སྡིག་སྦྱོང་མན་ངག་བཞུགས་སོ།།
བླ་མ་རིན་པོ་ཆེ་ལ་ཕྱག་འཚལ་ལོ།།སྡིག་པ་བཤགས་པའི་ཐབས་ལ་སྟོབས་བཞི་དང་། ཀཾ་ཀ་ནི། ཡི་གེ་བརྒྱ་པ་ལ་སོགས་པ་སྔགས་དང་ཕ་རོལ་ཏུ་ཕྱིན་པ་གཉིས་ཀ་ནས་གསུངས་ཀྱང་།སེམས་ཅན་ཐམས་ཅད་ཀྱི་སྡིག་པ་དང་སྒྲིབ་པ་མ་ལུས་པ་སྦྱང་སྙམ་དུ་བྱང་ཆུབ་ཏུ་སེམས་བསྐྱེད་ལ། རང་གི་ལུས་འཇའ་ཚོན་ནམ།འོད་ཀྱི་རྣམ་པ་ལྟ་བུར་བལྟ་སྟེ། དེའི་སྟེང་དུ་སྣའི་ཐད་ཀར་བུ་ག་གཅིག་བསམས་ལ། ཡི་གེ་གསུམ་བཟླས་པས་བུ་ག་ནས་སྒྱུ་མའི་ཚིལ་ཇི་བཞིན་བྱུང་ནས།དེ་ནས་སྡིག་སྒྲིབ་ཐམས་ཅད་ནག་ནུར་གྱིས་བྱུང་བར་སེམས་ཤིང་བཟླས། དེ་ནས་འཇོག་ཙ་ན་སངས་ཀྱིས་དག་པར་བསམས་ལ། དེ་ཐམས་ཅད་སེམས་ཀྱི་སྣང་བ་ཙམ་དུ་ཤེས་པར་བྱས་ལ་དགེ་བ་བསྔོ།སྨོན་ལམ་བཏབ། དེ་བཞིན་གཤེགས་པའི་སྐུ་གསུང་ཐུགས་ཡི་གེའི་རྣམ་པར་བྱོན་པ་ཡིན་པས་བྱིན་རླབས་ཤིན་ཏུ་ཆེ། སྡེ་འཁྲུག་བྱས་པ་ལ་སོགས་པའི་སྡིག་པ་ཆེན་པོ་ཡང་འདིས་འདག་པ་ཡིན་གསུངས་སོ།།།།
རྩོམ་སྒྲིག་པ། སྟོབས་རྒྱལ།
གསལ་འདེབས།
རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་དགོད་ན་རྩོམ་ཁུངས་དང་སྦྲེལ་ཐག་གསལ་བོར་དགོད་པར་ཞུ།
དྲ་བའི་སྦྲེལ་ཐགhttp://www.tb1025.cn