༄༅། །བདག་གཞན་རྒྱུ་ལུས་ཀྱི་ཕུང་པོ་འདི།།

ན་ན་ན་སྟེ་ན་བས་དགའ།།

སྔར་བསགས་ཀྱི་ལས་ངན་འཛད་པ་ཡིན།།

ཆོས་སྤྱོད་ཀྱི་བྱ་བ་སྣ་ཚོགས་ཀྱང༌།།

སྒྲིབ་གཉིས་སྦྱོང་བའི་ཆེད་དུ་ཡིན།།

ན་བ་མེད་ན་མེད་དེ་དགའ།།

ལུས་སེམས་བདེ་ན་དགེ་སྦྱོར་འཕེལ།།

མི་ལུས་དོན་ཆེན་བྱེད་པ་ཡང༌།།

སྒོ་གསུམ་དགེ་ལ་སྦྱོར་བ་ཡིན།།

འབྱོར་བ་མེད་ན་མེད་དེ་དགའ།།

སྲུང་བྲལ་བྱ་བྲེལ་དེ་ལ་མེད།།

འཐབ་རྩོད་ཀྱི་ཁྲོ་འཁྲུག་ཇི་སྙེད་པ།།

འཛིན་ཆགས་ཀྱི་ནོར་ལས་བྱུང་བར་ངེས།།

འབྱོར་པ་ཡོད་ན་ཡོད་དེ་དགའ།།

བསོད་ནམས་ཀྱི་དགེ་ཚོགས་སྤེལ་བའི་ཚོགས།།

འཕྲལ་ཕུག་གི་ཕན་བདེ་ཇི་སྙེད་པ།།

བསོད་ནམས་ཀྱི་འབྲས་བུ་ཡིན་པར་ངེས། །

མྱུར་དུ་ཤི་ན་ཤི་བས་དགའ།།

རྐྱེན་ངན་གྱིས་བར་དུ་མ་ཆོད་ཅིང༌།།

མཚམས་སྦྱོར་གྱི་བག་ཆགས་བཟང་འགྲོགས་པའི།།

མ་ནོར་གྱི་ལམ་དུ་ཆུད་པར་ངེས།།

ཡུན་དུ་གསོན་ན་གསོན་པའི་དགའ།།

ཉམས་མྱོང་གི་ལོ་ཏོག་སྐྱེ་བ་ལ།།

གདམས་ངག་གི་བརླན་དྲོད་མ་ཡལ་བར།།

ཡུན་དུ་བསྟེན་པས་སྨིན་པར་འགྱུར།།

རྩོམ་སྒྲིག་པ།ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།

དྲ་བའི་སྦྲེལ་ཐགhttp://www.tb1025.cn