རྒྱ་གར་སྐད་དུ། ཨུ་པ་སི་ཀ་སཾ་བ་རཱཥྚ་ཀ །བོད་སྐད་དུ། དགེ་བསྙེན་གྱི་སྡོམ་པ་བརྒྱད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །སྡོམ་གནས་བླ་མ་མཁས་པ་ལས། །གསུམ་ལ་སྐྱབས་འགྲོ་བླངས་ནས་ནི། །ཇི་སྲིད་འཚོ་བར་གསོད་དང་འཕྲོག །ལོག་པར་སྤྱོད་དང་བརྫུན་གྱི་ཚིག །ཆང་གི་བཏུང་བ་དག་ལས་ལྡོག །ཡན་ལག་ཚང་བ་ཆོ་ག་བཞིན། །བརྫུན་གྱི་ཚིག་ལས་ལྡོག་པ་ཡིས། །དེ་ཡི་སྐྱོན་ནི་གཞན་ལས་ཀྱང༌། །ལྡོག་བར་བྱ་སྟེ་ལྡོག་བཤད་པ། །དེ་ཡང་ཤིན་ཏུ་སྨད་པའི་ཕྱིར། །གང་ཕྱིར་ལུས་ངག་མི་དགེ་ལས། །ལྡོག་པ་ཡིད་ཀྱི་དགེ་བ་ལས། །དེ་ཕྱིར་བརྣབ་སེམས་གནོད་པའི་སེམས། །ལྟ་ལས་ལྡོག་རྣམས་གྲུབ་པ་ཡིན། །ཡན་ལག་ལྔ་ཡི་སྡོམ་བཤད་ཉིད། །གཞུག་པ་རུ་ནི་འདོད་པས་སོ། །མི་གསོད་པ་དང་དངོས་པོ་རྐུ། །ཡོངས་སུ་རྫོགས་དང་གཞན་བུད་མེད། །བདག་གིར་བྱེད་དང་བརྫུན་ཚིག་སྨྲ། །སྡོམ་པ་ཉམས་པའི་རྒྱུ་རྣམས་སོ། །སྡོམ་པ་སླར་ཡང་བླང་བར་བྱ། །དེ་འདྲའི་གང་ཟག་ཉིད་ལས་སོ། །གཞན་དག་ཇི་ལྟ་བར་ནི་བཤགས། །མཁས་ལ་ཡང་རྣམས་ཡང་དག་བསྡམ། །འདི་ལྟར་སྡོམ་པའི་ཚུལ་ཁྲིམས་གནས། །འཇུག་པ་ལ་ཡང་སྟོབས་ཇི་ལྟར། །གུས་པར་བྱ་སྟེ་དེའི་སྦྱོར་བས། །འབྲས་བུ་སྣ་ཚོགས་དེས་ནི་སྟེར། །འདི་ལ་འབད་དེ་སྦྱར་བར་བྱ། །བདེ་འགྲོ་ཡང་ནི་འདོད་པ་ཡིས། །ཁྲེ་ཡི་མྱུ་གུའི་རྒྱུ་རུ་ནི། །སཱ་ལུའི་ས་བོན་གང་དུ་མཐོང༌།། །།དགེ་བསྙེན་གྱི་སྡོམ་པ་བརྒྱད་པ། སློབ་དཔོན་ཆེན་པོ་སུ་ན་ཡ་ཤྲཱིས་མཛད་པ་རྫོགས་སོ། །རྒྱ་གར་གྱི་མ་བན་པོ་དེ་ཉིད་དང༌། ལོ་ཙཱ་བ་དགེ་སློང་དར་མ་གྲགས་ཀྱིས་བསྒྱུར་བའོ།།

རྩོམ་སྒྲིག་པ།ཤེས་རབ་རལ་གྲི།

གསལ་འདེབས།

རྩོམ་འདིའི་པར་དབང་ངེད་དགེ་ལུགས་པའི་དྲ་བར་གཏོགས་པས་གང་འདོད་དུ་གཞན་དུ་མི་འགོད་པ་དང་། གལ་ཏེ་འགོད་ན་རྩོམ་ཁུངས་དང་སྦྲེལ་ཐག་གསལ་པོར་དགོད་པར་ཞུ།

དྲ་བའི་སྦྲེལ་ཐགhttp://www.tb1025.cn