༄༅༅།།སྒྲོལ་མ་དཀོན་མཆོག་གསུམ་ལ་བསྟོད་པ།ལོག་རྟོག་མ་རིག་གཉིད་སྤངས་ཤིང་།།བློ་མཆོག་ཤེས་བྱ་ཀུན་ལ་ཁྱབ།།ཡང་དག་རྫོགས་པའི་མཆོག་བརྙེས་མ།།སྒྲོལ་མ་སངས་རྒྱས་ཁྱོད་ཕྱག་འཚལ།།བདེ་ཆེན་ཞི་བ་མྱ་ངན་འདས།།དམ་པའི་ཆོས་མཆོག་ཡི་གེ་བཅུ།།ཕ་རོལ་ཕྱིན་པ་བཅུ་ཡི་ཚུལ།།སྒྲོལ་མ་དམ་ཆོས་ཁྱོད་ཕྱག་འཚལ།།དུས་གསུམ་བདེ་གཤེགས་ཐམས་ཅད་ཀྱི།།སྐུ་དང་གསུང་དང་ཐུགས་གསང་བ།།འདུས་པའི་ཡེ་ཤེས་མཁའ་འགྲོ་མ།།སྒྲོལ་མ་དགེ་འདུན་ཁྱོད་ཕྱག་འཚལ།།སྒྲོལ་མ་དཀོན་མཆོག་གསུམ་ལ་བསྟོད་པ།རྒྱ་གར་ཕྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ནའི་ཞལ་སྔ་ནས་དང་།བོད་ཀྱི་ལོ་ཙཱ་བ་ནག་ཚོ་ཚུལ་ཁྲིམས་རྒྱལ་བས་བི་ཀྲ་མ་ཤཱི་ལའི་གཙུག་ལག་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པ།།

རྩོམ་སྒྲིག་པ།ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།

དྲ་བའི་སྦྲེལ་ཐགhttp://www.tb1025.cn