེ་དགྲ་བཅོམ་པ་དེ་ལ་ཉོན་མོངས་གཏན་མི་སྐྱེ་བའི་གཉེན་པོ་སྐྱེས་ན་ཇི་ལྟར་ཉམས་པ་ཡིན། འོན་ཏེ་མ་སྐྱེས་ན་ཉོན་མོངས་ཀྱི་ས་བོན་རྩད་ནས་མ་བཏོན་ན་ཅི་ལྟར་ཟག་ཟད་ཡིན། ཟག་ཟད་མིན་ཡང་དགྲ་བཅོམ་པར་ཇི་ལྟར་འགྱུར། དེས་ན་དགྲ་བཅོམ་པ་ལས་ཉམས་པ་ནི་མེད་པ་ཡིན་ནོ། །ཡང་དེ་ཉིད་ལས། དགྲ་བཅོམ་སྤངས་པ་ཟློག་ཅེས་པའི། །བྱེ་བྲག་སྨྲ་བའི་ངན་རྟོག་རྣམས། །སངས་རྒྱས་གཉིས་པས་ལུང་རིགས་ཀྱིས། །ལེགས་པར་བཀག་རྣམས་རྒྱས་པར་བཀྲལ། །ཞེས་གསུངས། མཐོང་ཆོས་བདེར་གནས་ཀྱི་ཏིང་ངེ་འཛིན་གྱི་ངོ་བོ་ནི། གང་ཟག་དེ་རྣམས་ཆེད་དུ་བྱ་བ་གཞན་གྱི་དོན་དུ་མཐོང་བའི་ཆོས་ཚེ་འདི་ལ་ལུས་སེམས་བདེ་བར་གནས་པའི་ཏིང་ངེ་འཛིན་ཞིག་ལ་འདོད་ལ། དེ་ལས་ཉམས་ཚུལ་ནི། གང་ཟག་དེའི་རྒྱུད་ནས་དེའི་ཤུགས་ཉམས་པའམ་དེ་མངོན་གྱུར་བ་ལྡོག་ན་ཉམས་ཚུལ་ལོ། །

བྱེ་སྨྲས་དགྲ་བཅོམ་རིགས་དྲུག་ལས་དང་བོ་ལྔ་དགྲ་བཅོམ་ལས་ཉམས་པ་ཡོད་པར་འདོད་ལ་ཐ་མ་མི་གཡོ་བའི་ཆོས་ཅན་གྱི་དགྲ་བཅོམ་དེ་དགྲ་བཅོམ་ལས་ཉམས་པ་མེད་པར་འདོད་དེ། དང་བོ་ལྔ་དུས་སྦྱོར་དང་ཐ་མ་དུས་སྦྱོར་མིན་པའམ་མི་གཡོ་བར་འདོད་དོ། །བྱེ་སྨྲ་ཡན་ཆད་ཀྱི་ནང་བའི་གྲུབ་མཐའ་སྨྲ་བ་གང་གིས་ཀྱང་དགྲ་བཅོམ་པ་དགྲ་བཅོམ་ལས་ཉམས་པ་མེད་པར་འདོད་དོ། །འོན་ཀྱང་མདོ་སྡེ་བས་དགྲ་བཅོམ་པ་མཐོང་ཆོས་བདེར་གནས་ཙམ་ལས་ཉམས་པ་ཡོད་པར་འདོད་དོ། །ཉན་ཐོས་གཅིག་ཅར་བ་ཕྱིས་རང་རྒྱལ་དུ་སོང་བ་དེ་བཅུ་དྲུག་པ་ཐོབ་པ་དང་མཉམ་དུ་རང་རྒྱལ་གྱི་དགྲ་བཅོམ་མངོན་དུ་བྱེད་དོ། །དཔེར་ན། རྟོགས་རིགས་འདྲ་བའི་ལུགས་ལ་ཉན་ཐོས་གང་རུང་ཞིག་སྲིད་པ་ཐ་མའི་གནས་སྐབས་སུ་སློབ་དཔོན་གཞན་གྱི་མན་ངག་སོགས་ལ་མ་བརྟེན་པར་རང་སྟོབས་ཀྱིས་དགྲ་བཅོམ་པའི་གོ་འཕང་མངོན་དུ་བྱེད་པ་དེའི་ཚེ་དགྲ་བཅོམ་མ་ཐོབ་སྔོན་ལ་ཉན་ཐོས་གཅིག་ཅར་བ་དང་ཐོབ་ཚེ་རང་རྒྱལ་དགྲ་བཅོམ་དུ་གྱུར་བ་ལྟ་བུའོ། །

  རྩོམ་སྒྲིག་པ།ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།

དྲ་བའི་སྦྲེལ་ཐགhttp://www.tb1025.cn