མགོན་པོ་བླ་མ་གསེར་གླིང་པའི་ཞལ་ནས།ཇོ་བོ་ལ་བུ་ཁྱོད་མཐའ་འཁོབ་འདུལ་བ་ལ་ཆོས་འདི་རྣམས་དགོས་གསུངས། རྟོག་པ་ཐམས་ཅད་འབུར་འཇོམས་ཏེ། །གཉེན་པོ་ཐམས་ཅད་བཅོམ་ཐེག་ཡིན།།འདུན་མ་ཐམས་ཅད་གཅིག་འགྲིལ་ཏེ། །ལས་རྣམས་ཐམས་ཅད་གཅིག་ཆོས་ཡིན། །གཉེན་པོ་རྣམ་བྱང་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན།།འཁོར་ངན་ལོག་སྒྲུབ་བཟོད་པ་ལ། །སྙིགས་མའི་དུས་སུ་མཁོ་བ་ཡིན། །རྐྱེན་ངན་དགེ་བའི་བཤེས་གཉེན་ཏེ། །འདྲེ་གདོན་རྒྱལ་བའི་སྤྲུལ་པ་ཡིན།།ན་ཚ་སྡིག་སྒྲིབ་ཀྱི་ཕྱགས་མ་སྟེ། །སྡུག་བསྔལ་ཆོས་ཉིད་ཀྱི་ཡོ་ལངས་ཡིན། །ཀུན་ནས་ཉོན་མོངས་ཀྱི་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན།།སྐྱིད་ཀྱི་ཁ་ནོན་ཆེན་པོ་སྟེ། །སྡུག་གི་མཇུག་སྡུད་ཆེན་པོ་ཡིན། །ན་ན་ནད་གཡོག་ཆེན་པོ་ཡིན།། གཅིག་པུར་སྡོད་ན་སྐྱོ་གྲོགས་ཡིན།།གཉེན་པོ་ལོག་གནོན་གྱི་ཆོས་བཞི་སྟེ། ། མཐའ་འཁོབ་འདུལ་ན་དགོས་པ་ཡིན། །བདག་ནི་ལས་ངན་རྩ་བ་སྟེ། །རྒྱངས་ཀྱིས་བསྐྱུར་བའི་ཆོས་གཅིག་ཡིན།།གཞན་ནི་བྱང་ཆུབ་འབྱུང་ཁུངས་ཏེ།། བཅངས་ཏེ་ལེན་པའི་ཆོས་གཅིག་ཡིན། །སྤང་གཉེན་མཇག་སྡུད་ཆོས་བཞི་སྟེ། །མཐའ་འཁོབ་འདུལ་ན་དགོས་པ་ཡིན།།ལོག་རྩེར་ལོག་ན་རྩ་རྩེར་ལྟོས། །ཤིག་གི་ཤིག་ལ་འབོལ་ལེར་ཞོག །དེ་ནས་མི་འཆིང་གྲོལ་བར་འགྱུར། །ཅེས་གསུངས་སོ།། །།

                                                           རྩོམ་སྒྲིག་པ།  སྟོབས་རྒྱལ།

                               གསལ་འདེབས། 

                              རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་དགོད་ན་རྩོམ་ཁུངས་དང་སྦྲེལ་ཐག་གསལ་བོར་དགོད་པར་ཞུ།

                                                      དྲ་བའི་སྦྲེལ་ཐགhttp://www.tb1025.cn